Bình Dương urak ini lac tinh dang ka klau dalam taneh ia (hadei di ban raya HCM saong Ban ine Hà Nội) ka bruk dui pachreih FDI, ngan haong 4.322 danak dak daok ngak saong abih tih phun jien tut angan tame ngak lac labaih 41 tỉ USD. Labaih 20 taneh ia saong bhum taneh hu buh jien ngak mbang pak Bình Dương, dalam nan Singapore dang akaok haong jaik 309 triệu USD, meblah labaih 37% abih tih phun jien tut angan tame. Dalam vaktu bahrau, Bình Dương taduan raok bruk salih bahrau gah ngak kong mbang ka pak, padang ban thông minh, bhum salih bahrau hadah krah, hệ sinh thái ngak kong jalan bahrau. Kayua yau nan ye, tinh brei dui pachreih dahlau hu pilih ruah bruk ngak kong nghe glaong, takik pandar rilo urang ngak.

Urak ini, di bhum taneran kraong Cuu Long trun pajaih hu labaih 1 trieu 480 rabau ha padai hè thu, tui nan, urang ngak nong yuak hu blaoh 300.000 ha padai tathak. Yau nan min, dalam dom harei tapa, kayua hajan praong dui atah, jaok 3.000 ha padai di dom tỉnh Vĩnh Long, Hậu Giang, Kiên Giang, An Giang jaoh jaleih, lahik asar padai meng 5 tal 20%. Langiu di nan, kayua padai jaoh jaleih nan ye yaom pah mac yuak gam juah padai jeng tagok. Urak ini, karja palei jak ba saong kakei urang ngak nong hu padai sroh, tathak brei tathuak ia tabiak hamu piah patakik bruk jaoh jaleih.

Lữ đoàn 175, Bộ Tư lệnh bhum 5 Hải quân haong urang daong bahrau peih bruk jao “Sang jum pataom” ka dua baoh sang di huyện Năm Căn, tỉnh Cà Mau. Ini lac dua sang hu prein haong cach mang, lac sang kan kathaot,gaok kan kandah ka sang danaok. Meng phun jien daong 50 trieu dong sa baoh sang di Tổng công ty Thái Sơn gam haong bruk daong prein di urang jakar, urang lin dalam Lữ đoàn 175, hadei di labaih 1 bilan padang ngak, dua baoh sang pakat 4 (yaok baoh sang praong labaih 50m2) hu ngak salah tui njauk jalan ba tabiak, siam gheih, khang kadang.

Festival Bruk ngak Sara Việt Nam-Bạc Liêu thun 2024 - Festival Bruk Sara Việt Nam mbang akaok meti hu peih ngak di tỉnh Bạc Liêu di bilan 12 anak tal. Ngan haong kadha “Jalan nao sa rituh thun bruk ngak sara - Rai manuac” Festival sara hu peih ngak haong dom bruk, brei mboh ilamo siam gheih meng kan, piah pok meyaom saong khik ramik bruk ngak sara Viet Nam, jeng yau yaih khan bruk padang thaot binguk siam gheih, prein khang di dom pandap sara jeng yau bruk ngak saa di Bạc Liêu saong dalam taneh ia. Thun 2020, bruk ngak sara di Bạc Liêu hadah mbaok meta hu taduan brei angan Drap ar Ilamo Phi vat the pakat negar.

Meng panuac ieu kakei oh caik rahtabiak veik gilai ikan “3 oh”, oh dang kiem, oh tut angan, oh hu harak adat, gah chuc nang tỉnh Bình Thuận meda langyah catang dom sruh gilai ikan “3 oh” rahtabiak kayua ngak bahrau, pablei salih suan adat hukum hadei di harei 6.5.2024. Chi cục kaya tasik tỉnh Bình Thuận meda payua angan dom sruh gilai ikan “3 oh” hu pathau khan tal UBND pakat huyen, xa hu gilai ikan piah patui iek, khik ramik. Gam tui di nan, kapul hu peih bruk brei tut angan ka dom sruh gilai ikan ngak bahrau, pasiam veik, pablei salih, alin brei bo ka oh hu tut angan di dalam tỉnh tui adat saong oh ka pabak ginup dom khau tin gilai ikan tui asal kadha bruk ngak ikan pakat negar dahlau di harei 15.9.2024.

Mbang 2 bruk palih ruah Quoc hoi Phap hu peih tabiak. Ini hu maong lac lac bruk meraik gauk khang di klau khoi chinh tri praong abih, dalam nan hu đảng Tap hop Quoc gia cuc huu saong dom gah; Lien minh canh ta Mat tran Bình dân Mới saong gah dang kreih “Dong gauk kayua bruk Cong hoa” di Tong thong Emmanuel Macron. Mbang 2 bruk palih ruah rah tabiak di 500 labik, haong labaih 1.000 urang tabiak ung cu piah pakacah gauk mek dom labik daok veik dalm abih tih 577 labik di Quoc hoi. Labaih 30.000 cảnh sát hu mbaok di dom labik palih ruah. Yam tame mbang palih ruah ka 2, đảng Tập hợp Quốc gia cực hữu daok ba akaok.

Urang pan akaok tỉnh Hồ Nam - Trung Quốc brei thau lac, bruk pasiam labik ar pacah di mangaok binek Động Đình tui kuhria meda ngak salah di harei 9/7 anak tal. Yaok rabau urang saong rilo pandap panda hu ba mai piah samar drah pacang caga haong bala pacah ar pacang di binek ia taba praong ka dua di Trung Quốc ini. Labik pacah di binek Động Đình tuk camriep praong labaih 10m di dah page 5/7, min nyu praong jang tal 225m di bier harei 6/7. Kanja pak ini hu samar drah ba jaik 6.000 urang dalam bhum gaok bala nao daok di labik salamat chip dalam harei 6/7. Urak ini Trung Quốc jeng ka oh khan brei thau dom khat lahik drap ar saong menuac urang meng bala pacah ar pacang nan.

Urang jakar ngak praong Nepan khan lac, takik abih 47 urang metai hadei di tuk hajan hangin praong ngak brei ia dauk ia sua, jaleih taneh saong jakala klak di rilo labik di taneh ia ini, dalam nan hu ban ine Kathmandu. Hajan ia sua saong jaleih taneh, bhian rah tabik di Nepan dalam bilan hajan, meng bilan 6 tal kreh bilan 9, ba tal yaok rituh urang metai yaok thun di taneh ia Nam Á ini. Dhalau di nan, puac bilan 6 meng blaoh, sa mbang hajan praong dui tah ngak jaleih taneh saong ia sua ngak brei takik di nyu 11 urang matai, dalam nan 9 urang metai kayua jakala klak.