Binh Thuan pachreih urang ngak mbang tame padang ngak khu cong nghiep

Sở Jalan mbak pajeng ba Ban raya HCM birau hu harak pathau khan payua UB bhap bini Ban raya ka bruk padang Hội đồng cố vấn danak dak padang ngak jalan cành đai 3. Hội đồng cố vấn hu brei bruk hu mbaok tame tacei pato ka jalan ngak, sarak saong dom asar kadha pambak tal: kỹ thuật, pandap padang ngak, cong nghe, khik iek jien peih ngak, tacei jalan danak dak.. Gam haong nan, rik daong brei thau ka jalan ngak, ba tabiak jalan ngak siam lagaih di abih saong dom tavak tavaiy piah sumu tacei pato dom bhum palei peih ngak danak dak hu siam, njauk tukvak. Jalan vành đai 3 atah labaih 76 km, hu ngak haong yaom jien abih tih 75.378 tỷ đồng, daok hu Ban raya Hồ Chí Minh, Bình Dương, Đồng Nai, Long An kham merat peih tabiak ngak di bilan 6 thun 2023.

Tổng cục Jalan mbak bahrau pato tacei dom kapul ngak salah bruk caga mek jien phí bilai BOT Cai Lậy, tỉnh Tiền Giang meng puac bilan 8 ini. Danak dak padang ngak jalan Roya 1 labik nao tapa ban sit Cai Lậy atah labaih 38 km, taong abih jien buh tame tuk camriep lac jaik 1.400 tỷ đồng. Min, meng di tuk bilai hu ba tame pandar di harei 1/8/2017, rilo urang peih radaih pandar jien lẻ blei vé, pataom rilo manuac ngak gar jalan, lahik an ninh trật tự ngak ka po buh jien tame ngak jalan brei yah klaak bilai. Kayua yau nan ye, harei 14/12/2017, BOT Cai Lậy brei padeih bruk mek jien phí.

Urak ini dom KCN di tỉnh Bình Thuận pachreih hu 85 danak dak daok tukvak ngak, dalam nan hu 66 danak dak hu tame ngak bruk pablei salih. Meng ngak siam dom chế độ, sarak ka urang ngak, nan ye tal urak ini, di dom KCN di Bình Thuận hu labaih 12.000 urang ngak. Dom D.N jeng hu likau jabat chức năng daong ka urang ngak gaok kan kandah di jit ruak COVID-19, abih di nyu nan lac daong ka D.N hu urang ngak gaok kan kandah kayua jit ruak.

 Dalam rilo harei tapa, hajan hangin khang saong ia ndik ngak khat lahik trak di dom tỉnh dalam bhum taneran kraong CL. Di tỉnh Cà Mau, ar pacang tasik Tây di 2 huyện Trần Văn Thời saong U Minh rilo labik njauk glut jaleih biak trak, mbuan ba tal ia ndauk yaok piluh ribau ha padai, ngak khut labaih 750 baoh sang. Daok di tỉnh Sóc Trăng, tal urak ini hu 36 baoh sang njauk khut, tayah, glut jaleih 50m jalan palei, tui kuhria khat lahik labaih 1 tỷ đồng.

Di xã Phú Hội, huyện Nhơn Trạch, tỉnh Đồng Nai hu sa urang birau metai kayua ula hổ mang chúa kaik. Dahlau di nan, harei 10/7, mboh sang daok tapen hu ula ruai tame, ong V.C umo 65 thun haong anek likei gam dom urang karei tame cap mek. Kayua sahaneng lac ula oh hu jru mek, ong V.C mek ula meng tangin. Oh patuah ula kaik tame tangin. Jeng oh huac, nan ye ong oh tame iek ruak chip. Mbiah tal tuk tangin barah jhuk, urang dalm sang ba ong V.C tame Sang iek ruak Chợ Rẫy cấp cứu. Kayua ruak trak ye, tal subuh page 12/7, ong C metai.  

Tổng thống Sri Lanka Rajapaksa hu tabiak truh taneh ia meng kapar haoh dân sự di dah page harei ini 13/7 (tui maong pak nan). Bruk ini rah tabiak dom harei hadei di tuk bhap binit trun jalan tame sang saong dinh thự di tổng thống ieu ong padeih ngak, dalam tuk bruk sarau kadhau  kinh te dui atah dalam 3 bilan tapa ba tal  kurang pandap mbang saong kurang xang manjek biak trak damak di taneh ia ini. Tổng thống Sri Lanka njauk urang lac ngak suan dalam bruk khik ramik kinh tế, ngak ka taneh ia ini oh daok jien negar langiu piah blei tame dom pandap panda pandar yaok harei, jhul 22 triệu bhap bini Sri Lanka laik tame kan kandah.

Mỹ brei thau lac pametai hu sa urang pan kaok pakat glong di Kol IS daok di Syria harei kabroi (12/7) meng kapal haok oh hu manuac peih. Tui Mentri Quoc phong Mỹ, bruk pametai urang pan kaok pakat glong di kol IS daok di Syria meda ngak brei trun ralo prein di Kol nan dalam bruk ba tabiak jalan ngak, pataom prein khang jien ndo saong peih dom bruk di labik nan. Đài quan sát Nhân quyền Syria hu labik ngak bruk di London jeng brei thau bruk urang pan kaok pakat glong nan njauk pametai.

Gah Y tế Dunya (WHO) brei thau, jit praong COVID-19 jeng daok lac bruk y te samar drah di dunya. Dahlau di nan, di bilan 01/2020, WHO brei thau COVID-19 lac jit praong di dunya. Ini jeng lac mbang ka 5 dalam sajarah  y te dunya, WHO brei thau ka bruk ini. Tui WHO, kuhria taeng dalam 2 adit tapa, dom urang njom COVID-19 tagok tal labaih 30%, yaom lac danak dak klauk jru vắc xin hu brei klauk di grauk labik di dunya./.

Urang lang: Thu Thảo -Ái Nghiêm -13/7