Lambaok mBan Tôn giáo Rajaei, UB bangsa...dalam tỉnh hu mai tadhau ayuh mikva urang Cam

Mbang ginum biai sarak negar ngan haong dam dara 2022 kayua Ủy ban Ilamo, pato magru di Quốc hội, Mintri Lao động-Thương binh saong Xã hội, Ủy mban pakat negar ka dam dara Việt Nam pambuak gauk peih tabiak di dah page ini 30/3/2022 di Hội trường Diên Hồng (di Sang Quốc hội). Ngan haong kadha "pato bruk ngak ka dam dara", mbang ginum biai lac sa bruk ngak hu makna praong dalam tuk jit ruak saong bruk cak rok patagok khang di ilamo - công nghệ, tapa nan rik daong paglaong hatai saneng di dam dara saong abih menuac sia ka sarak pato bruk ngak. Ini jeng lac tuk piah ka dam dara ndem tabiak hatai caong, pok panuac haong jabat kanja ka bruk pato bruk ngak, pabak bruk dalam tukvak urak ini.

Ong Haji Jacky, urang dang akaok mBan Đại diện urang Islam tỉnh An Giang brei thau, urak ini, dom puk, palei Cam dalam tỉnh hu ngak salah bloh dom bruk caga ka bilan eik Ramadan thun 2022 saka ia harei, thun 1443 sakavi Islam (lac meng harei 2/4 tal harei 2/5) . Uan bruk ini, lambaok mBan Tôn giáo Rajaei, UB bangsa, Bộ Tư lệnh Quân khu 9, Cục An ninh nội địa Bộ Công an haong dom urang pan akaok Tỉnh ủy, HĐ bhap bini, UB bhap bini, UBMT negar Việt Nam tỉnh An Giang saong karja dom puk palei dalam tỉnh hu mai tadhau ayuh mikva urang Cam.

Mintri Lao động saong bruk ngak Hàn Quốc saong Mintri Tư pháp Hàn Quốc hu khan brei thau bruk brei dui atah tukvak daok veik, likau bruk ngak ka urang ngak di negar langiu tui Danak dak brei adat bruk ngak ka urang ngak negar langiu (ieu katut lac urang ngak EPS) hu visa E9 meda abih tukvak daok saong tukvak likau bruk ngak di Hàn Quốc dalam tukvak meng harei 13/4 tal harei 31/12/2022.Tui kuhria, meda hu labaih 132.000 urang ngak negar langiu daok di Hàn Quốc lac dom urang hu mbang tui bruk dui atah thị thực daok veik dalam mbang ini, dalam nan hu labaih 3.000 urang Việt Nam tui danak dak EPS.

Melam bloh (29/3), di TP.HCM, Hội doanh nghiệp pandap Việt Nam chất lượng glaong hu jao harak brei angan “Pandap Việt Nam chất lượng glaong” kayua urang blei pandar pilih ruah ka 524 doanh nghiệp, gam haong nan, sanya lac daok pambuak bruk haong doanh nghiệp piah paglaong chất lượng pandap Việt tui tanut chuẩn bahrau. Bruk pasang iek pandap Việt Nam chất lượng glaong thun 2022 hu peih ngak dalam tuk jit praong COVID-19 ngak brei salih karei rilo gah di raidiuk, dalam nan hu salih karei bruk bhian randap saong jalan blei pandar. Njauk ndom tal di abih lac urang blei pandar daok pilih ruah blei dahlau dom pandap siam ka prein yava, taduan blei yaom glaong jang, nao blei di dom labik pablei pandap hu angan je, bruk blei online jeng daok hu takre…

Bier harei 29/3/2022, Jabat Cảnh sát pasang iek, Mintri Công an tabiak harak khởi tố bruk hình sự, cap kreik ong Trịnh Văn Quyết (akaok Kapul khik ramik Công ty Cổ phần Tập đoàn FLC) ka bruk "ngak srau kadau darak pasa chứng khoán"; "padauk khau tin dalam bruk ngak chứng khoán".

Tổng thống Mỹ Joe Biden harei 29/03 hu pok meyaom VinFast padang ngak sang mac ngak pin haong ô tô điện di bang Bắc Carolina tui yaom phun jien buh tame ngak lac 4 tỷ Đô la. Tui Tổng thống Biden, danak dak ini hu ba labaih 7 rabau bruk ngak saong yaok ratuh rabau radaih ô tô điện saong pin pandar ka dom janih radaih ini dalam tukvak anak tal. Tổng thống Biden jeng ndom lac dom kham merat dak padang nền kinh tế năng lượng hacih daok pachreih ba dom Cty ngak rilo jang di Mỹ, padang ngak veik dom chuỗi pabak pandap di Mỹ saong trun yaom pandap ka rahra Mỹ.

Thổ Nhĩ Kỳ hu dang tabiak peih mbang ginum biai saron mbon bahrau abih di Nga saong Ukraine. Gah Ukraine hu ba tabiak sa bruk meng harak brei ka sarak saron mbon di dua taneh ia. tui panuac khan di urang ginum biai dang akaok di Nga, Vladimir Medinsk, panuac ba tabiak nan hu payua tal Tổng thống Nga Vladimir Putin piah pasang iek.

Harei kabroi, 1 urang Ả Rập pan phao cuh pametai takik di abih lac 5 urang di gah langiu ban Tel Aviv dahlau di tuk njauk cuh metai . Ini lac bruk pametai menuac mbang ka 3 di Ixraen dalam 1 adit. Báo chí Ixraen ba panuac dom urang ngak praong gah an ninh taneh ia ini brei thau, urang cuh pametai menuac nan, lac 1 urang Palextin mai meng 1 palei daok jaik ban Jenin gah Bờ Tây./.

 Urang lang: Thu Thao – M. Phuong – 30/3