Tui Viện Jalan ngak cak rok patagok, Mintri Kế hoạch saong Đầu tư, Khung kuhria ka bruk cak rok patagok saong peih labik bhum Đông Nam bộ tukvak 2021-2030, pamaong tal thun 2050, bhum Đông Nam bộ meda hu peih ngak jeng 3 bhum sit. Dalam nan, bhum sit pasak lac: TP.HCM, bhum gah maraong di tỉnh Bình Dương saong Tây Nam tỉnh Đồng Nai. Bhum sit tapen tasik lac bhum Cần Giờ di TP.HCM saong tỉnh Bà Rịa - Vũng Tàu. Bhum sit gah barak lac dom tỉnh: Tây Ninh, Bình Phước, Bình Dương saong bhum gah barak di Đồng Nai.

Urak ini, urang nông Cần Thơ yuak hu blaoh 20.000 ha padai Thu Đông, hu meng 5 tấn 3 tal 5 tấn meteh yaok ha. Yaom pablei padai meng 7.800 - 8.500 đồng/kg padai that tui janih. Padai yuak hu thun ini samu padai bilan Thu Đông thun 2022, min yaom khat yaom pandap ngak nong trun, yaom padai tagok, nan ye mikva urang ngak padai mek jien tame hu meng 18 - 20 triệu đồng/ha – lac glaong abih kuhria meng dahlau mai. Kayua langik daok tame bilan hajan, piah yuak padai Thu Đông 2023 hu siam, gah ngak nong hu kakei urang nong caga jamriak njuk ia piah tahuak ia siam, pandar jamriak, mac yuak padai piah hu mbuan lagaih.

Pabak ka bruk pacang caga ia njom mbak tui kuhria tuh mai samar jang, khik caga ka bein phun mbang baoh, tỉnh Tiền Giang hu jhul khang bruk peih ngak saong ngak salah 6 binek pacang ia mbak di tapen kraong Tiền. Nan lac dom binek: Phú Phong, Rạch Gầm (huyện Châu Thành), binek Cây Còng, Mù U, Hai Tân, Cái Sơn (huyện Cai Lậy). Dom binek pacang ia mbak ini hu ngak salah, piah khik ia taba, pacang caga njom ia mbak meng kraong Tiền tame dom kraong ribaong, tani tanat salamat ka yaok piluh ribau ha bein phun mbang baoh di tỉnh Tiền Giang.

Di tuk uan Tết Trung thu, dom gah chức năng, karja palei, doanh nghiệp di Bình Dương hu peih ngak dom bruk, alin hadiah pandap brei ka uranaih kan kathaot. Harei kabroi 24/9, Công đoàn gah jhik menyim Bình Dương hu peih danak dak “Bui sambai Tết Trung Thu” brei ka anek kamuan urang công đoàn, urang ngak. Tapa nan, labaih 300 uranaih lac anek kamuan urang công đoàn, urang ngak, hu mbaok tame me-in dom kadha bhap bini, tangi sua javap jalei samar hu thưởng, pakacah daoh tamia... Gam haong nan, yaok adei hu taduan sa paok pandap yaom 400.000 đồng, dalam nan hu ahar kẹo, gom Trung thu…

Pambuak tal bruk jaleih sang di quận Bình Thạnh, TP.HCM di bier harei kabroi 24/9, Sang iek ruak Bhap bini Gia Định brei thau, dalam 7 urang njauk bala ye hu dua urang njauk rambuac trak, jaoh talang, dập phổi. Dom urang njauk rambuac hanjul hu tabiak truh sang iek ruak dalam harei. Yau khau tin hu Rayo sap ndem VN brei thau,  maong 12, 50 minit bier harei kabroi, sa baoh sang 1 trệt, 3 tal dalam hẻm 133 Bình Quới, quận Bình Thạnh jaleih trun. Dom kapul daong duah urang njauk bala hu ba 7 urang tabiak truh labik jaleih. Tui jabat chức năng, dahlau di nan, baoh sang nan nyu mbleing nan ye po sang hu ieu urang mai ngak pasiam veik. Dalam tuk daok ngak pasiam ye sang  jaleih trun.

Pathau khan bahrau ini di Cty đo lường dang akaok dunya lac Nielsen brei thau, rilo menuac Thái Lan ndom lac jien duah hu oh ginup car pandar. Urak ini bahrau hu 32% urang Thái hu jien patak pataom piah pandar tuk lahik bruk atau oh hu bruk ngak dalam 6 bilan. Dalam tuk nan, yaok 3 urang Thái ye tok hu 1 urang mboh sahanang hatai ka bruk ngak di drei. Min urang blei pandar di Thái Lan jeng daok kham merat blei pandap, abih di nyu lac radaih ô tô, pandap điện tử saong sang danaok, taneh riya. Urang Thái Lan mboh lac, ngak po sa baoh sang atau sa sruh radaih ô tô daok hu maong lac bruk brei mboh ka jak jeng.

Yaok rabau urang tị nạn saong urang di cư daok tapa negar suan hukum di jalan tapen negar Mỹ meng gah Mexico, jhul ban El Paso di bang Texas tal labik kan kandah saong ngak ka kanja di Tổng thống Joe Biden daok glaih glar pcang cakak menuac daok tuh mai rilo. Tui panuac khan di dom urang jakar, jaik 9.000 urang  tapa jalan tapen negar tame El Paso dalam harei 23/9, lac sa dalam dom harei hu dom urang tame negar suan hukum glaong abih kuhria dalam dom bilan jaik di ini. Dalam tuk nan, yaok harei ban ini hu labaih 2.000 urang daok likau tị nạn, ba tal kurang menuac ngak saong kurang labik daok tạm.

Mintri Ngân khố Ma-rốc brei thau, dom menuac metai dalam mbang megei baoh taneh di melam 8/9 meng blaoh di gah kreh negar ini, lac jaik 3 rabau urang saong njauk rambus labaih 16 rabau urang. Megei baoh taneh daok ngak tayah labaih 29 rabau baoh sang, ngak khut jaik 60 rabau baoh sang, ngak kan kandah tal raidiuk di jaik 2 triệu 800 rabau urang, samu 2/3 menuac sia bhum njauk bala. Rajaei Ma-rốc hu brei tapa sarak brei buh tabiak labaih 11 tỷ đô la ka danak dak padang ngak veik dalam 5 thun hadei di mbang megei baoh taneh./.