Bruk klauk jru piah pacang caga ruak 

Dalam 2 harei, lac harei ni, song harei page, di sang Quốc hội rah tabiak mbang nyaom ka 13 di Ủy ban Thường vụ Quốc hội. Bruk njauk caik hatai lac, di mbang nyaom ni, Ủy ban TVQH brei panuac tame harak pathau khan bruk pasang iek, padang ngak  jalan Trường Sơn Đông song brei panuac tuk camereip  ka bruk caga  mbang nyaom ka 4 di Quốc hội mbang 15.

Bier harei 10/7, Ủy viên Mintri Chính trị, Thủ tướng rajaei Phạm Minh Chính ngak bruk haong mban Thường vụ Thành ủy Cần Thơ ka bruk peih ngak Sarak ka 59 harei 5/8/2020 di Mintri Chính trị ka bruk padang ngak saong cak rok patagok ban tal thun 2030, pamaong tal thun 2045; Sarak ka 45/2022 harei 11/01/2022 di Quốc hội ka bruk ngak iek dom sarak piah patagok ban Cần Thơ gam haong dom asal kadha hu makna praong karei. Thủ tướng ndom lac, Cần Thơ njauk ba dom kein lagaih di drei jeng bruk ngak jak jeng, patagok labik dang lac pasak, prein pachreih ka bruk cak rok patagok di bhum taneran kraong Cửu Long.

Urak ni, dom urang ruak pandiak tabiak di tỉnh Đồng Nai dok patagok khang, hu rilo urang ruak trak. Gam haong nan, tỉnh dok dang anak bruk mbuan si hu jit COVID-19 tamuh veik tuk hu rilo urang njom bahrau song hu urang metai kayua jit  COVID-19. Anak bruk nan, dom chuyên gia  y tế di  tỉnh hu panuac lac Đồng Nai mbuan si hu jit kateik tagok jit  , meyah bhap bini oh paglong akaok sahneng pacang caga jit ruak .

Meng maong 12 melam 11/7, yaom xăng E5 RON 92 dalam taneh ia trun 3.103 đồng/lít, xăng RON 95 trun 3.088 đồng/lít, dom janih manyek jeng trun khang. Xăng E5RON92 daok 27.788 đồng/lít (trun 3.103 đồng/lít duk saong yaom pablei urak ini); Xăng RON95-III daok 29.675 đồng/lít (trun 3.088 đồng/lít), Manyek diezen 0.05S daok 26.593 đồng/lít (trun 3.022 đồng/lít). 

Tuk mon 4  bier harei  10/7, di  Km 1.637 mangaok jalan roya ka 1, labik tapa  xã Phan Rí Thành, huyện Bắc Bình, radaih pajeng tuia khagaiy ndih biển số 36B-023.19 dok peih angaok jalan  TP. HCM - Hà Nội,  njau pui khuah khang. Yaok pluh tuai samar tabiak truh radaih, biak patuah  oh hu urang halei njauk hagait. Yaom lac, gah  cảnh sát pacang khuah pandam khuah hu mbaok chip gam song 2 sruh radaih padam pui. Sruh radaih njauk pui mbang ralai abih gam song rilo pandap panda di tuai nao radaih.

Rayo papar binguk NHK brei thau lac kuhria tal maong 9 mateh harei 10/7 (tui maong pak nan), đảng Dân chủ Tự do (LDP) di Thủ tướng Kishida Fumio mek hu 52 dalam abih tih 125 urang hu pilih ruah di Thượng viện. Đảng par quyen, meda hu 63 urang, lac labaih mateh dom urang hu pilih ruah veik dalam mbang pilih ruah mbang ini.

Rajaei  Bồ Đào Nha harei kabroi  hu tabiak panuac ka bruk samar drah, brei adat ka jabat padam khuah meda pandar dom janih hagaih njauk pandar  piah pacang pandam khuah glai. Karja hu pataom labaih 2 RABAU urang lin pandam pui song labaih  600 radaih tame pacang padam khuah. Dalam dom harei tapa, Bồ Đào Nha dang anak bruk pandiak bhang tagok glong, song pandiak di rilo labaih  tagok labaih 45 độ C. Langik pandiak gam haong hangin thu song kurang pasah  lac makna ngak brei tagok dom mbang khuah glai di negar ni.

Takik di nyu 14 urang metai, 9 urang njauk rambuac dalam mbang cuh phao di sa quan bar di langiu Johannesburg- Nam Phi harei 10-7. Gah cảnh sát Nam Phi daok pasang iek saong cap mek dom urang cuh phao. Cảnh sát jeng ka oh thau cambaih kayua halei dom menuac dalam quan alak njauk urang cuh pametai./.

Urang lang: Hanipha- Thu Thảo -11/7