Urang kathaot hu dong pandap dalam tuk jit covid 19

Tui Mintri Công thương, janih brah chất lượng glaong di Việt Nam daok hu pablei tabiak rilo ka dom taneh ia dalam bhum ASEAN ngan haong yaom pablei glaong. Dom brah pablei tabiak negar langiu di Việt Nam daok hu salih bahrau tui jalan paglaong dom janih brah pahe, brah đặc sản, brah japonica, brah putih pakat glaong. Bruk brah di taneh ia pablei tabiak negar langiu jeng hu ramik ngak pasiam, tal thun 2030, tui kuhria njauk daok labaih 4 triệu tấn. kayua yau nan ye, gah brah njauk pasang iek veik bruk caong blei di yaok darak pasa dalam ASEAN.

  Urak ni, hu labaih  2,5 triệu urang hu buh pren yava ka  cách mạng, boh sang kan, boh sang jiak kathaot di  Nam Bộ gaok kan kandah kayua jit prong  COVID-19 hu dong pok jien labaih  2.660 tỷ đồng. Labaih  582 ribau urang ngak hu harak pambuak bruk ngak, hu dong jien, ngan song pok jien dong abih tih labaih  594 tỷ đồng. Labaih 17.100 boh sang pablei salih  hu dong brei, ngan song pok jien abih tih labaih 18 tỷ đồng. Ban  Cần Thơ lac labik peih ngak siam sarak dong brei haong labaih 1.360 tỷ đồng.

Piah paglaong yaom kaya nong, patagok kein laba ka bhap bini, urak ini, tỉnh Bến Tre hu labaih 100 kapul pambuak bruk saong 55 hợp tác xã hu mbaok tame chuỗi giá trị dom pandap panda kaya nong praong di tỉnh. Tukvak anak tal, Bến Tre iek praong bruk salih phun pala, athur raong, kaya ikan tui jalan paglaong chất lượng saong prein maraik gauk ka kaya nong;patagok bruk pandar ilamo công nghệ tame bruk ngak, ngak tabiak dom bruk ngak nong hadah krah.

Tỉnh Hậu Giang daok peih bilan ngak ka bruk siam mekre hacih saat  dalam bruk ngak  thun 2022  hu rah tabiak meng  1-31/5. Dalam bilan ngak ni, tỉnh daok brei salih bahrau , patagok saong parilo bruk pathau khan ka siam mekre, hacih saat dalam bruk ngak tal doanh nghiệp, urang ngak; pasiam labik ngak bruk salamat, hacih saat dalam dom  doanh nghiệp, dom labik padang ngak. Dalam thun  2021 tỉnh hu  32 urang njauk bala dalam tuk ngak bruk, dalam nan hu sa urang metai, 7 urang njauk rambuac trak.

Rilo thun tapa, yaok piluh baoh sang daok di 2 phường Phước Hiệp saong Phước Trung, ban Bà Rịa, tỉnh Bà Rịa- Vũng Tàu rilo mbang pathau khan haong rajaei bhum palei ka bruk ia nerak tachrauk tuh tabiak kraong Dinh ngak mbau bruk, ngak kan kandah tal prein yava bhap bini saong kaya ikan tapen kraong. UBND ban Bà Rịa brei thau dalam tukvak anak tal, tuk jamraik langyah ia nerak tachrauk di Bà Rịa hu ba tame pandar meda abih bruk ia nerak tachrauk tuh tabiak kraong Dinh.

Dom urang pal akaok  Trung Quốc sa mbang tra hu panuac brei thau lac ngak catang tui, oh salih karei sarak  “oh Covid-19 sami samar”, gam song nan khang hatai mesruh pacang veik dom panuac ndom song bruk ngak oh njauk haong sarak pacang jit di  Trung Quốc. Pacang bruk tamuh jit ruak di  Thượng Hải dalam labaih sa bilan tapa, Trung Quốc daok dang anak sa bruk kan kandah ka pacang caga song pasang iek jit ruak catang song mek hu  siam mekre tui yaok tuk vak.

Tanut lạm phát di Thổ Nhĩ Kỳ tagok tal  jaik 70% dalam bilan 4, tanut glaong abih kuhria meng di tuk đảng Công lý saong cakrok (AKP) tagok par quyen di thun 2002. Bruk jien lira lahik yaom nyu jhul bruk blei tame xang manyek tagok glaong, ngak ka dom urang đầu tư negar langiu mbaiy mbaok haong darak pasa bhian hu taong yaom lac biak siam mekre. Bruk mesuh metak di Ukraine saong jit praong COVID-19 nyu ngak brei trak damak jang bruk xang manyek saong ngak klaih klaoh bruk ngak mbang, pablei salih.

Dom mbang tong tame dalam  2 adit tapa di Afghanistan ngak brei takik di abih  100 urang metai. Tapa nan, ngak brei tagok rilo bruk huac  lac Afghanistan dok yam tame sa  “bilan  xuân tong paoh gauk”, tuk kol  IS-K brok tagok piah ngak  kan kandah rajaei lâm thời di Taliban./.

Urang lang: Thu Thảo- Hanipha- 6/5