Rilo labik jeng sruh jit prong ka bhap bini 

Harei ini 6/6, Mbang nyaom ka 3, Quốc hội mbang 15 yam tapa adit ngak bruk ka 3. Sa dalam dom asar kadha praong hu dom urang QH ginum biai tui kapaol nyaom page ini  lac Bruk buh jien tame Danak dak Jalan Vành đai 3 Ban raya HCM saong jalan Vành đai 4 di ban Ine Hà Nội.  Anak var ginum biai, rilo urang ilamu gah kinh te saong jalan mbak pajeng ba brei mboh bruk njauk ngak di 2 danak dak hu makna praong pakat negar angaok nan, gam haong nan brei mboh, jalan vành đai 3 saong 4 di 2 labik bhum kinh te praong meda rik daong paglong prein meriak gauk di negar.

Urak ni, TP.HCM hu 11.722 urang ruak pandiak tabiak drah , tagok  66,5% dut song tuk vak ni thun dahlau, dalam nan hu 209 urang ruak trak. Taeng dalam adit bloh, kuhria meng harei  27/5 tal  2/6, Ban raya hu 1.504 urang ruak pandiak tabiak drah , tagok  28% dut song  4 adit dahlau. Jeng dalam adit ni, dalam ban raya hu  111 sruh jit ruak pandiak tabiak drah bahrau tamuh tabiak

Urak ini, dom labik ngak tabiak, pablei salih phun pajaih di tỉnh Bến Tre jeng hu rilo urang blei. Oh lac po bein di bhum Taneran karaong Cuu Long bo urang blei salih meng bhum gah Barak negar jeng mai  ini  palih ruah pajaih phun mbang baoh nao pablei di darak pasar dom bhum palei. Dut saong akaok thun 2022 ye bruk blei phun pajaih  tagaok labaih 10%; dalam nan po bein palih ruah blei rilo phun pajaih diuk lagaih haong bruk BĐKH yau: pa-ok, panat, kruac bung kalik hijao,  la-u…Yaom lac pablei laik min yaom phun pajaih  di Bến Tre biak tanai tanat, tok hu dom pajaih phun đặc sảnyaom labaih 100 rabau đồng sa phun, daok vaik ala 50 ribau đồng sa phun pajaih.

Di tuk Pahadar harei urang urang praong thun Việt Nam (6/6/2022), Urang pal akaok  tỉnh Bạc Liêu hu padang 7 kapul nao rivang, alin hadiah pandap  ka dom ong muk umo 100 thun  song 90 thun dalam  tỉnh.  Thun ni, Bạc Liêu hu  44 urang bak  100 thun song  636 urang bak  90 thun. Rilo urang praong thun lac kreik camin ka bhap bini dalam bruk pato pakai anek taco piah dak padang boh sang trei si, haniem phol song salih bahrau.

Subuh page ini 6/6, labik km1721+200 angaok jalan Raya 1 tapa xã Hàm Cường, huyện Hàm Thuận Nam, t. Bình Thuận, radaih pajeng pandap hu bảng kiểm soát 79C-088.67 pajeng patau bingu peih meng gah Barak tame gah Meraong negar, tal labik ngaok nan ginuh tame paga pacang kreh jalan ngak brei haok rilo patau trun jalan, menyek sre tabiak jalan. Urang peih radaih saong sa urang karei dalam cabin radaih njuak rambuac hu ba tame sang iek ruak. Bala nan ngak gar jalan dalam rilo mong. Gah chức năng hu mbaok pak nan piah tacei ba jalan, pasang iek labik bala rah tabiak.

Tui  hãng thông tấn Yonhap di Hàn Quốc, bol bala  Hàn Quốc song  Mỹ hu cuh 8 boh tên lửa đất đối đất dalam  10 minite di tuk saboh mesup harei 06/06 piah cagar veik bruk Triều Tiên cuh iek  8 baoh tên lửa sa harei dahlau di nan. Bruk Triều Tiên cuh dom  tên lửa tầm ngắn di takai tasik gah timun hu mong lac bruk cuh iek prong abih di negar ni saong hu peih ngak sa harei, hadei di tuk  Hàn Quốc song Mỹ padeih dom bruk pasram quân sự haong gauk. Triều Tiên dalam thun ni, hu peih dom mbang cuh iek tên lửa, dalam nan hu janih tên lửa đạn đạo liên lục địa prong abih di taneh ia ni, mbang camereip dalam jiak 5 thun. Urang ngak praong di Mỹ song  Hàn Quốc bahrau ni jeng khan lac  Triều Tiên mboh yau daok pambuak veik dom mbang cuh iek  hạt nhân, mbang camereip kuhria meng thun  2017.

Page ini, yaom jien Yen trun biar di abih tuk 1 Euro salih hu 140 Yen. Ini lac yaom biar di abih dalam 7 thun tapa dut saong jien Euro. Bruk ba tal jien Yen Nhật Bản trun khang nan kayua gah buh jien tame ngak mbang huac lac Gilang pariak Khik piah Liên bang Mỹ (FED) tagok jien laba brei dui atah tukvak jien laba di Nhật Bản saong Mỹ, meng nan ba tal bruk jien tabiak langiu Nhật Bản. Gam haong nan, bruk mesruh di Nga saong Ucraine ba tal bruk pabak menyek trun ralo, jhul yaom menyek tagok glong.

Dom urang pan phao cuh tame  sa  nhà thờ Công giáo di gah  tây nam Nigeria dalam Thánh lễ rah tabiak di beir harei kabroi  (05/06), ngak takik di abih  50 urang metai, dalam nan hu urang kamei song uranaih. Tui pathau khan di urang jakar pak ni bruk nan rah tabiak di Nhà thờ Công giáo St Francis di ban  Owo, bang Ondo, Ni-giê-ri-a. Gah  Cảnh sát bang Ôn-đô brei thau, kol pan phao nyu cuh tame dom urang gah langiu song gah dalam nhà thờ, pak di tuk hu rilo menuac dok ngak Thánh lễ. Urak ni, jeng oh ka thau cambaih laih dom urang njauk rambuac./.

Urang lang: Ái Nghiêm -Hanipha- 6/6