Rahra brei caik hatai sangka, jit ruak meda patuh tabiak kayua dom biến chủng bahrau

UBND huyện Long Thành, tỉnh Đồng Nai bahrau jao (ka oh pabak harak chứng nhận quyen pandar taneh) 82ha taneh ka Tổng công ty mblang kapar haoh Việt Nam duh ka Danak dak mblang kapar haoh Long Thành giai tukvak 1. Bruk jao 82ha taneh ini daong ka po padang ngak hu mbaok taneh atah pagam patui gauk, lagaih ka bruk padang ngak danak dak.

Urak ni, urang njom Covid-19 trak di ban raya HCM trun biak dalam. Bruk ni brei mboh siam lagaih di bruk klauk vaccine pacang  Covid-19 ngak hu bruk  miễn dịch dalam bhap bini song siam lagaih di bruk khik iek nyaom urang mbuan si njauk ruak. Min, rahra brei caik hatai sangka, jit ruak meda patuh tabiak kayua dom biến chủng bahrau dalam tuk vak anak tal, gam song nan, oh ka hu iek  COVID-19 lac ruak đặc hữu. 

Harei pataom “Tinh hoa gia vị Việt” meda peih tabiak meng harei 28/4 tal harei 1/5 di baoh sang praong LandMark 81 di TP.HCM ngan haong bruk hu mbaok di 50 doanh nghiệp Việt ngak gah gia vị, parang iek labaih 1.000 janih gia vị. Harei pataom meda cập nhật bản đồ gia vị Việt, daong ka urang pandar, doanh nghiệp, urang roh duah thau hu dom khau tin bahrau ka gia vị Việt, paglaong yaom saong labik dang di gia vị Việt. Gam tui di nan lac tuk piah ka dom doanh nghiệp ginum biai dom kadha ka jalan nao bahrau di pandap mbang huak dunya, dom janih gia vị halei siam ka bruk pacang caga ruak, ka dinh dưỡng, ka tukvak hadei di  Covid 19.

Mesup ni, Jabat  Cảnh sát điều tra – mintri Công an (C01) song dom jabat  chuyên môn tỉnh Bình Thuận peih bruk duk, yaok song pasang iek tapak di sang bac Mầm non Lê Qúy Đôn (phường Phú Thủy, ban. Phan Thiết) piah pabak ka bruk pasang iek langyah khaw tin ka bruk ngak suan. Ni lac sadalam 9 danak dak taneh riya, ngak mbang patagok sang dok  pablei salih di Bình Thuận bo mintri cong an C01 dok langyah khaw tin ka bruk ngak suan hukum khik ramik pandar drap ar karja ngak khat lahik, palai pajoa song lợi dụng chức vụ dalam tuk ngak bruk.

Pambuak tal bruk "cei jru Lê Trung Đảm, hiệu phó Sang bac THPT chuyên Phan Ngọc Hiển pacap anek mbang dom pandap mbang mek meng thung hariek” Sở pato magru tỉnh Cà Mau hu duah thau saong mboh lac hu bruk ini. Harei kabroi, Sở brei ginum biai kiểm điểm bruk ini. Mayah mboh bruk trak damak, meda ginum biai haong kapul ba tabiak taong phat ngan haong ong Lê Trung Đảm.

Dalam blah thư puac abih  payua tal urang pal akaok Triều Tiên Kim Jong-un, Tổng thống Hàn Quốc jiak abih tukvak ngak bruk lac ong Moon Jae-in ndom lac, Hàn Quốc song Triều Tiên njauk yam tapa bruk meriak gauk meng ndom nyai nao mai, gam song nan brei mboh hatai cong khin dom mbang ginum biai ka bruk oh hu hạt nhân di Triều Tiên song Mỹ samar hu pambuak veik. Dalam tuk nan, ong Kim Jong-un - urang pal akaok Triều Tiên ndom lac, talei rohim di 2 negar meda hu siam yau hatai khin  meyah 2 gah khm merat abih hatai jai.

Mintri Ngoại giao Mỹ hu panuac lac Trung Quốc meda dang anak dom kan kandah mayah daong pandap panda ka Nga di tukvak urak ini. Panuac ini lac panuac khan brei thau dahlau bahrau abih bo dom urang ngak praong di Mỹ hu ba tabiak mayah Trung Quốc hu hatai saneng khin daong danak dak quân sự di Nga urak ini. Dahlau di nan, rilo urang ngak praong gah ngoại giao Mỹ jeng ndom lac Trung Quốc meda gaok kan kandah mayah daong ka Nga plaih dom bruk taong phat pambuak tal bruk mesuh gauk di Ukraine.

Japon meda brei peih sa mbang to yaom  piah pablei 4,8 triệu thung menyek khik piah di negar, yau sa bianah dalam kham merat pabak panuac ieu di jabat Năng lượng dunya  (IEA) ka bruk peih gilang khik piah menyek piah patrun bruk tagok yaom menyek di dunya./. 

Urang lang: Thu Thao – Hani Pha - 22/04