12 mbang par tal njauk salih jalan par trun di Phú Bài (Thừa Thiên Huế), Đà Nẵng, Cát Bi (Hải Phòng)

Tỉnh Bà Rịa - Vũng Tàu birau iew dom D.N parabha, tổng đại lý pablei salih xăng menyek brei caga ginup xăng menyek khik piah, tagok hlau xăng menyek meng 25 - 30% tabiak ka darak pasar; brei thau cambaih halau xăng menyek tal dom jabat truyen thong, bhap bini, D.N. Piah tani tanat bruk pablei xăng, menyek dalam tỉnh tukvak anak tal, Sở Công thương tỉnh B.R -V.Tàu brei pambuak saong dom jabat chức năng parilo mbang pasang iek oh brei thau dahlau piah khik tani tanat bruk pablei xăng menyek, pabak sumu bruk pablei salih, tame tabiak, bruk pandar di bhap bini , D.N dalam tỉnh.

Urang dang akaok mblang kapal haoh dunya Nội Bài brei thau, meng maong 8 melam 17/2 tal maong 4 dah page harei ini 18/2, langik biak jhak ngak ka mblang kapar haoh oh taduan hu kapal ahaoh par mai. 12 mbang par tal njauk salih jalan par trun di Phú Bài (Thừa Thiên Huế), Đà Nẵng, Cát Bi (Hải Phòng). Dalam nan, 2 mbang par dunya pajeng pandap panda tame Việt Nam oh trun hu di Nội Bài saong salih jalan par tal Cát Bi, Lào; sa mbang par meng Hong Kong njauk par nao veik labik par tabiak. Sa mbang par pajeng tuai meng Narita (Nhật Bản) njauk par trun mblang kapar haoh Tân Sơn Nhất.

Tapa yaok pataom, di ban Dĩ An, tỉnh Bình Dương daok hu labaih 360 labik kaoh parabha taneh tui hatai haong yaok ribau baoh sang bhap bini hu padang sang daok tani tanat meng rilo thun dahlau, oh ka langyah hu abih tui bruk ba tabiak. Piah khik quyền lợi ka bhap bini saong tani tanat xã hội, ban Dĩ An hu pathau khan tagok urang pan akaok tỉnh Bình Dương, likau brei hu jalan eng drei ngak, eng drei taduan trách nhiệm, lagaih saong bruk di ban. Yau ye, Ban Dĩ An brei padang mban tacei jalan langyah dom labik taneh parabha tui hatai, langyah tui bruk caong khin di dom đơn vị ngak salah dom hạ tầng sumu gauk; taong phạt bruk ngak suan hành chính; patagok bruk pala phun kayau saong dom labik daok di bhap bini angaok nan.

Dalam tuk tết Nguyên đán thun sak rimaong 2022, mbang camriep di abih, sa danak dak daoh tamia sap bangsa brei ka uranaih Cam hu mangaok riyak rayo papar binguk Ninh Thuận saong rayo papar binguk Việt Nam. Meng hatai caong alin hadaih ragu ragam ka uranaih saong bhap bii Cam, Nhạc sĩ Inư Tuấn hu caik tabiak labaih 1 thun piah paneh, duah dom sap daoh ranaih di dom palei Cam dalam tỉnh saong pasram ka dom adei daoh dua sap Cam saong Yuan. Album “palei adei” ngan haong 10 kadha daoh ka uranaih hu ngak salah, hu ba tagok riyak lingik saong hu manuac sia, abih di nyu nan lac bhap bini Cam biak takre.

Meng hadei di mbang padeih Tet, di Ban raya HCM, yaom dom janih pandap daok tago, abih di nyu lac yaom xăng menyek tagok 25.000 đồng sa lít. Lambaok Sở Công thương TPHCM ndom lac, urak ini oh hu bruk kurang dom janih pandap pandar yaok harei kayua hu caga blaoh blai piah pabak ginup dahlau, dalam saong hadei Tet sa bilan. Dalam nan, hu caga pabak ginup gam khik tani tanat yaom kaom lac dom darak praong, darak meng kan, D.N khik tani tanat yaom kaom saong dom siêu thị.

Gah Y tế dunya (WHO) harei kabroi bei thau, dom taneh ia daok dang anak bruk tagok dom urang njom ruak COVID-19 meda brei katut viek tukvak brei daok karei 14 harei tui panuac kakei dalam dom bruk. Tui jabat y tế Liên hợp quốc, pato tacei bahrau meda daong palagaih ka dom labik hu bruk y tế thiết daok njauk kan kandah. Tui nan, tukvak brei daok karei meda brei katut viek daok 10 harei mayah oh dut iek saong 7 harei urang dut iek mboh âm tính mayah manuac nan oh mboh hagait karei. Dalam pato tacei bahrau, gah Y tế dunya jeng brei thau, tuk oh dut iek hu piah takik viek tukvak brei daok karei, bruk oh mboh dalam rup njauk hagait meda salih ka bruk dut iek.

Tukvak ini, tuk dom urang njom Covid-19 di pakat dunya daok trun jaik 60% dut saong tanut tabung glong di mbang tamuh jit ruak jaik abih di ini kayua biến thể Omicron ye Indonesia daok di angaok jalan tagok tabung glong di mbang jit ruak Covid-19 ka klau. Urang brei panuac di Kapul Đặc nhiệm pacang Covid-19 Indonesia, ong Wiku Adisasmito brei thau, bruk nan rah tabiak meng hu sarak pacang jit jeng yau pasang iek bruk tame tabiak negar ngan saong tuai negar langiu hu Indonesia jhul khang, daong ka taneh ia ini dui atah tukvak dom urang urang tame negar suai jang dom taneh ia karei.

Châu Âu daok mboh sa dalam dom bruk srau kadhau abih dalam talei pambuak bruk hadei di tuk mesuh. Dalam tuk Nga caong taduan hu dom bruk sanya khik tani tanat sron mbon, dalam nan hu bruk Ucraina oh tame NATO, ye Mỹ saong dom đồng minh jeng hu ba tabiak dom panuac ieu ka bruk pasang iek phao ndao saong padang hatai jia tame gauk. Yaom lac Nga khan lac hu ba bol lin tabiak truh jalan tapen negar haong Ucraina, min phương Tây jeng daok medil saong khang hatai lac Nga hu caga ka sa bruk ngak quân sự atah jang di Ucraina. Dalam sa bruk yau taong khang tame talei pambuak bruk Nga- Mỹ, harei kabroi Nga brei thau lac pateok tabiak Phó akaok phái đoàn Mỹ Bart Gorman piah cagar veik sa bruk ngak dreih yau nan di Mỹ./.

Urang lang: Thu Thao – Bhumi – 18/02