Mentri Padang ngak birau hu panuac caong klaak bruk bhap bini khin blei sang daok xa hoi njauk brei tut angan thuong tru atau tam trun sa thun tagok di labik hu padang ngak sang. Mentri Padang ngak daok ngak brei salah dự thảo nghị quyết di QH ngak iek dom sarak  piah patagok sang daok xa hoi saong sang daok ka urang ngak kong di KCN. Dalam nan, ba tabiak bruk urang blei, pah sang daok xa hoi njauk brei hu dua bruk ka sang daok saong jien mek tame. Urang khin blei sang daok njauk lac manuac oh ka hu sang daok, taneh daok; oh ka hu blei atau pah sang daok xa hoi.

 Di tỉnh Ninh Thuận, Mintri Nội vụ bahrau peih ginum biai rik panuac tame dom dự thảo sarak brei adat ka bruk khik ramik urang jakar, công chức, viên chức; patakik veik urang ngak saong dom urang ngak bruk oh chuyên trách di palei, tổ dân phố. Di mbang nyaom, urang lambaok ka urang par akaok di Sở Nội vụ 14 tỉnh, ban bhum gah kreih negar, Tây Nguyên hu rik panuac tame 3 dự thảo Sarak kayua Mintri Nội vụ cih tabiak, ka dom bruk pachreih ba, khik caga urang jakar naih gheih, sahneng duah jalan ngak bahrau, khin saneng, khin ngak, khin duah jalan ngak bahrau kayua kein lagaih di rahra; ka bruk tinh giản biên chế saong adat ka urang jakar, công chức pakat xã saong urang ngak bruk oh chuyên trách di pakat xã, di puk palei, tổ dân phố.  

Bruk pacah jalan brong ba ia di Ban raya HCM hu pasiam blaoh saong biar harei kabroi (27/3) hu brei pabak ia veik. Sang mac ia Thủ Đức 3 brei pabak ia tani tanat veik ka bhap bini pandar. Dahlau di nan, melam 24/3, jalan brong ba ia D1500, jalan Phạm Văn Đồng, phường  Hiệp Bình Chánh, TP.Thủ Đức nyu talah ngak brei ia sre tabiak, ngak dauk jalan tapa labik ini. Bruk nan ba tal dom labik di Ban raya  HCM padeih pabak ia atau ia takik. Brong ba ia nan dar ala taneh dalam 20 thun ini, thep njauk khut lipih saong pacah. 

Sở Ngak nong saong patagok palei pala tỉnh Trà Vinh bahrau pataom iek veik danak dak padang Mbang ngui Trà Vinh (tukvak II) kayua SPIR- kapul ngak bruk oh kayua kein laba di Mỹ  daong brei. Danak dak ini hu daong ka rilo baoh sang mikva bangsa Khmer di Trà Vinh, urang kumei gaok kan kandah patagok raidiuk. Danak dak hu peih ngak meng bilan 4/2022 tal 3/2023 ngan haong phun jien abih tih lac labaih 2,3 tỷ đồng di huyện Duyên Hải, tỉnh Trà Vinh.  Hu 70 baoh sang  kan kathaot lac mikva bangsa Khmer saong baoh sang kan kandah hu daong limo manek, pandap mbang saong pasram ilamo. Hu 5 baoh sang hu daong peih ngak bruk pala njam di dalam sang halam. 

Huyen Tuy Phong, tỉnh Bình Thuận daok dang anak bruk jak tah glai. Meng thun 2022 mbiah tal ini, Hạt Kiểm lâm Tuy Phong gam haong dom đơn vị po glai mai pasang iek, duah mboh langyah 55 mbang ngak suan Hukum Lâm nghiệp, dalam nan hu 9 mbang jak tak glai suan hukum, 44 mbang pabei, pajeng ba kayau, ba tabiak kaoh tui hukum sa mbang. Mban tacei ba khik iek glai - pavang khuah padam khuah di huyện daok peih bruk pasang iek, duah pacang bruk jak tah glai labik jaik dom tỉnh karei, dalam huyen  saong pacang caga bruk lih tame taneh di dom xã, ban sit tapen tasik.

Tổng thống Mỹ daok hu panuac ieu pasang iek phao ndao hadei di mbang cuh di Tennessee. Tổng thống Mỹ Joe Biden harei kabroi (27-3) sa mbang tra ieu Quốc hội negar ini brei tapa hukum pakauk pandar phao ndao hadei di bruk cuh phao tame sa sang bac di bang Tennessee ngak ka 3 uranaih metai. Pasang iek bruk phao ndao jeng daok lac bruk ka oh njauk gauk di dom urang nghị sĩ đảng Dân chủ saong đảng Cộng hòa di Quốc hội Mỹ hadei di dom mbang cuh phao di rilo labik dalam taneh ia ini. 

Tokyo birau hu panuac ieu Bắc Kinh palao sa urang Japon njauk chap kareik meng akok bilan 3 lac pambak tame ngak suan hukum Trung Quốc. Chánh văn phòng Rajaei Nhật Bản Matsuno brei thau, đại sứ quán taneh ia ini di Bắc Kinh hu karja taneh ia nan brei thau lac “ sa urang likei negar Japon umo labaih 50 thun njuak mek kareik di Bắc Kinh meng bilan ini kayua ngak suan Hukum Trung Quoc”. Oh lac brei rilo khaw tin yau: angan je, ngak bruk hagait, ngak labik halei, tukvak chap mek atau kayua duis hagait min ong Matsuno brei panuac iew gah Trung Quốc peih palao urang bhap bini Nhat Ban chip.

Thái Lan daok kuhri kuhria ba tabiak adat giới nghiêm pacang khuah glai pambak praong, ngak tachrauk nerak alam biak trak damak. Rajaei Thái Lan kuhria ba tabiak dom jalan ngak catang jang, dalam nan hu bruk giới nghiêm di dom bhum, piah pacang bruk rahra cuh glai saong nerak kaya nong daok pambak praong di dom tinh gah barak saong gah Đông Bắc Thái Lan. Thái Lan hu ieu pataom labaih 1.000 urang piah pacang cacak, padam dom mbang khuah di dom bein negar, gam haong nan, ba kapar haoh trực thăng peih labaih 100 mbang par yaok harei piah daong ka bruk padam khuah./.