Caga pahadar 94 thun harei padang Kapol Urang kumei Viet Nam saong Harei Urang kumei 20/10, Trung ương Kapol  Urang kumei Việt Nam brei peih ngak dom bruk chung ket pakat negar Mbang pakacah “ Urang kumei padang bruk ngak mbang hadah krah saong salih pandar hijao”; jao brei Yai thuong Nguyễn Thị Định mbang ka sa…Tapa nan, rilo bruk ngak biak gheih lagaih meda hu dom pakat kapul urang kumei peih ngak dalam bilan 10 yau: Bruk pathau khan “Urang kumei ngak po raidiuk”;  Bruk pathau khan jak ba jhul pakhang sumu gauk ngan haong kadha “ Dam dara bangsa takik nao dahlau dalam salih jalan sahaneng likei kumei samu gauk saong hatai caong khin yam tagok.

Dalam tuk bruk mesruh gauk daok tagok khang saong mbuan peih praong dalam bhum Trung Đông, harei kabroi 23/9, Đại sứ quán Việt Nam di Ai Cập gam lac di Lebanon hu tabiak panuac samar drah kakei bhap bini Việt Nam daok daok saong ngak bruk di Lebanon tabiak truh taneh ia ini tuk dom sruh kapal haoh daok par. Đại sứ quán jeng hu kakei bhap bini dalam taneh ia kuhria nao tal Lebanon njauk padeih veik atau klaak bruk nao mbiah tal tuk halei bruk hu siam mekre, tani tanat veik.

Harei ini, dom urang hu mbaok dalam Nyaom biai Thị trưởng – bruk ngak praong di Mbang ndem biai Hữu nghị TP.HCM mbang ka 2 ngan haong kadha “Salih kong nghiep: ilamu saong dom bruk brei ngak dahlau dalam pambuak gauk cak rok patagok”. Tapa nan,, dom urang lambaok hu ginum biai ka bruk hu prein khang lagaih, bruk brei ngak dahlau saong bruk pambuak haong dunya di dom bhum palei, pamong tal cak rok patagok khang kajap, ba tabiak dom bruk hadah krah  pambuak dom pakat di bhum palei pala dalam bruk jhul pakhang salih  kong nghiep duh ka bruk cak rok patagok khang kajap.  

Tỉnh Bình Dương harei kabroi peih pakak dua danak dak jalan mbak praong lac tatua Bạch Đằng 2 saong jalan Bắc Tân Uyên - Phú Giáo - Bàu Bàng, brei mboh sa takai yam praong dalam bruk pasiam jalan mbak di tinh. Tatua Bạch Đằng 2, atah abih tih 946m, nao tapa kraong Đồng Nai, pambuak xã Bạch Đằng di ban Tân Uyên, tỉnh Bình Dương saong xã Bình Lợi, huyện Vĩnh Cửu, tỉnh Đồng Nai. jalan Bắc Tân Uyên - Phú Giáo - Bàu Bàng, nao tapa 3 huyện di tỉnh Bình Dương lac sa dalam dom danak dak jalan mbak praong di tỉnh, atah abih tih jaik 48km.

Kayua hajan praong dui atah, ia di binek Dầu Tiếng saong binek Thủy điện Trị An daok tagok glong. Piah khik brei salamat ka danak dak saong di bhum gah ala, dom gah khik iek brei peih tathuak ia. Tui nan, 7 tuk page ini 24/9 mbiah tal 7 tuk harei 1 bilan 10, binek Dầu Tiếng meda brei peih ia tabiak 100m3/s, kuhria abih tih ia peih tathuak labaih 60 trieu m3. Kuhria tui bruk langik tathik ia angaok kraong, ia di binek, ia ndik di gah ala kraong Sài Gòn, Kong ty meda ramik tukvak, brei peih ia ka nyu lagaih, khik hu salamat.

Dalam bruk pambuak gauk kinh tế Ayeyawady-Chao Phraya-Mekong–ACMECS, Campuchia, Lào, Myanmar saong Việt Nam, meda ginum biai dom jalan pacang caga samar drah anak bruk ia dauk ia sua khang di bhum kraong Mekong. Dom gah jeng njauk gauk brei jhul tagok bruk pambuak gauk khik ramik kaya ia haong dom gah pambuak bruk patagok di ACMECS yau Australia, Trung Quốc, Ấn Độ, Nhật Bản, Hàn Quốc saong Mỹ, atau dom kapul nyaom dunya pambuak tal piah duah jalan cambaih laih ka bruk cakrok khang kajap di bhum kraong Mekong.

Di Brazil, bruk pandiak bhang tua riya jhak abih dalam 7 pluh thun tapa daok rah tabiak, ngak kan kandah tal rilo gah, dalam nan hu gah pablei caphe tabiak negar langiu di taneh ia ini dang akok dunya. Rilo urang ilamo kuhria mboh dahlau lac kurang caphe pabak tame yau urak ini meda jhul yaom caphe  tagok glong di dunya. Yaom kuhria abih tih di Gah Caphe Dunya brei mboh jien buh tabiak blei asar caphe meda tagok 55% dalam sa thun tapa. Urak ini, bruk pandiak  bhang tua riya di  Brazil jeng hu brei mboh tapa ia biar di dom binek saong dom kraong di Amazon, ba tal rilo janih athur metai.

Bắc Sumatra lac sa dalam dom tỉnh di Indonesia hu rilo menuac tui agama Katolic, bahrau peih pakak rup patau Chúa Jesus Christ, hu maong lac rup patau glaong abih di dunya hadei di rilo thun padang ngak. Daok di mangaok tabung ceik tapen danao Toba dane angan, rup patau glaong 61 mét hu peih pakak blaoh. Rup patau hu sa sambo màu mbong patih, brei mboh Chúa Jesus dang yar dua gah tangin tabiak, kayua 2 urang điêu khắc mai meng Japon ngak. Meng labik rup patau, tuai meda mboh cambaih labik ia hijao praong di danao Toba, danao praong abih Đông Nam Á saong lac sa dalam dom danao dalam abih di dunya./.