Padai thông minh lagaih saong biến đổi khí hậu hu năng suất glong meng 7,3 – 8,3 tấn sa hecta

Urang ngak nong di tỉnh Trà Vinh birau yuak padai Đông Xuân di Bruk ngak padai thông minh lagaih saong biến đổi khí hậu kayua Công ty Cổ phần Phân bón Bình Điền padang tabiak saong jao brei nga saong năng suất glong meng 7,3 – 8,3 tấn sa hecta, laba hu meng 24 -26 trieu đồng. Tui Phó Giáo sư, Tiến sĩ Mai Thành Phụng, dahlau diah dang akaok Kapul Thường trực Nam Bộ, Pasak Pachreih nong pakat negar, bruk pandar mac drak cụm daong ka urang nong trun hu meteh pajaih. Gam haong nan, bruk pandar khak thông minh daong paglong bruk pasiam taneh, takik ruak njom mbak. Mbiah tal ini Trà Vinh hu labaih 17.400 ha taneh ngak nong hu ba ilamu glong tame pandan.

Piah dong urang jakar, urang hội dak harei dak patrun kathaot, yam tagok ngak kaya meda , dom pakat kapul urang kamei di Kiên Giang hu jhul khang dom bruk dong brei mesraiy yaom laba lap pambuak haong pato bruk ngak, ba ilamu kỹ thuật tame bruk ngak mbang, padang dom bruk ngak kinh tế lagaih haong tuk vak, rai duik di dom urang hội. Urak ni, hu 1.154 hội viên urang kamei hu mesraiy jien dong peih bruk ngak mbang pablei salih song yaom jien jiak 20 tỷ đồng. Gam song nan, jak ba padang 10 hợp tác xã song labaih 400 urang, jien mek tame tui kuhria di urang ngak meng 50 tal 60 triệu đồng/sa urang dalam sa thun. Tapa nan, rik dong ka urang kamei khang hatai dalam bruk patagok kinh tế.

Sở Y tế Ban raya HCM hu peih ngak iek bruk salih tapa pandar số dalam bruk khik iek urang F0 di sang pak di bilai y tế P.13, quận Tân Bình. Ini lac jalan ngak lagaih haong tukvak birau piah takik glaih galr kja urang y tế saong urang ruak. Ngan saong jalan ngak nan, urang njom Covid-19 oh mboh ruak atau hanjol brei daok di sang khan brei thau lac F0, saong taduan hu harak salah bruk brei daok karei di sang. Langiu di nan, Sở Y tế daok peih bruk brei pasram saong peih ngak bruk brei thau lac F0 saong taduan harak salah bruk brei daok karei di sang ka F0 di taong abih sang iek ruak, labik dut iek ruak, 22 pasak y tế saong 310 Balai y tế phường, xã di Ban raya.

Dom urang njom Covid-19 di tỉnh Tây Ninh dok tagok samar, taeng dalam harei 10/3, hu labaih 1.400 urang, glong abih kuhria meng dahlau mai. Min, bruk siam lac 3 harei gam gam jiak di ni tỉnh ni oh hu urang halei metai kayua COVID-19. Urak ni, Tây Ninh dok padang Sarak tabiak tanut dong ka gah hu mbaok tame pacang caga jit COVID-19, ngan song yaom jien tong abih tih lac 44 tỷ đồng. Tui kuhria hu 3 nyaom urang hu mbang tui sarak ni , nan lac: nyaom ngak bruk tapak, nyaom ngak bruk gián tiếp song nyaom hu parabha ngak bruk tapak dalam pacang caga COVID-19 njauk njom virus SARS-CoV-2.

Jabat Cảnh sát Kinh tế Công an TP.HCM pambuak saong Cục Khik iek darak pasa TP.HCM pasang iek Công ty ADN Care di labik 45 jalan 18, P.Bình Hưng Hòa, Q.Bình Tân. Tapa pasang iek, gah chức năng hu mboh biak rilo kit test, jru taong ruak Covid-19 angan Liên Hoa Thanh Ôn meng Trung Quốc saong biak ralo khẩu trang hu ngak tabiak dalam negar gam haong ia jru pametai anek ruak. Urak ini, gah chức năng yaok pataom pandap angaok nan piah langyah tui adat hukum karja.

Thượng viện Mỹ brei tapa hukum ka pok jien pandar cai 1.500 tỉ USD ka thun tài khóa urak ini. Hukum hu brei tapa di Thượng viện song hu payua tal Tổng thống Joe Biden patabiak, tok sa harei dahlau di tuk dom jalan pandar cai jiak abih hiệu lực, meda jhul taneh ia Mỹ tame bruk njauk kreik pabah mbang rajaei sa binah. Abih di nyu nan lac, Hukum hu bruk pabak 13,6 tỉ USD dong ka Ukraine. Pok jien dong ni hu 4 tỉ USD dong ngak pahla, dong ka urang di cư tabiak truh Ukraine, pabak y tế song pandap mbang samar.

Piah cagar veik bruk taong phạt di phương Tây, Rajaei Nga hu ba labaih 200 pandap tame angan pandap brei padeih pablei tabiak negar langiu, dalam nan hu dom pandap viễn thông, y tế, ô tô, ngak nong, điện lực, công nghệ saong kaya galai mbiah tal puac thun 2022. Dahlau di nan, Mỹ saong dom taneh IA đồng minh taong phạt dom gah jien padai praong abih di Nga, atah klak dom gilang pariak Nga tabiak truh hệ thống bayar jien dunya SWIFT. Phương Tây daok patagok dom bruk ngak brei takik sre saong pacang cakak darp ar negar langiu di dom urang chính trị Nga.

Dalam tuk bruk meriak gauk tagok glaong di dunya, Tổng Thư ký Liên hợp quốc (LHQ) Antonio Guterres hu panuac ieu dunya kham merat jang dalam bruk duah jalan ka dom bruk mesruh gauk tapa ginum biai. Tổng Thư ký Liên hiệp quốc ndom lac, daok brei pambuak bruk hong dom đối tác di LHQ – dom taneh ia thành viên, dom kapul khu vực song xã hội dân sự - piah jhul patagok dom jalan siam mekre salamat ka dom bruk mesruh gauk./.

  Urang lang: Hani Pha – Bhumi – 12/03