Xăng patagok rai duik di bhap bini gaok rilo kan kandah

Urang ngak praong di dom D.N praong pablei salih xăng menyek  brei thau yaom xăng menyek dalam mbang ramik yaom harei 11/6  meda tagok, dalam nan xăng  RON95-III di bhum 1 yam tapa yaom 32.000 đồng sa lít, bhum 2 yam tapa yaom 32.500 đồng meyah oh hu jalan langyah peih brei kadung jien daong tani tanat yaom. Abih di nyu, yaom xăng RON92 saong menyek diesel tagok glong dut saong yaom kuhria dahlau di nan biak ralo. Di Ban raya HCM saong dom tỉnh, ban, yaom xăng RON95-V tui kuhria mboh dahlau meda yam tapa 32.500 đồng.

HĐXX phúc thẩm di TAND pakat glong di  TP.HCM batabiak panuac kaoh ong Trần Vĩnh Tuyến, urang dahlau deih ngak phaok akaok UBND TP.HCM song dom urang dalam  vụ án rah tabiak di  Tổng Công ty Nông nghiệp Sài Gòn - Sagri. Min, kayua ong  Trần Trọng Tuấn, urang dahlau deih ngak Yam ndok  Sở padang ngak  TP.HCM hu panuac ieu pasang iek veik nan ye  HĐXX brei kandun tuk vak  tuyên án piah pasang iek, tong yaom veik dom bruk. Tui kuhria  tòa hu tabiak panuac kaohn dalam harei 15/6.

Thanh tra tỉnh Bình Thuận birau hu panuac tamat thanh tra bruk ngak tui hukum ka bruk blei mac jamraih, pandap y tế, jru tavao, sinh phẩm, kít dut iek ruak pandar dalam bruk pacang caga jit Covid-19 di Pasak pasang iek ruak kik tỉnh. Dalam thun 2020 saong 2021, Pasak pasang iek ruak kik tỉnh Bình Thuận kaoh jien buh tame blei mac jamraih, pandap y tế, jru tavao, sinh phẩm, kít dut iek ruak pandar dalam bruk pacang caga jit Covid-19, kuhria abih tih  lac 198 tỉ đồng ka 53 paok thầu, yaom dalam harak pambuak bruk lac 190 tỷ đồng. Dalam tuk peih ngak, Pasak pasang iek ruak kik tỉnh Bình Thuận hu ngak njauk tui dom bruk ba tabiak ka blei pandap pandar di hukum. Yau nan min, daok dom bruk kurang, tavak tavaiy. Langyah ka dom bruk nan di dom đơn vị saong bruk ngak samar chip dalam bruk pacang caga jit di tỉnh, Chánh Thanh tra tỉnh pok panuac tagok Chủ tịch UBND tỉnh tacei ba jalan peih ngak kiểm điểm dalam bruk ngak ngan haong Yam ndoc CDC ka dom bruk kurang, tavak tavaiy hu tacei tabiak.

Harei 10/6,  Akaok  UBND tỉnh Bạc Liêu hu tabiak harak tong phạt bruk ngak suan di ong  Lâm Thanh Dúp (umo 35 thun), lac  po labik pablei salih , ngak hadang  di Ấp 10B, xã Tân Phong, ban sit Giá Rai, tỉnh Bạc Liêu ngan song yaom jien  60 triệu đồng ka bruk ba tạp chất (CMC) tame hadang  sú nguyên liệu. Dahlau di nan,  kapul dom gah hu Thanh tra Sở ngak nong song patagok palei pala, Công an xã Tân Phong chap hu labik di ong Lâm Thanh Dúp peih bruk bơm, klauk tạp chất  tame  hadang nguyên liệu. Langiu di bruk, njauk phạt hành chính pok jien nan, labik palei salih di ong  Lâm Thanh Dúp dok njauk brei padeih dalam  2 bilan, pataom mek pandap panda  ngak suan lac 50kg hadang sú nguyên liệu hu tạp chất .

Match Hospitality lac labik khik bản quyền dunya saong lac cong ty duy nhất hu Liên đoàn dat blong dunya (FIFA) brei adat yaih khan saong parabha giải pakacah, palih ruah Công ty du lịch thể thao Hồng Ngọc Hà ngak labik piah parabha di Viet Nam. Tui nan, dom paok pandap nan lac: harak vé iek dom mbang pakacah di Qatar haong dom bruk rivang iek brei ka urang takre iek dat blong di mblang caoh mbanh, dom bilik suite saong lounge ta-eng, dom var parang iek daoh tamia  dahlau saong hadai mbang pakacah, pablei pandap mbang, dom bruk ngak langiu langik, ndap piah pahadar…yaom meng 950 USD tagok. Lac đại lý độc quyền di Việt Nam, Công ty Hồng Ngọc Hà  oh lac pabak harak vé bo daok pabak dom dich vụ  pagam tui yau ye vé kapal haok, khách sạn, blei bảo hiểm… piah urang meda iek dom mbang dat blong World Cup pambuak saong dom tour pakat glong, tour tui hatai.

Mbang camereip abih yaom jien piah tuh bak bình xăng sa sruh radaih ô tô di sang di negar Anh yam tapa 100 bảng Anh (lac 125 đô la). Urak ini, 1 lít xăng di dom bilai xăng menyek di Anh lac 2,3 đô la Mỹ. Yaom jien piah tuh bak bình xăng 55 lít di 1 sruh radaih pandar di sang tagok tal labaih 100 bảng Anh. Bruk mesruh gauk di Nga haong U-crai-na daok ngak ka yaom xăng menyek tagok khang dalam tukvak tapa. Rajaei Anh di bilan 3 hu brei cakak trun yaom kak je xăng menyek.

Bol bala Colombia bahrau ba tabiak dom blah thaot oh ka bhian mboh ka  sruh kapal gilai kram San Jose, hu maong lac dalam nan hu drap ar yaom yaok tỷ USD.  Lin tasik Colombia hu peih 4 mbang pasang iek, duah thau meng bruk ba dom jamriak njuk ia điều khiển meng atah trun labik dalam jaik 950 mét di langiu tasik taneh ia ini, labik gilai San Jose daok ndih kandang dalam labaih 3 rituh thun tapa. Tapa nan mboh lac dom mbaik phao praong dar dalam gluh gam haong dom pandap sành sứ saong dom jien meh jeng daok tamo angaok kapal. Min bruk sraong mek gilai San Jose di labik dalam jaik 1.000 mét ala mbaok ia tasik jeng daok lac bruk kan kandah gah công nghệ saong ilamu.

Dalam mbang to yaom harei 9-6 di New York (Mỹ), baoh đồng hồ cuk tangin Rolex bo sa urang Anh daok guk cuk tuk hu mbaok tame bruk nduac klaak sang guk Stalag Luft III di Đức quốc xã, hu pablei yaom 189.000 USD ka 1 urang blei oh brei thau angan. Tui urang pablei to yaom Christie's, baoh đồng hồ  hu pandar ka bruk nduac tabiak truh guk. Dalam 200 urang nduac nan,  76 urang guk nduac klah hu, min urang guk Imeson – urang cuk baoh đồng hồ ini oh nduac hu./.

Urang lang: Ái Nghiêm -Hanipha- 11/6