Mentri LĐ,TB saong XH daok pok panuac tagok likau brei trun umo thun taduan mbang jien hưu trí XH meng umo 80 thun trun daok 75 thun ngan haong urang oh hu jien bilan padeih hưu gam jien daong BHXH. Yau nan, meyah bruk ba tabiak yau ngaok nan hu brei tapa ye tui kuhria meda hu veik 700 ribau urang taha umo hu mbang tui jien daong tani tanat raidiuk. Yaom lac birau pok panuac tagok min meda lac bruk bui sambai ngan haong rilo bhap bini, abih di nyu lac ngan haong urang taha umo.

Dom doanh nghiệp di dalam tỉnh Trà Vinh caga labaih 7.000 tỷ đồng blei pandap pablei ka darak pasa dom bilan puac thun saong Tết anek sak girai 2024. Urak ini Sở Công thương tỉnh jak ba hu 6 doanh nghiệp, 5 siêu thị saong 13 cửa hàng tiện lợi hu mbaok tame khik piah pandap panda piah tani tanat yaom kaom di darak pasa, ngan haong pandap panda yaom abih tih labaih 7.000 tỷ đồng. Ini lac phun jien di dom doanh nghiệp saong phun jien masaiy di kadung jien tín dụng, haong yaom laba lap saong jien brei mesraiy rilo. Langiu di nan, tỉnh daok mbaoh tangin tame sanya haong ban Cần Thơ saong ban raya Hồ Chí Minh piah daong ka tỉnh tuk kurang pandap panda.

Rilo tỉnh di Bhum taneran kraong Cuu Long njauk ia dauk kayua ia ndik. Rilo jalan  di Ban Cần Thơ daok dauk dalam ia biak dalam harei ka 5 patui di nan. Daok di Cà Mau, hajan praong gam ia ndik  tagok glong ngak dauk labaih 19.000 ha padai di 2 huyện Thới Bình saong U Minh. Langiu di nan, labaih 880 ha padai haliem, padai đông xuân gam hoang 150 ha taneh pala njam patam, phun mbang baoh dauk ia. Di Kiên Giang, rilo bhum palei hu hajan praong, gam angin khang, gaving saong hangin tasik khang, ngak khat lahik drap ar di bhap bini. Di xã kaoh pulao Hòn Nghệ (huyện Kiên Lương) ia hajan meng ceik tuh trun labik bhap bini daok jaik taphia ba theik gluh baoh, taneh, patau tame sang  mikva, ngak khut khat drap ar.

Pambuak tal bruk njauk jru mek mebuk pandap mbang di rilo urang hadei di harei pataom mbaok uan raok Trung thu di chung cư Palm Heights, dalam nan hu 1 uranaih metai, 19 urang tame sang iek ruak di harei 2/10 bahrau blaoh, UBND TP.HCM hu ieu kakei dom so, dom gah, bhum palei paglaong dom jalan pacang caga dom mbang njauk jru mek mebuk pandap mbang. Dalam nan, akaok UBND TP.HCM hu jao ka Mban khik ramik Salamat pandap mbang dang akaok, pambuak haong Sở Y tế patui veik pasang iek, samar drah pasang iek, taong yaom makna ba tal njauk jru mek pandap mbang, patui iek gam gam dom urang njauk jru mek pandap mbang di ban Thủ Đức. Dom quận huyện paglaong bruk pasang iek piah khik ramik catang bruk tani tanat salamat pandap mbang, samar drag duah mboh saong langyah biak catang dom bruk ngak suan ka salamat pandap mbang.

Jabat Cảnh sát pasang iek Kong an tỉnh Long An ba tabiak kaoh tui hukum, langyah duas ngan haong Nguyễn Thanh Sơn (umo 34 thun, daok di huyện Thủ Thừa, Long An  kayua chap mek mauac. Dahlau di nan, biar harei 02/10, di sa sang bac mầm non di labik daok di bhap bini Kiến Phát, P6, TP Tân An rah tabiak bruk chap mek manuac, lac kamuan kumei umo 3 thun. Hadei di chap  mek,  urang pajeng kamuan  nao gah TPHCM  saong payua panuac  ka ameik ame  kamuan brei payua jien laoh 2 tỉ đồng. Meng dom ilamu ngak bruk di drei, Kong an tỉnh Long An  pambuak haong Cục Cảnh sát hình sự  (Mentri Kong an), Kong an TPHCM  pagui mek urang. Mbiah tal mong 21 tuk meteh harei nan, gah kong an chap hu urang nan di jalan Roya 20 tapa huyen Tân Phú, tỉnh Đồng Nai nao tagok Lâm Đồng.

Thủ tướng Anh Rishi Sunak daok patui veik ba tabiak jalan pakauk pablei pakao ka uranaih. Tui nan, negar Anh meda pakauk pablei pakao ka urang meng umo 14 thun trun. Langiu di nan, tui adat bahrau, piah pachreih rahra oh njuk pakao, kanja meda pabak oh mek jien paok pandap panda dreih yau pakao điện tử saong peih danak dak harak thuong piah pachreih urang kumei daok matain klaak njuk pakao. Mayah hu peih ngak, sarak ini meda ba negar Anh tame angan dom taneh ia hu adat pakauk njuk pakau biak catang di mangaok dunya. Dahlau di nan, Niu Di-lân jeng ba tabiak adat pakauk pablei pakao ka yaok urang halei hu harei ndih tapui di harei atau hadei di harei 1 bilan 1 thun 2009.

Dom urang roh duah  Malaysia hu panuac brei thau dahlau lac, kayua BĐKH nan ye  bruk hu mbaok di “ruak X” meda tamuh jeng jit ruak praong dalam tukvak anak tal. Dalam angan bo Gah Y te dunya ba tame thun blaoh, “ ruak X” lac baoh panuac meng dom urang ilamu  piah tacei tabiak ruak oh ka thau, meda tamuh tabiak oh thau tuk halei saong ngak jeng jit ruak njom mbak trak di dunya. Gah urang ilamu mboh lac,  “ ruak X” meda mbuan tamuh tabiak kayua bruk pablei salih athur glai saong bruk jah tak glai ba tal BĐKH , ngak jhak tal labik daok di athur.

Viện Hàn lâm ilamo negar Thụy Điển hu khan brei thau jai Nobel Hóa học 2023 hu laik tame tangin 3 urang roh duah ilamo urang negar Mỹ, Moungi G. Bawendi, Louis Brus saong Alexei Ekimov ka bruk duah mboh saong cak rok patagok dom tanut lượng tử. Tui Viện Hàn lâm ilamo negar Thụy Điển, dom urang mek hu jai Nobel Hóa học 2023 hu jak jeng dalam bruk ngak tabiak dom asal sit, tanut tính chất di nyu hu brei thau lac kayua bruk lượng tử. Dom asar, hu ieu lac asar tanut lượng tử, urak ini daok hu makna praong dalam công nghệ nano. Dom urang roh duah ilamo jia lac, dalam harei hadei, nyu meda rik tame bruk ngak tabiak dom pandap panda điện tử biak siam lagaih, cảm biến biak sit, pin ia harei lapih jang saong pathau khan ka lượng tử hu langyah mã hóa./.