Ủy ban Thường vụ Quốc hội (TVQH) bahrau tabiak harak ieu pataom mbang nyaom ka 5, Quốc hội mbang 15. Tui kuhria, Quốc hội  peih mbang nyaom tui 2 mbang: mbang 1 meng harei 22/5 tal harei 10/6 saong mbang 2 meng harei 19/6 tal harei 23/6. Tui kuhria di mbang nyaom ka 5, Quốc hội meda pasang iek, tapa 8 hukum, hu Hukum khik caga quyen di urang pandar (pasiam veik); Hukum to yaom (pasiam veik); Hukum Yaom kaom (pasiam veik); Hukum Giao dịch online (pasiam veik); Hukum Hợp tác xã (pasiam veik); Hukum pacang caga dân sự; Hukum pasiam veik, pabak dom paka di hukum tame, tabiak negar langiu di rahra Việt Nam saong Hukum tame, tabiak, quá cảnh, daok di urang negar langiu di Việt Nam, gam haong rilo asal kadha hu makna praong karei.

Jalan Cao tốc Phan Thiết - Dầu Giây atah 99 km nao tapa tỉnh Đồng Nai saong Bình Thuận meda hu peih pakak saong brei radaih nduac tapa di mesup harei 29/4 anak tal. Radaih meda nduac tame jalan cao tốc ini meng 3 canah jalan praong lac: canah jalan TP Hồ Chí Minh - Long Thành - Dầu Giây, canah jalan roya 1 saong canah jalan Ba Bàu di jhung janah jalan nao Phan Thiết, daok dom canah jalan karei oh ka peih brei radaih nao mai. Jalan ini tuk peih tabiak, hu daong dui katut panak tukvak meng TP Hồ Chí Minh nao Phan Thiết (Bình Thuận) meng 5-6 mon trun daok 2 tal 2 mon meteh.

TP.HCM bahrau padang kỷ lục bahrau ka bruk pandar điện dalam tuk sa harei bo pandar 93,53 triệu kWh điện. Makna lac kayua langik pandiak bhang saong langik biak pa-uh nan ye bruk pandar dom pandap ngak laar tagok glaong. Tui kuhria dalam dom harei anak tal, langik jeng daok pandiak bhang tagok tal labaih 37 độ saong di melam bier di abih lac 29 độ, nền nhiệt glaong saong langik pa-uh nan ye bruk pandar điện, abih di nyu nan lac dien ka dom pandap ngak laar daok tagok glaong. Kayua yau nan ye, Tổng Công ty Điện lực TP.HCM jak ba urang pandar paglaong bruk patak pataom dien saong pandar dien siam lagaih.

Peih ngak danak dak bruk ngak negar patrun kathaot khang kajap, tỉnh Trà Vinh daok peih tabiak labaih 81 tỷ đồng phun jien piah parabha ka dom puk palei. Piah patrun bruk kan kathaot veik, tamuh tabiak kan kathaot bahrau, Sở LĐTBXH Trà Vinh hu panuac ieu dom Sở, dom gahtui iek dom tiểu dự án thành phần di danak dak saong dom huyện, ban sit, pataom tame jhul khang patahu khan, paglaong hatai sahneng, bruk ngak di dom pakat, dom gah saong taong abih xã hội, abih di nyu lac bol bhap rahra piah ngak brei salih harau khang ka hatai saneng saong bruk ngak dalam patrun kathaot khang kajap

Urak ini dom doanh nghiệp, labik ngak mbang gah du lịch di tỉnh Tiền Giang hu peih bruk caga dahlau pandap panda piah raok tuai di tukvak padeih lễ 30-4 saong 1-5 anak tal, abih di nyu nan lac paglaong dom pandap panda du lịch saong tani tanat salamat pacang caga jit ruak COVID-19. UBND tỉnh Tiền Giang brei thau lac, meng akaok thun tal urak ini, dom tuai mai rivang ma-in, du lich tagok glaong. Dalam quý 1 bahrau blaoh, dom labik ngak mbang gah du lịch hu taduan 179 ribau tuai. Rilo labik pachreih hu rilo tuai di abih lac: cồn Thới Sơn, chùa Liên Hoa, Thiền Viện Trúc Lâm Chánh Giác, bilai ula Đồng Tâm, tasik Tân Thành, labik palei meng kan Đông Hòa Hiệp.

Pasak pasang iek saong pacang caga jit ruak Trung Quốc brei thau, adit blaoh mboh hu 42 urang njaom biến thể XBB.1.16, tagok khang duk haong adit dahlau. Giáo sư Trương Văn Hồng, Yam ndok pasak taneh ia ka ruak njaom mbak di Thượng Hải hu panuac ieu khik piah jru virus pacang COVID-19, padang jalan taong ruak ka urang ruak dalam 48 mon saong caik hatai sangka kapul urang mbuan njauk ruak. Gam haong nan, hu panuac kakei dom kapul urang mbuan njauk ruak, brei nao klauk veik jru vaccine COVID -19 hadei di 6 bilan.

Hàn Quốc daok brei peih veik dom bruk pablei tabiak negar langiu ngan haong dom hạng mục pambuak tal Nhật Bản, brei adat ka dom công ty pablei tabiak negar langiu dom pandap panda hu makna praong tapa Nhật Bản hu mbang tui dom adat brei ngak dahlau dalam tukvak pasang iek saong ngak harak gar mbuan jang. Kayua yau nan ye, Nhật Bản meda daok dalam 29 taneh ia hu mbang tui ưu đãi dalam bruk pablei salih di Hàn Quốc gam haong Mỹ, Pháp saong Anh. Thun 2019, Hàn Quốc hu ba Nhật Bản tabiak truh “angan mbong” hadei di tuk Tokyo ba Seoul tabiak truh angan piah cagar veik panuac kaoh di Tòa án pakat glaong abih di Hàn Quốc ieu 2 công ty Nhật Bản biyar jien ka dom urang njauk kateik greik ngak bruk tukvak vak Kalin kan dunya mbang ka dua.

Jaik 60 urang njauk cuh metai di gah brak Burkina Faso meng dom urang cuk khan ao di sa kapul pan phao kraong di Burkina Faso. Dahlau di nan, harei 15/4 meng bloh, Rajaei Burkina Faso brei thau, dom kol oh thau cambaih angan, nyu taong tame bol lin saong gah halan hatian daok di bhum gah brak Burkina Faso, jaik Ouahigouya ngak brei 40 urang metai saong 33 urang karei njauk rambus.