Mesup ni, di Hà Nội, Ủy ban Thường vụ Quốc peih mbang nyaom ka bruk hukum bilan  9. Rah tabiak dalam 4 harei, di mbang nyaom, Ủy ban TVQH brei panuac ka rilo asal kadha prong, dalam nan hu hu danak dak hukum taneh rija  (pasiam veik) song dom danak dak hukum karei piah pok tagok  Quốc hội di mbang nyaom ka 4, rah tabiak di bilan  10 anak tal. Danak dak hukum taneh riya  (pasiam veik) hu 237 paka, batabiak ka bruk pandar taneh riya, quyền hạn song bruk ngak di karja lambaok po pandar taneh raya song khik ramik taneh riya, bruk khik ramik song pandar taneh, quyền song bruk ngak di urang pandar taneh ngan song taneh riya di taneh ia Cộng hòa xã hội chủ nghĩa Việt Nam.

Mintri Jalan mbak pajeng ba bahrau hu harak ieu mBan khik ramik danak dak jalan pasei padang pathau khan roh duah brei mboh lac meda ngak hu cambaih laih ka yaok danak, brei ngak salah pathau khan nan dalam bilan 4/2023 piah pok tagok Mintri jalan mbak pajeng ba pasang iek pok tagok Rajaei dalam bilan 9/2023 saong pok tagok Quốc hội dalam thun 2024. Ini lac 2 danak dak praong pakat negar urak ini hu Rajaei, dom tỉnh ban ieu samar roh duah piah samar buh jien tame ngak.

Sở Y tế tỉnh Đồng Nai brei thau, tỉnh dok kurang dom janih vaccine dalam danak dak klauk jru peih prong ka uranaih yau  vaccine sởi, vaccine DPT (dok ieu lac bạch hầu, ho gà, uốn ván). Bruk klauk jru hu labaih  41,3%, dalam nan klauk janih  DPT bahrau hu  41,7%, sởi hu  39,8%. Urak ni,  Sở Y tế tỉnh hu panuac ndom ka bruk kurang vaccine dalam danak dak klauk jru peih prong tal mintri Y tế. Bruk kurang  vaccine kan kandah tapak tal bruk klauk jru ka uranaih dok di  Đồng Nai dalam dom akaok bilan thun 2022. 

Dom urang ruak pandiak tabiak darah daok tagok glaong di Tiền Giang. Dom urang njauk ruak saong saong metai kayua ruak ini dang dhi 9 dalam bhum gah meraong. Tal kreih bilan 9, dalam tỉnh hu labaih 6.000 urang njauk ruak pandiak tabiak darah, rilo jang 4 mbang duk haong tukvak ini thun bloh saong hu  4 urang metai.  Yaom lac gah y tế palei daok patagok pathau khan, tacei pato bhap bini min kayua rilo menuac daok iek lap dalam bruk pametai lăng quăng, jamaok nan ye kan pacang hu ruak pandiak tabiak darah. 

UBND tỉnh Bình Thuận bahrau patabiak bruk peih ngak danak dak khik ramik song patagok palei ngak Việt Nam dok dalam tỉnh tuk vak  2021-2030. Danak dak batabiak jalan ngak kham merat pok brei angan bahrau meng 1-2 palei ngak meng kan; patagok meng  2-3 palei ngak gam song du lịch. Urak ni, Bình Thuận hu  5 palei ngak dok peih ngak hu UBND tỉnh pok brei angan.  Taeng bhum mik va bangsa takik  hu 3 palei ngak, min, urak ni, dok palei ngak lan Bình Đức dok peih ngak, 2 palei ngak dok veik njauk padeih ngak, hu mbuan si lahik nao.

Hadei di 10 harei quốc tang ngan haong dom bruk thau dhar phor saong pahadar hu peih tabiak di taong abih dom bhum dalam taneh ia Anh, quốc tang ba palao Nữ hoàng Anh Elizabeth II hu peih tabiak di mon 11h mesup harei 19/9, tui mon di ban ine London, gah dalam Tu viện Westminter. Kapul radaih pajeng atau  di Nữ hoàng Anh hadei di nan nao tapa dom jalan mai gah lâu đài Windsor, labik Nữ hoàng Elizabeth II hu kubo dalam labik kubo Hoàng gia. Meng harei adit (18/09), rilo urang dang akaok dom taneh ia saong urang dang akaok Hoàng gia dom taneh ia mai tal London piah sirah Nữ hoàng Anh Elizabeth II.

Rajaei Israel bahrau brei tapa panuac ba tabiak di Thủ tướng negar ni Yair Lapid ka bruk padang ngak Diễn đàn Negev piah jhul pakhang pambuak bruk  kinh tế, an ninh song Mỹ song 5 taneh ia Trung Đông, dalam nan hu  Israel, Các Tiểu vương quốc Ả Rập Thống nhất, Bahrain, Maroc song Ai Cập. Diễn đàn Negev hu peih ngak mangaok  6 nyaom di rilo gah  ngak bruk song gauk, dalam nan hu gah an ninh padai brah - ia, năng lượng, du lịch, y tế, pato pakai song siam mekre di labik.  

Puerto Rico brei peih praong bruk cảnh báo lũ lụt di dalam taneh ia mbiah tal abih harei ini (19/9), tuk ribuk Phi-ô-na (Fiona) tuh tame pulao kaoh ini. Di harei kabroi (18/09), ribuk Fiona tuh tame dom labik tapen takai tasik Puerto Rico, ngak brei lahik abih điện, saong mbuan hu hajan khang di abih kuhria meng dahlau mai. Dom urang kuhria mboh dahlau brei thau, dom mbang hajan khang yau tuh ia meda rah tabiak saong meda ngak brei jaleih taneh haong ia sua biak khang. Taong abih dom pabah lamnge di Puerto Rico njuauk kreik pabah mbang, dalam tuk dom mbang par tabiak ruh mblang kapal haoh brei klaak abih./.

Urang lang: Pha & M.Phuong – 19/9/2022