Pahadar 93 thun Harei padang Đảng Cộng sản Việt Nam (3/2/1930-3/2/2023), dah page ini, Kapul lambaok urang par akaok, urang dahlau daih par akaok Đảng, Kanja saong Ủy ban Trung ương MT negar Việt Nam hu mai caik bingu, tame kalan jirah rivang Chủ tịch Hồ Chí Minh saong cuh gilau pahadar dom Anh hùng liệt sĩ di jalan Bắc Sơn, ban ine Hà Nội. Anak suan yava di Chủ tịch Hồ Chí Minh praong uranam, dom urang par akaok brei mboh hatai thau dhar phol, dom bruk ngak biak praong di Chủ tịch Hồ Chí Minh ngan haong bruk peih paha bangsa, yasa taneh ia. bingu di kapul hu talei akhar haroh lac "miat miat hadar dhar phor Chủ tịch Hồ Chí Minh praong uranam".  Patui di nan, kapul hu mai caik bingu, cuh gilau, pahadar dom Anh hùng liệt sĩ di patau pahadar dom Anh hùng liệt sĩ di jalan Bắc Sơn.

Meng rilo thun tapa, tỉnh Vĩnh Long biak caik hatai tal bruk padang saong patagok urang đảng dalam doanh nghiệp, abih di nyu lac doanh nghiệp tư nhân. Dalam nan, tỉnh sangka tal dom doanh nghiệp hu jabat ngak bruk tani tanat, hu padang công đoàn, hu peih bruk ngak mbang, pablei salih njauk tui bruk hu tut angan blaoh, tani tanat, ngak mbang hu kein laba dalam tukvak 3 thun jaik di ini. Tal urak ini, Vĩnh Long cakrok hu labaih 20 cơ sở đảng dalam doanh nghiệp hu 800 urang đảng. Hadei di tuk patagok dom chi bộ dalam doanh nghiệp ngak bruk hu siam lagaih, daong ka doanh nghiệp cakrok bruk ngak mbang, pablei salih. 

Kapul urang kumei TP.HCM peih mbang taom mbaok urang jakar, urang dalam kapul urang kumei bangsa Lo piah uan harei tết Nguyên tiêu di mikva bangsa Lo. Yaok thun, di harei ia bilan bbak baoh bilan sa tui saka ia bilan, mikva bangsa Lo bui sambai raok Tết Nguyên tiêu – sa dalam dom harei hu makna praong di mikva bangsa Lo. Tapa nan, kapul urang kumei TP.HCM hu alin pandap ka 150 urang jakar, urang dalam kapul urang kumei bangsa Lo di dalam ban raya, piah pachreih dom saai kak kajap haong danak dak bruk ngak urang kumei saong bruk ngak di Kapul. Gam haong nan, kapul hu brei dom kapul nyaom nao rivang, tadhau ayuh Tết Nguyên tiêu di 12 Hội quán, labik agama saong dom urang dalam kapul urang kumei lac urang Lo.

Tal tukvak ini, hu jaik 1.500 doanh nghiệp ngan haong 95% urang ngak di 16 labik ngak kong di Long An mai veik ngak bruk. Dalam tuk bruk ngak mbang pablei salih daok rilo kan kandah, tỉnh Long An hu ba tabiak ngak dom jalan daong ka doanh nghiệp, abih di nyu lac daong ka urang ngak lahik bruk ngak. Tukvak dahlau, dalam saong hadei di Tết, tỉnh hu nao ravang, brei pandap ka labaih 236.000 urang ngak gaok kan kandah, urang ngak lahik bruk ngak, trun takik maong ngak bruk haong yaom jien daong abih tih jaik 86 tỷ đồng.

Urang ngak sara di tỉnh Bến Tre daok tame bilan kuac mek sara akaok thun. Di tukvak ni, urang ngak sara pablei sara asal yaom meng 150-160 nghìn đồng/giạ (labaih 40 kg). Ini lac yaom glaong abih kuhria dalam rilo thun tapa. Min, mbang ngak sara akaok thun ini oh lagaih kayua hajan suan bilan, takik pandiak saong dom mbang ia ndik tagok glaong ngak ka ia dauk mblang hamu sara ngak khat lahik ka urang ngak sara. Tỉnh Bến Tre urak ini khik tani tanat labaih 1.400 ha sara ngan haong labaih 1.000 urang ngak sara, abih di nyu nan lac di 2 huyện Bình Đại, Ba Tri.    

Hãng Thông tấn Negar Triều Tiên KCNA brei thau, mbang nyaom ka 24 UB Thường vụ Hội đồng bhap bini pakat glaong di abih, nan lac Quốc hội Triều Tiên, mbang 14  hu brei tapa rilo Hukum praong di taneh ia ini, dalam nan njauk caik hatai tal yau ye “Hukum khik caga bí mật karja”, “Hukum khik ramik jalan pasei”, “Hukum pato pakai menuac naih gheih”…… “Hukum khik caga bí mật karja” piah padang ngak sa hệ thống saong trật tự pambuak tal bruk khik kandauk, rik daong khik caga an ninh saong kein laba taneh ia, jhul tagok jak jeng bruk dak padang xã hội chủ nghĩa.

Tanut chất lượng không khí (AQI) dut iek di Bangkok, Thái Lan saong dom bhum jaik taphia lac 166 ngan haong tanut tachauk nerak alam dhur mun PM2.5 urak ini daok di tanut glaong biak jhak, biak oh siam ka prein yava. Kuhria tal melam 1-2, Bangkok dang ka 8 dalam dom ban nerak tachauk, iek tui dữ liệu PM2.5 dut iek hu di 101 ban di dunya. Rajaei Thái Lan ieu kakei rahra cuh pataik pacang mbaok N95 tuk tabiak langiu, saong takik dom bruk ngak di langiu langik. Gam tui di nan jeng ieu kakei dom jabat njauk sahneng kuhria tal bruk blei ka urang ngak, ngak bruk di sang piah trun manieng bruk tachauk nerak alam meng bruk nao mai di jalan.

Hu sa kadha tra oh bui sambai ka bruk mesruh pacang biến đổi khí hậu, tuk mboh lac  ia patau di Nam Cực trun daok takik. Gilai palai ia patau Laura Bassi di Italia pajeng dom urang ilamu daok peih bruk roh duah di Nam Cực meda nao tal dom labik bo dom kapal gilai dahlau daih oh nao tal hu, kayua ia patau di labik ini trun biak rilo. Tapa pasang iek vệ tinh di thun 2022 brei mboh lac dom kraong ia patau tapen tasik di Nam Cực daok ngak ka dom ia patau theik samar jang. Dom urang ilamu hu mek mẫu piah roh duah dalam jang ka bruk ini./.