He thong Klauk jru caga VNVC ba tabiak saong peih bruk klauk vaccine bahrau, caga 4 ruak dalam 1 mbang klauk lac caga ruak ndaih baoh, pok baok, rubella saong ndaih baoh ratak ia. Dut haong dom vaccine caga 3 ruak dalam 1 mbang klauk dahlau diah tok hu caga ruak ndaih baoh, pok baok saong rubella, vaccine bahrau hu pabak veik jeng banah caga ruak ndaih baoh thuy dau. Bruk peih klauk vaccine bahrau di He thong Klauk jru VNVC dalam jalan caga ruak jang taong ruak, pacang khik, sangka saong paglaong prein yava rahra.

TPHCM daok ngak bruk brei anek saih takik pandar phone, pandap dien tu  dalam tuk tabiak ma-in di dom sang bac. Tui bruk ba tabiak, yaok sang bac peih ngak dom bruk salih tame yau; ma-in the thao, daoh tamia van nghe, ma-in kadha bhap bini, bac tapuk, kalup kapol pato jalan diuk rai…Gruk dang akaok tal bac, Gru gah Kapol Doi saong urang jakar di sang bac  hu pasram ngak kadha ma-in, pasram pahat rup pabhap, daoh tamia lagaih haong umo thun. Urang maik ame brei mbaoh harak 3 gah nan lac: sang bac, amaik ame- anek saih, pang khan ka dom sarak, tui iek bruk di anek tapa kapol zalo tal bac di anek, khan brei thau.

Ngak bruk haong Mban Thuong vu Ndang uy phuong Tân Lộc, ban Can Tho ka bruk ngak hadei tuk pagam, Phaok Bi thu Ban uy Trương Cảnh Tuyên pandar Ndang uy phuong Tân Lộc patui veik paglaong hatai gul pataom, pataom tame patagok gah ngak nong, ngak kong, ngak siam bruk daok dang mbang ngui; Pasang duah qui hoach ka bruk patagok bruk ngak, bhum halei pala phun hagait, bhum halei lac ngak nong pagam haong bruk rah rivang, bhum halei raong ikan. Phuong Tân Lộc daok di angaok kraong Hậu, urak ini co cau kinh te salih tui kein lagaih lac raong glang kaya dalam ia saong rah rivang BEIN sinh thai.

Dalam tinh Ca Mau daok 764 gilai ikan mbuan ngak suan hukum IUU glong, dalam nan, hu labaih 600 gilai hu ngak haso tapa kong nghe so. Kuhria meng akok thun 2024 mbiah tal ini, Ca Mau hu 80 sruh gilai kapal oh daok pambuak hu angaok tathik bo oh gilac veik tame ar.  Urak ini, bruk pacang taong mek kaya tahik IUU di Ca Mau daok rilo kan kandah. Dom gilac klah tut angan, atau tut angan veik, pablei veik oh njauk tui hukum. Bruk ngak ho so harak gal taka so ka gilai ikan mbuan oh ngak hu abih yau bruk ba tabiak. Daok dom bhum palei oh ka ba ho so harak gal  gilai ikan tame tui kong nghe so.

Tui Cuc Gah Ngak glai saong Pasang iek glai, lamen di Viet Nam urak ini tok daok ala 200 drei, daok ha sit ha sit di dom tinh. Dong Nai lac bhum palei hu kapul lamen glai praong ka 2 dalam negar, ngan haong labaih 25 – 27 drei, dalam nan hu lamen anek. Meng thun 2013, tinh hu peih tabiak dom jalan langyah khik ramik saong roh duah lamein, padang 72 km paga ndien piah pacang lamen ngak kanjah tal urang menuac. Bruk khik ramik lamen chau A oh lac bruk ngak di taneh ia bo daok lac bruk pagun sanya pakat dunya, abih di nyu nan lac dalam tuk bo bruk anek athur dalam dunya daok kurang.

Tong thong Hàn Quốc Lee Jae Myung khan lac hu 2 huyen di Tay Nam taneh ia ini lac bhum mbon gaok bala meng langik tasik, hadei dom mbang hajan trun labik ini di bilan dahlau saong ngak khut khat biak trak. Tui nan, iew dom mentri pambuak samar khik brei salamat ka bhap bini di dom labik gaok kan kandah hu gilac veik raidiuk yaok harei  dak samar dak siam. Bruk tacei tabiak labik bala meng langik tathik piah karja brei jien ramik ngak pasiam hadei bala saong dang ka bhap bini gaok kan kandah.

Sa kamuan likei umo 11 thun di Trung Quoc brei hu ba tame sang iek ruak samar chip hadei tuk njauk kateik bac rilo gam gam dalam 14 tuk haong bruk pasang iek di amaik ame. Bruk ini ngak srau kadau saong duh hatai ka bruk uranaih njauk kateik geik bruk bac megru dalam rahra urak ini. Tui kuhria, tok karei dalam bilan 8 bahrau blaoh, hu labaih 30 uranaih njauk ba tame sang iek ruak haong dom kanjah yau nan - tagok 10 mbang dut haong dom bilan dahlau nan. Banah praong abih lac dom urang ruak halei jeng hu pambuak tal bruk kateik geik bac megru, duh hatai anak mbang kacah saong bruk pandar kaya ndien tu suai atah.

Cuba khan lac akauk bruk ngak mbamg kinh te, pablei salih saong jien padai kayua Rajaei Mỹ pandar ngan haong Cuba dalam labaih 6 pluh thun tapa ngak khat lahik labaih 103 ti USD ka taneh ia ini. Ngoai truong Cuba kakei lac oh kuhria hu ginup abih bruk kan kandah kayua sarak di Mỹ, kayua hu dom bruk khat lahik oh kuhria hu cambaic laic yau bruk pambak tak akaok sahaneng saong haduh hatai. Taong abih dom bruk nan brei  mboh kan kandah biak praong bo Cuba brei bayar ka bruk taong phat di My dalam labaih 60 thun tapa./.