Meng quý IV thun 2023 mbiah tal ini, brah pablei tabiak negar langiu mboh hu rilo siam lagaih. Abih di nyu nan lac, yaom padai brah hu salih birau, kuhria rah tapa hu 630 USD sa tấn. Kuhria meng akok thun tal ini, Viet Nam pablei tabiak negar labaih 3,6 trieu tấn brah, tagok 11% ka padai brah saong tagok ta 35% yaom pablei dut saong tukvak ini thun dahlau.

Kuhria meng akaok thun tal ini, Hội Chữ thập đỏ dom tinh tapen tasik gah kreh negar saong Tây Nguyên hu pambuak bruk haong dom puk palei, dom doanh nghiệp peih ngak hu siam dom bruk ngak pahla. Tui nan, dom tinh jak ba hu labaih 360 tỷ đồng, alin hadiah pandap brei ka labaih 1 triệu mbang urang kathaot, jaik kathaot, urang gaok kan kandah, urang njauk jru mek klik kruac, sang sarak karja, sang njauk bala meng langik tasik, njauk jit ruak. Bruk pacang caga bala meng lanik tasik hu daong brei ka labaih 25 rabau mbang urang haong yaom jien abih tih labaih 7 tỷ meteh. Bruk jak ba brei darah ngak pahla hu taduan mek labaih 80 rabau đơn vị darah.

Piah khik yaom kaom darak pasar hu siam mekre tui tacei pato di Rajaei saong Thủ tướng Rajaei, Gilang pariak Karja Viet Nam  brei pablei ameh tapak ka 4 gilang pariak pablei salih Karja nan lac: Agribank, BIDV, Vietcombank saong Vietinbank piah dom gilang pariak ini pablei ameh ka bhap bini. Dom gilang pariak  nan brei thau yaom ameh saong yaom ameh pablei tabiak angaok website.  Page ini 3/6, di TPHCM, yaom ameh daok trun biar ralo, trun jiak 13 trieu dong sa mbaih dut saong tuk yaom glong abih, min jaik mboh lac takik hu bruk pablei salih ameh hala (candiak), rilo urang khan lac daok cang yaom dang tani tanat.

Dom harei jaik ini, menuac sia daok di rilo xã dalam huyện Cai Lậy, tỉnh Tiền Giang duh hatai lo meng bruk yaom lac tame bilan hajan min rilo kraong ribaong di bhum ia taba ini, nyu daok njaom ia mbak. Tui Sở Ngak nong saong Patagok palei pala tỉnh Tiền Giang, makna ba tal bruk nan, lac kayua mbak njom meng gah tỉnh Long An tapa. Sở ini hu panuac ieu Sở Ngak nong saong Patagok palei pala tỉnh Long An tacei pato Pasak khik ramik ba pandar danak dak thủy lợi tỉnh Long An pasang iek veik dom cống piah hu jalan pacang mbak, gam haong nan, pambuak bruk haong Cty TNHH MTV Khai thác danak dak thủy lợi Tiền Giang peih dom cống piah tathuak mbak dalam mblang hamu.

Pambuak tal bruk njom jru mek ahar bánh mì ngak brei jaik 600 urang tame sang iek ruak di Đồng Nai di akok bilan 5 meng blaoh, uranaih 5 thun meteh njauk jruk mek trak abih metai  hadei di 1 bilan taong ruak di Sang iek ruak Nhi đồng 1, TPHCM. Uranaih nan angan T.G.H., hu ba meng Sang iek ruak Uranaih Đồng Nai tagok Sang iek ruak Nhi đồng 1 jru ruak meng jala pandiak harei 4/5. Ini lac uranaih njauk trak abih dalam dom urang njauk jru mek kayua mbang ahar bánh mì di ban Long Khánh, tỉnh Đồng Nai. Sở Y tế Đồng Nai brei thau, bruk njauk jru mek pandap mbang  kayua vi khuan Salmonella.

Tui Gah Pambuak bruk saong patagok kinh tế (OECD), jaik 40% urang ngak negar langiu hu tangin gheih ngak pilih ruah daok veik Japon. Taka ini lac biak glaong, daong prein ka taneh ia Japon  dalam tuk daok glaih glar haong bruk kurang urang ngak. Tui pathau khan, meteh dalam jaik 3 triệu menuac negar langiu daok di Japon thun 2022 lac thường trú nhân. Meteh daok veik rilo meng lac urang ngak nhập cư tạm thời saong gauk gar di dom urang nan, atau thực tập sinh kỹ thuật saong sinh viên dunya.

Labaih 100 taneh ia di angaok dunya brei kak je ia menyum hu saradang piah pacang cakak bruk lameh labaih kilo saong dom ruak kayua hu menyum ia hu saradang. Mexico lac sa dalam dom taneh ia pandar ia menyum hu saradang glong abih di dunya saong jeng lac taneh ia hu rilo urang lameh labaih kilo, hu brei kak je 1 Peso (jaik 500 đồng) ngan haong 1lit ia menyum hu saradang meng thun 2014. Jien je nan ngak brei ia menyum hu saradang tagok 11% saong trun 37%  bruk blei ia yamen menyum. Dom urang jakar Mexico kuhria mboh dahlau lac dalam 10 thun anak tal, bruk kak je ia menyum hu saradang di taneh ia ini meda pacang cakak hu 240 ribau  mbang urang lameh labiah kilo, abih di nyu nan lac uranaih.

Bộ Thủy lợi Trung Quốc brei thau, taneh ia ini daok yam tame bilan ia sua meng harei 1/6, dalam nan gah meraong daok yam tame bilan ia sua praong, saong tui kuhria mboh dahlau lac langik tasik oh siam yau ye hajan ia sua rilo saong khang jang dalam thun ini. Urak ini, dom jabat pambuak tal di Trung Quốc daok tui iek catang ia hajan, bruk salih tanut mbaok ia, peih bruk duah thau saong taong yaom piah pacang caga haong hajan praong saong ia dauk ia sua./.