Anek saih mek hu Huy chương Ameh lac adei Phạm Công Minh, anek saih tal bac 12, Sang bac THPT Chuyên Khoa học Tự nhiên, Sang bac Đại học Khoa học Tự nhiên, Đại học Quốc gia Hà Nội. Bruk pakacah naih joi di Kapol pakacah Viet Nam di Mbang pakacah Olympic Tin học Châu Á thun 2024 brei mboh asar pato megru pho thong, tui jalan duah mboh njauk, palih ruah saong pasram ilamo ka anek saih naih joi di Mentri Pato megru.

Harei pataom kraong ia TPHCM mbang ka 2 hu peih tabiak di melam 31-5 ngan haong asal kadha “sruh gilai huyền thoại”. Harei pataom  dui atah 10 harei, ngan haong rilo bruk peih ngak di dom labik pak TPHCM. Harei pataom hu caong lac dui pachreih rilo tuai dalam saong langiu taneh ia, jeng bruk ngak yaok thun piah jhul tagok  kinh te, du lich… Harei pataom kraong ia mbang ka 1 dui pachreih hu 210.000 mbang tuai, dalam nan hu labaih 91.000 tuai negar langiu. Dom bilik padeih tagok 20%, dom gilai nha hang tagok hu abih prein di nyu, lac 100% (tagok 23% dut saong tukvak ini thun blaoh). Tour du lịch jalan ia raok tuai tagok 15% dut saong yaok harei.

 Bình Phước hu maong lac pasak pa-ok blait di Viet Nam ngan haong taneh pala praong abih dalam ia. Thun pala 2023 -2024, pandiak dui atah gam gam ba tal rilo bein pa-ok blait  dalam tuk tabiak  bingu ndam baoh trun takik. Urak ini, Sở Ngak nong saong patagok palei pala Bình Phước hu UB bhap bini tỉnh brei ngak Danak dak Ramik pasiam veik bein pa-ok blait piah tapa nan patui bruk daong pajaih birau, brei rilo asar baoh lagaih haong taneh riya, langik pak ini piah dak harei dak hu salih dom taneh daok pala pajaih pa-ok blait klak brei takik baoh dalam tỉnh.   

Pachreih tui Danak dak pala sa ty phun hijao “Kayua sa taneh ia Việt Nam hijao” di Thủ tướng Rajaei, tukvak 2021-2025, Đồng Nai ba tabiak bruk lac pala 20 trieu phun hijao dom janih pambuak haong Danak dak Padang ngak palei pala bahrau. Meng jaik 12 trieu phun hijao hu pala, Đồng Nai urak ini lac bhum palei hu pala rilo phun hijao abih di bhum Đông Nam Bộ dalam bruk peih ngak danak dak nan. Piah mek hu siam mekre yau ini, tinh hu ieu pataom bruk hu mbaok di abih hệ thống chính trị, dom kapul nyaom, dom baoh sang, manuac urang. Nan ye, bruk pala phun hijao jeng lac danak dak pakacah gauk biak lagaih di yaok rahra.

Di xã Nguyễn Phích, huyện U Minh, tỉnh Cà Mau, harei kabroi, urang kumei angan N nao mek hadang njauk jakala klak metai dalam hlung ia.  Dahlau di nan, mboh muk N nao tabiak hlung ia oh mboh mai, urang dalm sang nao duah meng mboh muk N metai dalam hlung ia, angaok rup hu rilo inem jakala klak. Meng nan caong khin jabat chuc nang  brei dut iek rup tau. Tapa blaic raih iek, jabat chuc nang  xã  Nguyễn Phích mboh muk N metai  kayua jakala klak yau nan ye brei ngak salah dom harak gal  piah baoh sang ba nao ngak ndam matai.

Urak ini urang likei, abih di nyu lac dam dara njuk pakao dien tu daok tagok samar di Australia. Ini lac sa bruk biak haduh hatai caik ka rajaei Australia brei hu rilo kham marat jang piah pasiam veik bruk ini. Urak ini hu jaik 1/3 urang likei di umo meng 18 tal 24 thun daok njuk pakao dien tu. Dalam nan, dom urang likei njuk pakao dien tu glaong jang 10 mbang dut saong urang likei praong thun. Akaok Mintri Y tế Australia brei thau lac, pakao dien tu ngak njir saong nyu hu labaih 200 janih jru mek ngak jhak tal prein yava anek manuac.

Tapa pasang meneing phieu dalam mbang palih ruah tong tuyen cu peih ngak harei 29/5 di Nam Phi brei  mboh, đảng Nyaom roya Bangsa  Phi pan akok birau mek hu oh ka tal meteh dom blah phieu palih ruah saong dang anak bruk lahik rilo menuac di QH mbang akaok meti kuhria meng thun 1994. Mbang palih ruah  hu iek yau sa mbang duah thau hatai sahaneng di bhap bini ngan haong 30 thun pan akaok oh padeih di đảng Đại hội Dân tộc Phi. Dom phieu palih ruah  mboh takik dalam tuk Nam Phi daok dang anak bruk likei kumei oh sumu gauk saong eik lipa dak harei dak ralo.

Jabat Khik ramik ban ine Nusantara di Indonesia caga ba tame nduac iek taxi par di bilan 7 anak tal. Taxi par di Hyundai pajeng hu 5 urang. Pin meda pandar nduac luac jalan tagok tal 100 km dalam sa mbang par, saong par hu glaong abih lac 200 km/h. Rajaei Indonesia daok jhul samar bruk padang ngak Nusantara jeng lac ban thong minh kieu mau. Langiu di taxi par, rajaei jeng ieu kakei abih tih dom sruh radaih dalam ban ine bahrau njauk nduac meng hydro, daok ieu lac radaih dien nduac meng pin nhien lieu hadei di thun 2040, piah patrun nerak tathuak bier di abih ka ban ine./.