Dah page harei ini, di Vĩnh Long, Mban Chấp hành Trung ương Đảng Cộng sản Việt Nam, Quốc hội, akaok negar, rajaei negar Cộng hòa xã hội chủ nghĩa Việt Nam, Ủy ban Trung ương Mặt trận Tổ quốc Việt Nam saong Tỉnh ủy Vĩnh Long hu peih ngak dalam praong prang bruk Pahadar 100 thun harei manek Thủ tướng Chính phủ Võ Văn Kiệt (23/11/1922 – 23/11/2022). Dom harei tapa, tỉnh Vĩnh Long  pambuak haong dom jabat Trung ương peih dom bruk hu makna praong, yau ye: harei ba tabiak bộ tem bưu chính “pahadar 100 thun harei manek Thủ tướng Võ Văn Kiệt”; parang iek thaot binguk ka raidiuk saong bruk ngak di ong Võ Văn Kiệt; taduan raok harak dak angan inem krung sajarah ilamo pakat negar Labik khik piah pandap panda di Thủ tướng Võ Văn Kiệt; peih dom asal kadha yaih khan raidiuk saong bruk ngak di ong Võ Văn Kiệt meng rilo jalan pathau khan di Labik pahadar Thủ tướng Rajaei Võ Văn Kiệt.

 Melam 22/11, tỉnh An Giang peih bgak dalam praong prang bruk pahadar 190 thun harei padang tabiak tỉnh (1832-2022) haong dom bruk bui sambai daoh tamia, cuh phao bingu salam uan. Tapa dom tuk trun tagok di sajarah, abih di nyu lac dalam 2 mbang mesruh haong Prang saong Mỹ, bhum taneh An Giang rilo mbang hu pagam tame blaoh kaoh tabiak địa giới hành chính, salih angan ieu karei di gauk saong tal thun 1976, tỉnh An Giang hu padang tabiak veik. Lac labik akaok bhum tapen negar Tây Nam di taneh ia, akaok halau di kraong Cửu Long, jaik 100km tapen negar Campuchia, An Giang lac tinh hu rilo bangsa, rilo agama. Ini jeng lac bhum taneh ginreih menek tabiak rilo menuac naih gheih, haong rilo yaom glaong sajarah, ilamu, anh hung saong cách mạng, lac palei di Chu tich Tôn Đức Thắng.

 Dalam 2 harei 22, 23/11, Harei pataom phleing Ngũ âm saong tamia meng kan bangsa Khmer tỉnh Bạc Liêu thun 2022 hu peih tabiak di baha Xiêm Cán. 16 kapul pacacah mai meng dom baha Khmer di dalam tỉnh parang ma-in phleing ngũ âm saong parang iek dom kadha tamia meng kan Khmer. Tui Sở Ilamo, Thông tin, Thể thao saong Du lịch tỉnh Bạc Liêu, Harei pataom ini piah patagok dom ilamo siam gheih di mikva bangsa Khmer Nam bộ; patui veik peih ngak Sarak Trung ương 5 (mbang VIII) ka bruk “Padang ngak saong patagok ilamo Việt Nam hadah krah, mbak carak ilamo bangsa”.

Parang iek ngan sang kadha "Yaih khan parang me-in inem krung ilamu dom bangsa Tày, Nùng, Dao" kayua Sở Ilamu, Thể thao saong Du lịch tỉnh Lạng Sơn peih tabiak meda dui atah tal harei 15/12, di tuk pahadar 17 thun harei inem krung ilamu Việt Nam (23/11). Parang iek yaih khan labaih 200 harak gar, pandap panda, thaot binguk ka dom gheih mekre di inem krung phi vật thể meng kan di dom bangsa: Tày, Nùng, Dao. Tapa nan, daong paglaong akaok sahneng, hatai thau ka bruk njauk ngak di bhap bini dalam khik ramik saong patagok dom yaom glaong inem krung ilamu bangsa.

Pambuak tal bruk njauk jru mek rilo anek saih di Sang bac ISChool Nha Trang, Viện Pasteur hu duah mboh 3 janih vi khuẩn dalam sauk manuk chiên hu khik piah hadei di mbang huak harei 17/11 ngak ka labaih 660 anek saih njauk jru mek pandap mbang, dalam nan hu 1 anek saih metai. Ini lac mbang njauk jru mek pandap mbang di sang bac praong abih di taneh ia drei meng dahlau mai. Urak ini daok hu 157 urang daok taong ruak, oh daok thei mboh trak. Tui dom chuyên gia y tế, trak damak di abih lac Salmonella - vi khuẩn ngak tabiak laka, njauk jru mek, taglaoh ta-aok, aih traoh, pandiak, pandik tain. Mayah mboh trak di dom urang hu ruak dahlau dalam rup meda suai thit ruak jang. 

 Cộng hòa Séc, Hungary haong Romania lac 3 taneh ia mbuan hu bru srau kadau jien padai di thun tal kayua dom bruk đối ngoại saong kurang kadung jien karja dak harei dak tagok dalam tuk bruk bruk srau kadau năng lượng, kinh tế daok rah tabiak khang. Bruk nna hu dom urang ilamu gah jien padai ba tabiak iek tui 8 chỉ số ka bruk khik piah ngoại hối duk haong blei tame meng negar langiu, jien laba katut panak harei, kadung jien karja saong pablei salih. Tui pathau khan, dom val huan dalam jien padai di dom darak pasar bahrau tagok urak ini daok di tanut glaong abih kuhria dalam labaih 20 thun.  

Mintri Y tế, Lao Động saong Phúc lợi Nhật Bản bahrau brei adat samar drah ka Xocova janih jru camriep abih hu ngak dalam taneh ia piah taong ruak ka dom urang ruak COVID-19 hanjul. Bruk ini hu ba tabiak tuk Nhật Bản daok dalam mbang tamuh jit ruak ka 8 ngan haong dom urang njauk ruak COVID-19 saong dom urang metai yaok harei daok tagok samar gilac veik. Taeng di harei 22/11, negar ini daok hu dom urang njom ruak saong urang metai dang akaok di dunya ngan haong 121.460 urang njom bahrau saong 144 urang metai.   

Mintri ngak nong Israel brei thau, hu sa trang trại menuk prang di Ki-bút Sờ-lu-hốt (Kibbutz Shluhot), gah brak negar ni, hu rilo menuk ada njaom ruak cúm H5N1. Mintri ngak nong Israel daok peih bruk pacang cakak njaom mbak, labik raong ini saong dom labik raong karei vil val dalam 10km hu pacang veik piah caga jit. Puac thun 2021, Israel hu mbang tamuh jit cúm menuk ada H5N1 ngak ka rili labik raong dalam negar njauk khat lahik praong./.