Di var pahadar Tong yam ndoc Rayo sap ndem Viet Nam Đỗ Tiến Sỹ brei panuac lac: Patagok ilamo sajarah dak rai, Rayo sap ndem Viet Nam mboh tukvak anak tal njauk ngak brei salih birau ngan haong mbao chi jeng yau Rayo sap ndem Viet Nam, paglong labik dang, angan je, yam tal hu jeng sa dalam dom Rayo papar sap dang akaok dalam bhum.

Cong ty CP Yit vu kỹ thuật jalan nduac samar Việt Nam (ieu katut lac VECE – lac gah khik ramik jalan) daok brei ngak pasiam labik co giãn di  trụ P20, tatua Long Thành angaok jalan nduac samar TPHCM - Long Thành - Dầu Giây tui jalan meng gah Đồng Nai mai TPHCM. Piah plaih gar jalan, VECE hu tabiak panuac kakei dom urang peih radaih angaok jalan nduac samar meng Dầu Giây mai TPHCM tal labik taom gaok jalan roya 51, vaih nao gah hanuak piah tabiak jalan roya 51 mai canah 4 Vũng Tàu baloh mai TPHCM; radaih nao tui jalan Phan Thiết - TPHCM tuk nao tapa bilai thu phí Km94+450, peih tal labik taom gaok jalan roya 51, blaoh vaih hanuak piah tabiak jalan roya 51 mai canah 4 Vũng Tàu blaoh mai TPHCM.

Sở Jalan mbak pajeng ba tỉnh Kiên Giang birau brei peih radaih jalan tapen tasik 3/2 pambuak atah, blaoh salah dahlau tukvak ba tabiak 4 bilan dalam bruk ngak biak kan kandah kayua kurang cuah. Danak dak  nan ngak hu salah rik tame hu siam lagaih taong abih jalan tapen tasik gah Pai, tỉnh Kiên Giang, pambuak jalan nao mai dalam bhum saong bhum jaik taphia, pacheih  urang buh jien tame, jhul khang bruk cak rok patagok kinh te- xa hoi, peih praong bhum taneh do thi tapen tasik, khik brei siam quoc phong – an ninh di dom bhum palei tapen tasik.

Ndom ka dom janih jien njauk mek tame dalam thun bac bahrau, pagaiy mesup ini (9/6), amuk Nguyễn Thị Toàn Thắng, Yam ndok Sở Pato Megru Bình Thuận brei thau, dom janih jien njauk mek tame, brei ngak tantu, cambaih laih. Tui bruk miễn, giảm jien bac, daong jien bac ta-a, meng thun bac 2024-2025, uranaih mầm non 5 thun oh mek jien bac. Daok jien bảo hiểm tai nạn, lac bruk oh bắt buộc, nan ye dom labik pato megru brei khan cambaih laih, pathau khan ka amaik ame di anek saih thau piah halan hatian hu mbaok tame.

Biar harei 5/9, di huyen Kon Plông, tỉnh Kon Tum rah tabiak 2 mbang megei baoh taneh khnag 2.6 saong 3.0 độ richte, trun dalam labaih 8 km. Dom mbang megei baoh taneh nan hu taong yaom lac bala pakat zero. Dahlau di nan, page harei ka broi, Kon Plông hu rah tabiak 2 mbang megei taneh khang 3.1 saong 3.6 độ. Dalam harei ini, mac dut iek di Pasak brei thau megei saong riyak sóng thần -   Viện Vật lý Địa cầu hu mboh sa mbang megei baoh taneh khang 3.5 độ di huyen Nam Trà My, tỉnh Quảng Nam, dalam trun labaih 8km.

Triều Tiên hu langyah catang 30 urang jakar ngak praong kayua mboh lac oh ngak patrun dom khat lahik kayua ia dauk ia sua saong jaleih taneh, ngak brei labaih 4.000 menuac matai. Hãng truyền thông Hàn Quốc TV Chosun brei thau lac dom urang jakar ngak praong ini di Bình Nhưỡng njauk duas tham nhũng saong plaih nyaik bruk ngak di drei, ngak brei Triều Tiên khat lahik biak trak damak ka menuac saong drap ar dalam mbang ia sua khang di bilan 7 meng blaoh. Hadei di tuk ia dauk ia sua rah tabiak, ong Kim Jong Un brei thau lac Triều Tiên oh taduan bruk daong halei di dunya. Salih tame nan, ong ieu dom urang jakar ngak praong brei panduan ba yaok rabau rahra tal ban ine Bình Nhưỡng, piah hu sangka saong daong siam di abih.

Tapa pasang iek kayua mbao Telegraph di Anh peih ngak di 7 bang di Mỹ hu mboh lac, Phó Tổng thống Mỹ Kamala Harris, urang di đảng Dân chủ, meda mek hu jayak dalam mbang palih ruah  tổng thống Mỹ. Muk Harris urak ini alah ong Trump 1 điểm angaok sa rituh di dua bang North Carolina saong Arizona. Yau nan min, bruk duah thau brei mboh muk Harris dui panak veik jaik sumu ong Trump  di jaik abih dom bang. Njauk caik hatai, bruk ngak kinh te hu biak rilo cu tri iek lac bruk praong dang akok dalam mbang palih ruah thun ini.

Dunya daok dang anak bilan ka 13 gam gam pandiak khang, saong bilan hè thun ini daok jeng sa dalam dom bilan hè pandiak abih kuhria meng dahlau mai. Pandiak khang ngak ka labaih sa rabau menuac matai, prein yava oh siam saong sang bac brei kreik pabah mbang. Dom urang ilamu ndom lac, makna ngak brei langik pandiak tagok glaong di abih mai meng bruk biến đổi khí hậu, bo binah praong lac kayua anek menuac ngak. Tui nan, dunya meda hu mboh langik oh siam saong dak harei dak catang jang, dak rilo jang./.