Rayo sap ndom Viet Nam daok di TP.HCM (VOV TP.HCM) bahrau alin hadiah 20 pok jien bac ka anek saih kan kathaot takre bac ta-a saong 30 thung ia tasau ka dom uranaih bangsa Cam bac ta-a naih joi di palei Bình Hòa, xã Phan Hòa, huyện Bắc Bình, tỉnh Bình Thuận – lac palei kết nghĩa hu rilo urang Cam daok. Tapa 2 thun pambuak talei rohim, VOV TP.HCM tuk halei jeng caik hatai sangka, gam haong dom pandap daong ka dom sang kan kandah. Langiu di nan, urang vak di VOV TP.HCM jeng hu rilo kadha vak, rilo khau tin brei thau samar drah dom kan kandah, tavak tavaiy di bhap bini. Meng nan, dom pakat karja samar langyah, daong ka puk palei, abih di nyu nan lac daong ka xã Phan Hòa hu ia hacih piah pandar, jalan mbak nao mai mbuan lagaih, alam langik tasik hu ramik ngak hacih sa-at.