Bruk yaok kuhria  taneh riya thun 2024 njauk brei peih ngak catang, ginup, njauk tui hukum ba tabiak ka taneh riya; khik brei njauk lagaih, tapak, brei mboh njauk bruk pandar taneh di urak ini.

Thủ tướng Rajaei bahrau brei tapa danak dak padang ngak 3 mbaik tatua di mangaok jalan tỉnh 827E pambuak Ban raya Hồ Chí Minh - Long An - Tiền Giang mai gah Tây Nam Bộ. Tui kuhria hu peih ngak dalam thun 2026, haong yaom jien abih tih labaih 4.797 tỷ đồng. Dalam nan, phun jien masaiy ODA Hàn Quốc samu 4.060 tỷ đồng saong phun jien đối ứng labaih 736 tỷ đồng. Ini meda maong lac danak dak praong pambuak dom bhum di Ban raya Hồ Chí Minh tapa Long An mai dom tinh, ban gah Tây Nam Bộ dalam harei hadei oh daok atah.

Lien ndoan Lao động tỉnh Long An pambuak haong Kong ty TNHH takhoh ChingLuh Việt Nam di huyen Bến Lức peih “ Var lisei Kong ndoan”  brei ka 17.200 urang kong ndoan, urang ngak di Kong ty. Dalam nan, yaok var mbang huak hu yaom 55.000 đồng. Tui ong Nguyễn Văn Quí, Akok Liên đoàn Lao động tỉnh Long An bruk peih “Var lisei Kong ndoan” ngak brei njauk gauk pachreih tui jeng yau pakhang bruk pambuak gauk di dom pakat, dom gah, doanh nghiep dalam bruk  sangka kuria  pandap panda, jalan sahaneng ka urang ngak; rik tame pambuak urang ngak hu sumu lagaih, tani tanat, siam mekre di doanh nghiep.

Urang ngak nong pak huyện Vĩnh Thạnh, ban Cần Thơ bahrau drak pajaih 50ha padai thu dong patui veik bruk ngak iek Danak dak cak rok patagok khang kajap 1 triệu ha chuyên canh padai hu chat luong glaong saong bruk tathuak nerak bier pambuak haong patagok hijao bhum ĐBSCL tal thun 2030. Tui Mintri Ngak nong saong Patagok palei pala, bruk peih ngak Danak dak di mangaok mblang padai ngak iek dalam 3 vu gam gam (hè thu, thu đông saong đông xuân), hadei di nan meda ba tabiak taong yaom cambaih laih ka bruk ngak di yaok vu piah ba tabiak bruk peih praong mblang taneh pala lagaih haong yaok vu, yaok bhum taneh ngak.

UB bhap bini tỉnh Trà Vinh birau tabiak panuac samar drah ka bruk glut jaleih taneh jalan tapen kraong Hậu nao tapa 2 xã Ninh Thới saong Hòa Tân di huyện Cầu Kè. Urak ini, angaok jalan hu 15 labik glut jaleih kuhria abih tih  atah jaik 1km, dalam nan, 3 labik  glut jaleih trak mbang tame dalam meng 5 – 10 m, rilo labik oh daok taneh.  Glut jaleih taneh jiak jalan atah labaih 200m. UB bhap bini tỉnh Trà Vinh jao UB bhap bini huyện Cầu Kè tui iek bruk glut jaleih, khan brei bhap bini thau piah hu jalan pacang cacag  khik drap ar, manuac urang hu siam; ramik caga blaoh blai pandap panda, manuac, radaih, mac moc piah ngak bruk tuk rah tabiak glut jaleih taneh…

Tổng thống Indonesia Joko Widodo hu khan brei thau Thị thực ameh piah palagaih ka bruk buh jien tame di negar langiu saong dui pachreih urang naih joi mai tal Indonesia. Danak dak ini meda pabak thị thực suai lavik tagok tal 10 thun ka dom po buh jien tame, palagaih ka dom urang ini tame jaik saong hu mbaok tame bruk cak rok patagok kinh te di Indonesia. Tal urak ini, rajaei Indonesia jeng ka oh peih ngak Thị thực ameh ka abih tih dom taneh ia. Angan 10 taneh ia lac: Singapore, Nhật Bản, Hàn Quốc, Trung Quốc, Hà Lan, Mỹ, Anh, Pháp, Đức, dom tiểu vương quốc A rập thống nhất. 

Ho chieu Nhật Bản lahik labik dang akaok ka bruk mien thị thực dalam dak angan di dunya thun 2024 di Henley & Partners - kong ty langyah tacei pato bhap bini saong labik daok, labik ngak bruk di Anh. Tui nan, labik dang akok lac blah hộ chiếu Singapore. Dalam harak dak angan thun 2024, iek tui bruk mien thi thuc, ho chieu Anh dang dhi ka 4, Mỹ dang dhi ka 8. Trung Quốc dang dhi ka 59, labik dang puac abih lac hộ chiếu di Afghanistan dang dhi 103.

Tui Mintri Jien padai Mỹ, sraiy taneh ia pak Mỹ mbang camriep tagok tal tanut glaong abih njauk caik hatai suh sah bahrau – lac 35 ribau ty đôla Mỹ, dalam nan 1 ribau ty đôla Mỹ lac tok dalam thun ini. Puac bilan 12 thun blaoh, saiy taneh ia pak Mỹ yam tapa tanut 34 ribau tỷ đôla. Kadung jien Peterson – sa kapul langiu đảng phái pataom prein tame langyah dom cuang kandah tài khóa suai lavik di Mỹ mboh lac, makna ba tal thâm hụt glaong ini jeng meda kuhria hu dahlau; rahra taha, jien y te tagok glaong saong bruk kak je oh ba mai ginup jien piah pabak kadung jien kanja ka dom paok buh tabiak bo rajaei sanya brei ka  rahra./.