Thu tuong Rajaei birau patabiak chỉ thị ka bruk patagok patak taom điện tukvak 2023 -2025 saong dom thun patui di nan. Yaok thun, dalam taneh ia patak pataom takik abih 2% kuhria taong abih điện pandar; trun takik lahik abih điện 6%. Mbiah tal thun 2030 hu 50% dom sang glong rilo tal ngak bruk saong 50% sang bhap bini pandar điện ia harei tabung sang ngak tabiak, pandar eng. Mbiah tal thun 2025, kham merat tal 100% gom truac hadah jalan dalam ban hu pandar gom LED. Ngan haong jabat ngak bruk, yaok thun pandar patak pataom  5% kuhria taong abih điện. Ngan haong điện truac hadah labik công cộng, yaih khan, truac langiu langik, brei patak pataom hu 30% kuhria abih tih điện pandar, pamndar cong nghe.

Biar harei kabroi (8/6), ong Hồ Tấn Minh, Chánh Văn phòng Sở Pato Megru TP.HCM brei thau lac hu ieu jabat Pato Megru TP.Thủ Đức pambuak bruk haong sang bac, công an palei samar duah thau saong hu panuac brei thau cambaih bruk 2 anek saih THCS njauk dom anek saih karei ba gauk taong. Lambaok Sở Pato Megru brei thau, bruk nan rah tabiak dalam tuk hu mbang pakacah pilih ruah anek saih tal 10 bahrau ini. Sở hu tacei pato sang bac samar drah duah thau prein yava anek saih. Sang bac hu da-a amaik ame saong dom anek saih pambuak tal tagok ngak bruk, piah duah thau cambaih laih. Meng nan, hu jalan langyah kaoh tui adat di sang bac.

 Di ban Châu Đốc, UBND tỉnh An Giang peih pakak Le hoi pakat negar  Vía Bà Chúa Xứ ceik Sam thun 2023 ngan haong kadha “ Taneh thieng rilo siam gheih”, melam kabroi 8/6. Dalam dom harei le hoi langiu bruk ngak adat praong prang, An Giang daok peih ngak dom bruk yau: tamia lân anek girai; danak dak daoh tamia ndung bak ilamu 4 bangsa Kinh, Khmer, Hoa, Chăm…Gam haong nan lac pakacah palao gom hoa đăng, parang iek thaok binguk nghe thuat, ma-in the thao, dom kadha ma-in bhap bini. An Giang  oh mek jien rivang ma-in Labik rivang ma-in pakat negar Ceik Sam dalam tuk peih ngak Lễ hội Amaik negar ceik Sam thun ini.

Pambuak tal bruk sa baoh sang di Tây Ninh njauk jru mek kayua mbang bimao, sang iek ruak Chợ Rẫy (TP.HCM) brei thau lac urang pasang metai, daok urang diuk jeng daok dalam trak damak, mbuan metai. Sang iek ruak Chợ Rẫy brei thau, 3 urang njauk jru mek hu ba meng Tây Ninh tagok lac diuk pasang saong anek kumei umo 17 thun. Dom urang nan hu sang iek ruak tỉnh ba tame Chợ Rẫy di harei 6/6. Urang pasang metai di Khoa Cấp cứu, Sang iek ruak Chợ Rẫy. Daok diuk haong anek kumei hu ba tapa Khoa Ruak nhiệt đới taong ruak dalam tuk suy gan cấp, men gan tagok glaong gam haong khal darah. Urak ini, prein yava urang anek kumei 17 thun daok hu siam tagaok. Daok urang diak jeng daok dalam trak damak, mboh lac biak mbuan metai.

Harei kabroi 8/5, jabat Cảnh sát jalan mbak, Công an tỉnh Bình Duong taduan hu panuac khan di bhap bini ka bruk hu kapol radaih moto prein khang labaih 15 tal 20 sruh nao tui kapol, peih khang, suan jalan,patuh po, lạng lách di jalan  Mỹ Phước - Tân Vạn.  Hadei di nan, jabat Cảnh sát jalan mbak  cakak di jalan Mỹ Phước -Tân Vạn và đường Nguyễn Thị Minh Khai, TP.Thuận An, tỉnh Bình Dương.  Tapa pasang iek, canh sat hu mboh saong tavak harak 20 bien ban kayua ngak suan hamnh chinh 11 radaih ngan haong rilo bruk suan: oh hu kareih pasang gah likuh; pagam bien so oh njauk, oh hu sarak peih radaih…Jabat Cảnh sát jalan mbak Công an tỉnh Bình Dương chap khik 8 harak peih radaih, 10 harak tut angan radaih moto.

 Jhung bilan 5 meng bloh, Trung Quốc hu kuac bingun camereip abih dalam labaih 10.000m, sa bruk ngak hu makna praong dalam bruk khik kajap an ninh năng lượng di taneh ia ini. Bingun kuac raok camereip abih ini di Trung Quốc daok di sa mạc Taklamakan di Tân Cương, dalam 11.100m. Sa dàn tháp meng pasei 20 tal hu padang tgaok di labik ini, gam haong mũi khoan, ống khoan saong ống vách trak labaih 2.000 tấn hu kuac raok dalam tame haluk, mbang tapa labaih 10 tal haluk hu gam Phấn trắng, lac labik hu umo thun 145 triệu thun.

UB  châu Âu birau khan lac kadung jien brei ka bruk daong Ucraina daok thu lagu saong gah ini njuak brei duah dom jalan birau piah ngak veik. Tui kuhria mboh dahlau di harei 20/6 anak tal, UB  châu Âu ba tabiak dom bruk salih  ngan haong kadung jien ka vaktu 2021-2027, parabha kadung jien piah jien daok veik di tukvak hadei hu ginup. Yau nan ye, bruk kurang meda ngak kan kandah tal bruk daong bol lin ka Ucraina,kayua nyu hu daong  tapa Cơ chế Hòa bình châu Âu, kadung jien hu jhul khang kayua bruk rik daong di dom taneh ia pambuak haong gauk.

15 bang di Mỹ hu tabiak panuac brei thau bruk jhak di langik tasik kayua thur mur di yaok ratuh mbang khuah glai daok rah tabiak di gah timur Canađa. Dom thur mur sambo màu xám pacang me-im langik New York saong dom ban praong karei. Tui dom jabat y tế di 15 bang tại Mỹ, jaik abih labik Bờ Đông saong bhum Trung Tây taneh ia Mỹ, dalam nan hu dom ban New York, Philadelphia haong Baltimore hu chất lượng không khí meng mbiah tal oh siam ka prein yava. Hu dom labik hu chất lượng không khí di tanut oh siam, jhak ka prein yava./.