Anak bruk darak pasar  padai brah  tagok, Mentri ngak nong saong Patagok palei pala tacei ba dom bhum palei peih bruk pala drak  tui chuoi, tui bruk di darak pasar  tapa bruk jhul patagok  dom HTX, dom bruk pambuak gauk dalam pala drak - che bien – pablei salih. Tui nan, paglong siam mekre  kaya nong, pabak ka darak pasar.

Kayua darak pasa pablei tapa Trung Quốc trun daok takik nan ye yaom arieng tasik di Trà Vinh daok trun khang, daok 50.000 đồng/kg. Ini lac yaom trun khang abih kuhria meng akaok thun tal ini. Urak ini, yaom arieng tasik ralaow janih 2 tal 4 drei sa kg hu dom labik pataom blei yaom 250.000 đồng/kg. dalam tuk nan, bruk raong arieng tasik tame bilan mek pablei praong, rilo abih lac dom tỉnh Bến Tre, Cà Mau, Bạc Liêu nan ye arieng tasik hu biak rilo, tapa prein blei. Yaom lac arieng tasik trun yaom bier min tui yaom urak ini, urang raong arieng tasik jeng hu jien mek tame mbaih.

 Jaik 1 adit ini mai, urang taong chap ikan meng gilai li-i di Bà Rịa -Vũng Tàu daok njauk khang bilan ikan klek, yaok harei urang nao tasik duah hu dom trieu dong. Tui panuac khan di dom urang nao tasik, labik hu ikan klek di tasik  atah ar  meng 4 tal 5 hải lí, yaok mbang nao tabiak tasik brei hu 2 urang taong chap ikan. Hadei dua klau tuk, bhap bini meda chap mek hu yaok ratuh kg ikan klek. Dom urang nao tasik khan lac, ikan klek yaom oh glong yau rilo janih ikan karei min taong chap di labik tasik jaik ar, bhap bini oh buh tabiak rilo phun jien bo duah hu jien tame ka baoh sang.

Sở Jalan mbak pajeng ba TP.HCM bahrau pok panuac likau UBND TP.HCM buh brei 90 tỉ đồng piah ngak pasiam veik ar pacang Thanh Đa (atah jaik 500m) daok khut biak trak. Di labik ini nyu glut jaleih tui kuhria lac labaih 1,3m, atah jaik 500m. Dom baoh san rahra, takai gheng ar pacang jeng mbleing trun gam haong rilo labik mbaih mbaoh, hu labik mbaih praong labaih 10cm saong meda talah praong jang dalam tukvak anak tal. Tui Sở Jalan mbak pajeng ba, labik ar pacang Thanh Đa hu ba tame pandar meng thun 2008, tal urak ini jaik 15 thun. Kayua yau nan ye, dom pandap ngak ar nan daok khut nao, trun prein pacang caga, mbuan khut kayua gaok prein khang paoh tame meng gah langiu.

Piah khik ramik saong patagok dom janih khan bai menyim meng kan di bhap bini bangsa Cam, karja ban sit Tân Châu, tỉnh An Giang hu daong ka mikva meng ralo jalan ngak, rilo sarak piah mikva salih bahrau cong nghe, may moc; duah darak pasar; pablei pandap saong daong dom baoh sang ngak tabiak pandap di palei ngak parang iek pandap, yaih khan pandap di ralo nyaom darak pasar dalam taneh ia. Gam haong nan, Mban Bangsa tỉnh bhian pasram, pabak ilamu, peih tal bac megru ilamu ngak bruk saong dom bruk patagok kinh te – xa hoi brei bhap bini; pataom mbaok urang hu angan je dalam bhap bini.  

Mintri pato magru, dam dara saong Thể thao Campuchia hu panuac ieu dom aneh saih, gru pato paglaong hatai sangka anak bruk hajan ia sua piah  plaih njaih dom bala meda rahtabiak. Dom amaik ame njauk paglaong hatai sangka piah plaih bruk anek mbik di drei njauk mblung ia. Kuhria tal urak ini, dalam taneh ia hu abih tih 7 sang bac brei kareik pambang kayua ia dauk, ia sua. Mintri pato magru Campuchia brei thau lac daok pambuak bruk haong labik pato magru saong kanja palei piah pacang caga samar drah dom kan kandah meng ia sua di dom labik pato magru.

Dalam nyaom biai pakat glong peih tabiak di harei 3/8, Hoi dong bảo an LHQ brei thau lac bruk kurang pandap mbang di dunya dak harei dak khang, mbuan ba tal sa bruk sraw kadau bahrau ngak kan kandah tal dom nyaom bhap bini kan kathaot. Urak ini, hu jaik 350 trieu manuac  di 79 taneh ia daok yam tapa bruk kurang pandap mbang, bhian atau trak jang  kayua mesruh metak. Brei panuac dalam mbang nyaom, Ngoại trưởng Mỹ jeng ndom lac meda brei ngak bruk hagiat njauk ngak piah Nga meda brei pablei tabiak luong thuc meyah mai veik saong panuac sanya brei adat pablei ngũ cốc tabiak negar langiu hu siam mekre salamat di Ukraine tapa  Biển Đen.

 Mai tal ban ine La Habana di Cuba tukvak urak ini, langiu di dom sruh radaih ô tô,  mô tô saong radaih katung hu sa sruh radaih bahrau gam karei gam randap jeng dak harei dak hu mboh rilo di angaok jalan. Nan lac dom sruh radaih juak meng kreim, kayua urang lambaok negar Hà Lan daong saong rahra Cuba ngak tabiak, pandap lagaih haong alam môi trường. Sruh radaih juak meng di tuk tabiak mbaok hu rilo urang takre kayua nyu hanjul, siam ka alam môi trường saong yaom jeng lap. Ini lac danak dak kayua urang lambaok negar Hà Lan di Cuba daong./.