# Raja-ei bahrau tabiak Sarak 19 ka bruk pasiam veik bruk pablei salih, paglaong pren meriak gauk pakat negar, dalam nan jao 250 bruk ngak cambaih laih ka dom mentri, dom ngành. Sarak ba tabiak bruk lac tal abih thun 2017, dom chỉ tiêu ka bruk pablei salih mek hu trung bình di nyaom negar ASEAN 4. Dalam nan, patui  pasiam veik taong abih dom quy định ka bruk pablei salih, khang hatai salih bahrau bruk khik iek chuyên ngành ngan haong pandap panda, dịch vụ pablei tabiak, blei tame negar langiu, tui adat hukum dunya.

     # Jaik tal bilan bimao glai, dom bác sỹ di pasak caga độc, sang iek ruak Bạch Mai hu kakei bhapbini jhui mbang bimao tamuh di glai piah caga ngộ độc bimao. Yaok thun, dalam taneh ia rah tabiak yaok ratuh mbang ngộ độc bimao ngak ka yaok pluh urang metai, rilo meng mboh di dom tỉnh bhum ceik, bhum atah bayah saong bhum bhapbini bangsa takik daok kan kandah. Tiến sỹ Nguyễn Tiến Dũng, pasak caga độc, sang iek ruak Bạch Mai brei thau : “oh mbang bimao glai, bhian tamuh di glai. Meyah thun halei hu hajan, lingik ấm ye thun nan bimao tamuh rilo. Thun halei oh hu hajan ye takik jang. Hajan trun, bimao tamuh tagok saong hadei tết mikva bhian nao glai. Tui kuhria mboh di kol dahlak, bilan 4 saong bilan 5  hu rilo menuac ngộ độc bimao”

      # Dalam dom thun jaik di ini, bruk ngak mbang gah pajeng ba tuak meng taxi di tỉnh Ninh Thuận hu taong yaom lac cakrok patagok khang. Chất lượng bruk ini dak harei dak tagok glaong, pabak hu bruk nao mai di bhap bani dalam tỉnh. Dalam tỉnh urak ini hu 7 doanh nghiệp ngak mbang gah dịch vụ taxi, ngan haong 168 radaih;  pajeng hu jaik 98.196 mbang radaih saong 396.792 mbang urang. Piah paglaong pren pajeng ba, pabak bruk nao mai di bhap bani, meng ini tal thun 2020, tỉnh Ninh Thuận meda pachreih patagok taxi tal 1.000 radaih, glaong abih oh tapa 15 doanh nghiệpngak mbang gah pajeng ba meng taxi.

     # Urang nong dom puk palei dalam tỉnh Đắk Nông daok paik amraik kalu niên vụ 2016 – 2017. Thun ini amaraik kalu daok ba mai kein laba glaong ka urang nong. Bruk paglaong chất lượng saong patagok khang kajap phun amraik kalu hu ba tbaiak dalam tuk janih phun ini daok patagok khang. Urak ini, yaom amraik kalu thu dalam tỉnh Đak Nong jaik 130.000 đồng/sa kg, trun jaik 25% duk saong dom bilan ini thun dahlau. Min, tui rilo urang nong pala amraik kalu saong kraja dom puk palei,  yaom ini jeng daok ba mai kein laba glaong ka mikva urang nong.

    # Tỉnh Trà Vinh daok peih ngak samu gauk dom sarak daong hợp tác xã dalam tỉnh piah paglaong chất lượng bruk ngak. Ong Lê Hoàng Y, Akaok Liên minh Hợp tác xã tỉnh Trà Vinh brei thau, peih ngak Quyết định 2261/QĐ-TTg di Thủ tướng Raja-ei brei adat ngak danak daong patagok hợp tác xã tukvak 2015-2020, tỉnh Trà Vinh daok pataom tame pathau khan saong cụ thể hóa piah palaghaih ka dom hợp tác xã dalam tỉnh samar hu mbang tui sarak daong. 

    # Tỉnh Sóc Trăng barau peih bruk taom gaok chức sắc, chức việc, urang tu hành hadah trah di dom agama di tuk akaok xuân Đinh Dậu 2017. Urang dang akaok tỉnh hu panuac ieu dom agama, dom urang chức sắc, urang tu hành, tín đồ kham merat pathau khan, jak ba, peih ngak siam dom jalan adat, sarak saong dom danakdak patagok kinh te – xa hoi, paglaong raidiuk mbang ngui, daok dang di bhapbini.

 # Dalam thun ini bal Cần Thơ daok jhul pakhang patagok bruk du lịch, dalam nan peih ngak ralo bruk ngak, lễ hội di pasak bal saong Quận, huyện piah pacheih tuai damuai mai haong Cần Thơ. Langiu di nan, meda pataom tame bruk xúc tiến, meyaih khan dalam gah du lịch; buh jien tame ngak dom labik, tour, tuyến piah pambuak pagam angaok bal saong dom tỉnh dalam bhum. Taphia di nan, meda  padang dom labik du lịch tapen kraong Hậu piah patgaok abih pren khang di du lịch kraong aia, bein…

     Khaw tin dunya

    # Sa tòa án phúc thẩm Mỹ brei khik tamo phán quyết brei padhieh sắc lệnh nhập cư ba tal tranh cãi di tổng thống Đô-nan Trăm. Tui nan, urang tị nạn saong bhapbini di 7 taneh ia hồi giáo, dahlau nan gaok pakauk kayua sắc lệnh, urak ini meda tame Mỹ. Tòa án phúc thẩm ka 9 brei khik tamo phán quyết di  thẩm phán Giêm Rô-bát (James Robart) di Xi-e-tơ (Seattle) harei 03/02 brei padheih ngak tui sắc lệnh pakauk nhập cư di tổng thống Trăm.

    # Sa urang jakar pakat glaong di Hungary ndom lac negar ini meda buh jien tabiak padang ngak paga pacang ka dua di labik tapen negar gah meraong piah pacang cakak urang di cư tame negar ini meyah mboh bruk daok jhak nao dalam tukvak anak tal.

    # Harei pataom phim dunya Béc-lin mbang yaka 67 di Đức barau peih tabiak, hu 18 bộ phim mai meng rilo taneh ia pakacah gauk meblah  giải Gấu vàng gam saong bruk hu mbaok di rilo urang hu angan je di dunya. Bộ phim Giang-gô (Django) di đạo diễn Pháp Ê-chiênCô-ma (Django do Étienne Comar) hu pilih ruah ba tabiak chiếu peih mbaok di harei pataom phim dui atah labaih 10 harei ini.