Khaw tin bair harei 11/1

  *Harei 10/1, pak jabat Mentri Ngoại giao, Phaok Thủ tướng, Akaok mentri Ngoại giao Phạm Bình Minh taduan raok Quốc vụ khanh Bộ Ngoại giao saong Hợp tác Vương quốc Tây Ban Nha, ong Ích-na-xi-ô Ba-nét Ru-bi-ô (Ignacio Ybanez Rubio) tukvak hu mbaok dalam mbang Đối thoại chính trị pakat Thứ trưởng Ngoại giao dua negar mbang ka 4 (IV) pak Hà Nội. Quốc vụ khanh Ích-na-xi-ô Ba-nét Ru-bi-ô ndom lac Tây Ban Nha sangka patagok bruk hu mbaok di Việt Nam tapa dom sarak hu sanya blaoh, dự án pambuak bruk bahrau abih di nyu lac gah kinh tế.

* Harei 10/1, di Hà Nội, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu taduan raok ông In- đơ-nit Sen-gút-ta (Indronil Sengupta), Tổng Giám đốc di Việt Nam di Tập đoàn Tata (Ấn Độ) mai salam saong ravang Uỷ ban Mặt trận negar Việt Nam. Ông Nguyễn Thiện Nhân brei panuac caong anak tal Tập đoàn Tata buh jien tame patagok dom dự án công nghiệp phụ trợ ye công nghệ jhik, pet, công nghệ phần mềm.

* Pak Hà Nội, Hội đồng pambuak bruk pathau khan pato pakai adat hukum Trung ương bahrau peih nyaom biai ba tabiak jalan ngak ka thun 2017. Nyaom biai hu ndom lac dalam tukvak anak tal njauk samar ngak salah blaoh ba tagok Thủ tướng Raja-ei danak dak pathau khan adat hukum tukvak 2017 – 2021; abih di nyu njauk caik hatai tal bruk pandar công nghệ thông tin piah paglaong bruk pathau khan pato pakai adat hukum.

*  Kayua lingik la ar gam saong  angin Tây angaok glaong, meng bair harei 10/1, dalam tỉnh Lai Châu  nhiệt độ trun bair saong hu hajan praong. Di dom xã bhum glaong di dom huyện Sìn Hồ, Phong Thổ, nhiệt độ trun bair meng 9 tal 11 độ C.  Urak ini,  nhiệt độ daok trun bair gam saong hajan sit, ngak brei la ar khang. Karja dom puk palei dalam  tỉnh Lai Châu hu patagok bruk jak ba, pathau khan bhapbini khik caga pandap mbang menyum, raong kareik, pasang iek tapol athur.

* Duk cảnh sát giao thông - Công an tỉnh Đăk Nông hu tacei kapul hành chính njauk ngak pa mbuan dom harak gar, piah pakatut tukvak nao mai di bhap bani. Daok gah đăng ký khik iek phương tiện, tok dalam sa jala, urang đăng ký phương tiện hu ngak salah blaoh hồ sơ, hadei di 2 harei harak đăng ký radaih hu payua nao tal sang. Pagap yau nan, di gah langyah vi phạm, phòng jeng mboh tangin tame danak dak pambuak bruk haong Bưu điện tỉnh peih ngak dịch vụ thu nộpbrei jien taong phạt saong  ba harak ba-ar  tạm gkhik tapa jalan bưu điện, oh lahik harak gar saong abih takik tukvak.

*  Harei 10/1, Ủy ban bhapbini huyện Tân Hiệp tỉnh Kiên Giang hu peih bruk yah klak drak mengkan di ban sit Tân Hiệp. Rilo urang pablei di darak ini cagar veik khang. Darak barau kayua Tập đoàn Sao Mai padang ngak oh lagaih ka bruk pablei salih. Bruk njauk biai nan lac, karja puk palei brei thau, doanh nghiep padang ngak darak barau piah panduan ba darak klaktame nan min tuk tame darak bahrau oh ginup sạp ka dom urang tame pablei salih.

 * Công an phường Ka Long bal Móng Cái tỉnh Quảng Ninh  bahrau cap mek sa urang daok pajeng ba pháo nao pablei. Urang nan angan Nguyễn Văn Phóng, daok pak khu 4 phường Hải Hòa, bal sit Móng Cái. Phóng njauk cap mek di labik jaik bến radaih  Móng Cái tuk daok angaok jalan pajeng ba labaih 35 kg pháo dom janih meng radaih taxi. Hadei di tuk cap mek, gah công an peih bruk pasang iek sang di Nguyễn Văn Phóng pak phường Hải Hòa, bal sit Móng Cái saong hu mboh 8 kg pháo. Taong abih dom pháo pataom mek hu di Phóng nan lac 43 kg meteh. Urak ini Công an Móng Cái daok pasang iek duah thau ka cambaih laih bruk ini.     

      Khaw tin dunya

*  Ngoại trưởng Mỹ Giôn Ke-ri (John Kerry) meda tapa ravang Việt Nam, Pháp, Anh, saong Thụy Sỹ meng harei 13 tal 18/1 tal. Dalam harei 13/1, Ngoại trưởng Giôn Ke-ri (Kerry) meda taom gaok dom urang jakar pakat glaong VN piah ginum biai dom bruk di dua gah saong rilo gah. Patui di nan, ông Ke-ri mera mai ravang ban raya HCM saong tỉnh Cà Mau.  Ông meda ngak bruk saong dom chuyen gia di tỉnh ban ini  ka dom bruk alam moi truong daok ngak kan kandah tal  khu vực saong bruk Mỹ meda pambuak bruk saong VN piah patagok nang luong hacih, patagok hạ tầng khang kajap, khik ia thông minh saong khik ramik tài nguyên, hệ sinh thái.

* “Jien ơrô (euro) meda oh daok hu mboh dalam 10 THUN tra meyah Pháp saong Đức lah dalam bruk kham merat pasiam veik khu vực đồng tiền chung châu Âu”. Ini lac panuac khan dalam harei 10/1 di ứng viên Tổng thống Pháp Em-ma-nu-en Ma-crông (Emmanuel Macron) pak sang bac Đại học Hum-bôn (Humboldt University) pak bal ine Béc-lin (Berlin) di Đức. Ong Em-ma-nu-en Ma-crông  dahlau deih dang Akaok Mentri Kinh tế Pháp ala jaman Tổng thống Phăng-xoa Ô-lăng (Francois Hollande). Tui ong, bruk kurang jia gauk di Pháp haong Đức daok ngak kan kandah tal dom salih bahrau prong, meda ngak patagok bruk yasa di 19 negar daok pandar sa janih jien châu Âu.

* Takik di  abih  8 urang metai saong yaok rabau urang daok gar saong oh hu hệ thống cuh pandiak di bhum Ban-can  (Balkans) dalam tuk lingik la ar daok rah tabiak khang di bhum châu Âu. Mbang la ar di bhum kreh negar, gah timul saong Đông Nam châu Âu di dom harei tapa ngak ka rilo urang metai. Rilo urang dalam nan lac urang di cư atau oh hu sang danaok. Di Ba Lan, nhiệt độ trun ala tanut âm 30 độ C ngak takik abih 25 urang metai.