Khaw tin bair harei 11/3

      #  Ủy ban bhap bani tỉnh Thừa Thiên Huế saong Hiệp hội Ngành nghề meng kan HAN QUOC bahrau mboh tangin tame harak kanar hadar ka bruk pambuak gauk jhul pakhang ilamo. Tui nan, Hiệp hội Ngành nghề meng kan Hàn Quốc sanya pambuak haong dom Sở, mBan ngành pambuak pagam tak di tỉnh Thừa Thiên-Huế peih ngak dom bruk parang iek công nghệ kỹ thuật meng kan Hàn Quốc, giao lưu ilamo Việt - Hàn saong alin brei kỷ vật, rivang sirah gauk; padang duk parang iek dom công nghệ kỹ thuật meng kan Hàn Quốc di bal Huế;  mboh tangin tame harak kanar hadhar haong Đại học Huế ka bruk brei pok jien bac ka sinh viên naih jioy; daong taong abih jien bac brei ka du học sinh tỉnh Thừa Thiên-Huế hu hatai caong khin tapa  Hàn Quốc bac megru saong pato pakai urang ngak chuyên nghiệp.

       # Peih ngak Đề án pato pakai bruk ka urang ngak di palei pala, tỉnh Phú Yên ba tabiak bruk tal thun 2020 pato pakai bruk ka 12.500 urang ngak di palei pala, paglaong tỷ lệ urang ngak tapa pato pakai hu  70% saong urang ngak hu bruk ngak hadei tuk bac bruk takik abih 80%. Tui Sở Lao động - Thương binh saong Xã hội tỉnh Phú Yên, tukvak 2011-2016, tỉnh Phú Yên hu 23.683 urang ngak di palei pala hu daong bac bruk saong labaih 75% urang ngak hu bruk ngak hadei di bac bruk.

       # Tapa 5 thun peih ngak dự án, dalam huyện Ninh Hải, tỉnh Ninh Thuận hu buh tame labaih 334 tỷ đồng, hu peih brei bloh 243 tỷ đồng, mek hu 72,7% bruk ba tabiak. Tui nan, tapa dom hợp phần di dự án hu pataom tame ralo ka domurang hu mbang tui lac baoh sang kathaot, baoh sang jaik kathaot, urang kamei saong bhap bani bangsa takik. Tapa nan, hu peih bloh 32 tal pato pathram  ilamu paka drak, raong glang, padang hu 7 chuỗi giá trị pren khang di huyện saong tỉnh; peih ngak hu 70 nyaom sở thích saong 2 Tổ hợp tác hu 1.019 thành viên hu mbaok tame. Tapa nan daong ka urang nong dalam bhum dự án pasiam rai diuk, daong peih ngak siam bruk patrun kathaot, padang ngak palei pala bahrau di huyện.

      # Sở Lao động, Thương binh saong Xã hội ban sit Cần Thơ meda pambuak bruk saong mban bangsa ban sit peih ngak danakdak “ pato pakai bruk saong ba brei bruk ngak ka urang bangsa takik tukvak 2017-2021”. Kadung jien ka danakdak ini tui kuhria lac jaik 179 tỉ đồng, dalam nan kadung jien karja puk palei labaih 97 tỉ đồng, daok veik ieu pataom meng dom gah karei. Urang bac hu bac megru di dom sang bac cao đẳng nghề saong dom libik pato bruk ngan saong yaom daong 3 triệu đồng sa urang yaok khóa bac. Taphia di nan,  Sở  meda pambuak bruk saong dom quận, huyện peih dom tan pato bruk tui caong khin di urang ngak di doanh nghiệp saong dom urang đầu tư di puk palei.

       # Piah caga pacang, padam apui khuah glai dalam bilan bhang thun ini, tỉnh Đồng Tháp hu caga 58 balai chốt pacang khik, 24 đài pasang iek, chòi canh, la bàn, máy định vị (GPS) , ngak hu jaik 300 km kênh, đê bao padang aia; ngak jalan băng mbong, jalan băng hijao jaik 200 km... duh ka bruk pacang caga apui khuah glai. Urak ini, 10 đơn vị po glai dalam tỉnh ngak siam bruk vệ sinh glai tui jalan rami ramik dom bờ bao, bờ kênh; cakak tỉa lapih glai; beik đập điều tiết aia ka lagaih piah khik ẩm, pacang cakak bhap bani nao tame glai suan adat hukum piah mek dangko, cap mek athur dalam glai.

       # Yaom lac tỉnh Tiền Giang hu padang bloh jalan ống ba ia hacih meng mbaok haluk tapa huyện cù lao Tân Phú Đông min dom jalan ống  di libik ini oh ka sumu gauk saong takik, yau nan ye rilo sang bhum atah bayah oh ka hu ia hacih. Piah ramik pasiam bruk ini, tỉnh Tiền Giang barau buh tame 620 triệu đồng piah ngak 4 jalan ống ba ia atah jaik 3 km di 2 xã Tân Phú saong Tân Thới, huyện Tân Phú Đông. Dom jalan ống ba ia ini daong ka yaok ratuh sang bhapbini di bhum atah tabiak truh bruk kurang ia pandar di bilan thu.

      # Ong Nguyễn Phước Đức, Phaok Tổng Giám đốc Tổng công ty Điện lực gah meraong brei thau, tal urak ini taong abih 21 ủy ban bhap bani tỉnh, bal gah meraong dalam labik khik iek kinh doanh điện di Tổng công ty jeng hu peih bruk lắp đặt công tơ điện tử công nghệ PLC. Tal tukvak ini, hu labaih 65% khách hàng dalam bal prong, bal sit hu lắp đặt công tơ điện tử PLC dalam đo đếm điện năng. Jalan ngak di Tổng công ty Điện lực gah meraong tal thun 2020 meda mek hu tỷ lệ 100% khách hàng khu vực bal prong, bal sit saong takik abih hu 25% khách hàng dalam bhum palei pala jeng hu lắp đặt công tơ điện tử đo ghi atah tui công nghệ PLC.

      Khaw tin dunya

     # 70 thun jeng daok mek bằng cử nhân đại học. Nan lac dalikan di ông taha Luciano Baietti (Lu-xi-a-nô Bai-êt-ti), urang Italy daok di ban sit Velletri (Vê-lê-chi) di bhum mbon ceik Alban (An-bân) jaik ban ine Rome. Meng bruk mek hu 15 bằng cử nhân saong thạc sĩ di rilo gah karei di gauk, ông taha ini hu jeng urang hu bằng đại học saong cao học rilo abih dunya. Ngan saong rilo menuac, bruk oh padheih bac megru yau nan lac sa bruk glaih glan, kan kandah, min ông taha Baietti daok maong yaok mbang bac lac sa mbang thử thách barau ka trí não saong rup pabhap di drei .

      #  Yaom lac ba mai ralo cuang kandah ka urang ma-in saong ngak oh lagaih ka dom urang jaik taphia, min oh phủ nhận hu taong abih dom kein laba meng kadha ma-in tương tác thực tế Pokemon Go. Tui roh duah bahrau abih, kadha ma-in ini meda daong ka urang ma-in patagok bruk vận động yaok harei, tapa nan patrun bruk mbuan njauk ruak baoh hatai, abih di nyu nan lac dom urang limek atau takik vận động.

       # Tui roh duah barau ini abih di dom urang roh duah di sang bac đại học Harvards brei mboh menyum menyek ikan Omega 3- janih hu axít béo OFA – daong patrun kanyak jhak kayua nerak không khí ngan saong pren yava yaok tỷ menuac di baok taneh urak ini. Tui kuhria, Omega 3 nyu ngak patrun kanyak jhak di nerak không khí ka rup pabhap anek menuac meng 30-50%. Tui giáo sư Jing Kang di sang iek ruak đa khoa Massachusetts di sang bac đại học y Harvard (Mỹ), njauk menyum meng 2-4 gram yaok harei. Min, Y tế Anh kakei lac jhui pandar rilo jang, daok uranaih saong urang kumei metian njauk pandar takik jang./