# Biar harei 14/3, dom urang dahlau diah ngak bol lin hu mbaok mesruh khik caga pulao Gạc Ma saong pulao kaoh Trường Sa di ralo puk palei dalam negar hu taom gauk piah pahadar 29 thun bruk bi tráng Gạc Ma saong khik caga Trường Sa. Van taom mbaok rah tabiak di xã Hòa Thành, huyện Đông Hòa, tỉnh Phú Yên, kayua Ban liên lạc urang dahlau diah ngak bol lin  Trường Sa tỉnh Phú Yên peih ngak. Thun ini lac thun ka 10 peih ngak bruk ini.

    # meng taneh pala cà-phê jaik 700 rabau ha, yaok thun mek hu meng 1,6 tal 1,7 triệu tấn asar ca phê, Việt Nam daok lac taneh ia pala, ngak saong pablei ca phe tabiak taneh ia lingiu dang ka dua di dunya. Urak ini, taneh ca phe taha njauk pala veik saong salih karei dalam 5 tal 10 thun tal jaik 140 tal 160 rabau  ha, meblah labaih 20% taneh ca phe dalam taneh ia. Meyah oh samal pala veik, ye dom thun tal meda ngak patrun năng suất saong chất lượng di cà-phê Việt Nam.

    # Labaih pluh harei ini mai, yaom pandaih baoh that di palei panaih Bản Lầu, Mường Khương ,tỉnh Lào Cai tagok khang, meng 3.000 tagok 4.000 sa kilôgram, ngak ka bhap bini dom bangsa di ini, ralo meng lac urang Mông biak bui sambai. Tui kuhria yaom panaih tagok, ba mai ka mikva rilo jang yaok tỷ đồng.

    # Urak ini, yaok pluh rabau sang urang nong pala bei plom di tỉnh Quảng Ngãi daok gaok kan kandah kayua yaom blei trun tal labaih meteh. Di dom mblang bei plom, urang mai blei yaom meng 700 đồng tal 1000 đồng sa kilôgram. Yaom bei plom bair lac kayua bruk pablei tapung bei plom trun, dalam nan hu darak pasal TQ.  Tỉnh Quảng Ngãi urak ini hu jaik 15.000 hécta bei plom, rilojang bruk ba tabiak di tỉnh.

     # Ủy ban Bhap bani tỉnh Quảng Nam bahrau mboh tangin brei adat padang labik khik ramik hu angan iew lac "Khu bảo tồn loài saong sinh cảnh lamen tỉnh Quảng Nam", daok pak dua xã Phước Ninh saong Quế Lâm, huyện Nông Sơn. Mblang taneh khu bảo tồn nan lac 18.977 ha. Jien buh tabiak ngak Khu bảo tồn loài saong sinh cảnh lamen tỉnh Quảng Nam tal thun 2030 lac jaik 129 tỷ đồng.

     # Tỉnh Sóc Trăng jeng barau duah mboh 8 sruh jum menuk ada A(H5N1), ngan saong abih tih tapol lac 9.644 drei di dom huyện Kế Sách, Mỹ Tú, Châu Thành saong ban sit Sóc Trăng, dalam nan hu klau sruh jit hu tapa bloh 21 harei. Piah padam jit,  Chi cục thú y tỉnh hu peih bruk cuh klak dom menuk ada njaom ruak, pruh jru pametai anek ruak; taphia nan, brei urang jakar tui iek catang bruk jit ruak di dom libik rah tbaiak jit kum menuk ada piah langyah dral samal, pacang caga jit ruak pambak praong.

     # Dalam 11 urang njauk ruak ho gà meng umo 45 harei tal 11 thun nghi njauk ruak ho gà hu iek ruak di sang iek ruak đa khoa huyện Thông Nông (tỉnh Cao Bằng) hu 1 urang ruak umo bahrau 45 harei njauk ruak trak, hu ba tagok Sang iek ruak Uranaih Trung ương piah điều trị. Tal harei 10/3, uranaih ruak ini metai. Uranaih ruak ini oh ka tal thun klauk vắc xin Quinvaxem (vắc xin pacang caga dom janih ruak: bạch hầu, uốn ván, ho gà, viêm gan B, viêm phổi, viêm màng não kayua vi khuẩn Hib). Tui pasak Y tế dự phòng tỉnh Cao Bằng, kuhria tal harei 13/3 oh ka hu urang bahrau halei njauk rauak ho gà. 

     Khaw tin dunya

    #  Bhapbini urang Hin-đu (Hindu) di Ấn Độ harei kabroi chreih chrai peih ngak lễ hội Hô-li (Holy), daok ieu lac Lễ hội màu sắc – sa dalam dom lễ hội praong di taneh ia ini, brei thau lac tamat bilan la ar saong peih akaok bilan xuân ngan saong hatai caong hu sa bilan pala drak njauk. Dalam harei ini, bhapbini ba gauk bui sambai ngan saong dom sambo màu, oh parabha umo thun, giai cấp.

     # Harei 13/3, Trung Quốc pok sap iew dom gah pambuak tal njauk ngak brei  sron mbon, grap tanat angaok pulao Triều Tiên saong padeih ngak  brei bruk catang jang. panuac iew ini hu ba tabiak dalam tuk Hàn Quốc saong Mỹ peih bruk pathram trận yaok thun haong gauk hu angan lac "Giải pháp Then chốt” dalam harei nan. 

     # Dom urang ngak bruk di mbaok haluk dalam mblang kapal haok di ban ine Béc-lin, negar Đức peih bruk đình công ndok tagok jien bilan, ngak ka jaik 660 mbang par njauk klak atau padheih. /.