Khaw tin bair harei 17/12/2016

************

 ** Tui harak pathau khan di Sở Ngak nong saong patagok palei pala tỉnh Cao Bằng, taong abih sản lượng pandap panda phun hu asal thun 2016 dalam tỉnh hu labaih 250.000tấn, mek hu 100,5% bruk ba tabiak. Tui bruk ba tabiak di thun  2017, gah ngak nong tỉnh Cao Bằng patui veik peih ngak danak dak pasiam veik phun pala anek athur raong pambuak pagam haong bruk padang ngak palei pala bahrau tukvak 2016 - 2020; pasang iek veik saong dak padang dom sarak daong patagok bruk ngak mbang pala drak, abih di nyu lac dom sarak pachreih doanh nghiệp, dom kapul nyaom buh jien tame ngak ngak, palei pala, kham merat mek hu  sản lượng pandap pada hu asal dalam tỉnh jaik 262.000 tấn.

** Akaok mintri Lao động - Thương binh saong Xã hội Đào Ngọc Dung barau hu var ngak bruk saong urang dang akaok tỉnh Quảng Ngãi ka bruk lao động, urang hu kaong. Di var ngak bruk, akaok mintri Đào Ngọc Dung pandar tỉnh Quảng Ngãi pataom tame peih ngak dua danakdak bruk ngak negar lac padang ngak palei pala barau saong patrun kathaot kajap. Dalam padang ngak palei plaa barau njauk sangka padang jalan ngak mbang, paglaong jien mek tame ba bruk ngak ka bhapbini. Daok bruk patyrun kathaot kajap, tỉnh njauk sangka tal raidiuk bhapbini bangsa takik di bhum atah bayah, bhum kan kandah.

 ** Mentri Công an saong Akaok Công an tỉnh Đác Lắc bahrau tabiak quyết định thăng quân hàm dahlau tukvak ka 3 urang jakar metai dalam mbang patuh rah tabiak di labik khik piah vật chứng (vật liệu patuh) di Phòng An ninh điều tra Công an tỉnh Đác Lắc, labik 58 Nguyễn Tất Thành, bal Buôn Ma Thuột melam 12/12, ngak ka 3 urang jakar metai saong 3 urang jakar njauk rambuis. Klah rabha haong dom pandik harai khat lahik di baoh sang urang jakar, urang lin njauk rambuis dalam mbang patuh, Mentri Công an daong ka yaok baoh sang hu urang metai 30 triệu đồng; daong ka baoh sang hu urang njauk rambuis trak 20 triệu đồng, njauk rambuis njuan 15 triệu đồng. Taphia di nan, Công an tỉnh Đác Lắc jeng daok ngak harak likau breoi angan liệt sĩ ngan haong 3 urang jakar, urang lin metai dalam mbang patuh tuk dom urang ini daok ngak bruk di drei pak jabat.

** Kayua hajan praong hamiet di dom harei tapa ngak ka canah jalan ĐT 643 – jalan cứu hộ, cứu nạn, plaih xua Tuy An - Sơn Hòa saong ĐT 650 di tỉnh Phú Yên  glut jaleih mbaok jalan di rilo libik, pacang cakak bruk nao mai. Urak ini, po dau tu lac mban khik ramik Dự án Đầu tư padang ngak dom công trình ngak nong saong patagok palei pala tỉnh Phú Yên daok tacei pato sang thầu prai patau cấp phối di libik  glut jaleih piah pasiam mbaok jalan, brei ka radaih nao mai.

**  Tui harak khan brei thau samar di Chi cục pacang caga bala meng langik tasik gah miền Trung- Tây Nguyên: Hajan prong dui atah di dom tỉnh gah kreh negar meng harei 11 tal harei ini hu ngak 3 urang metai, 6 urang njauk rambuis, labaih 1.000 baoh sang dauk dalam aia saong khut khat. Urak ini, pak dom canah jalan di labik dhaong dalam 4 xã huyện Tuy Phước, tỉnh Bình Định jeng daok njauk aia dauk. Jaik abih dom binek kavei padang aia mek hu jaik 80% tal 100% dung tích thiết kế. Urak ini dom binek thủy điện daok brei tathuak aia ngak dauk gah ala.

** Amuk Vũ Thị Ngọc Liên, akaok kapul urang dahlau thiah nao thanh niên xung phong tỉnh Bình Thuận brei thau : Kapul duah talang liệt sĩ di kapul barau duah hu 4 hài cốt liệt sĩ Thanh niên xung phong  metai di dom mblang mesruh di dua tỉnh Bình Phước saong Bình Thuận, hu liệt sĩ Ung Văn Bê, liệt sĩ Huỳnh Thị Xuân di đơn vị Đoàn H50, liệt sĩ Nguyễn Văn Định saong liệt sĩ Lò Văn Sáng.

** Pak Sang bac Tiểu học Trần Quốc Toản, xã Tân Hải, huyện Tân Thành, tỉnh Bà Rịa – Vũng Tàu, Kadung jien pacang cakak rambuis châu Á pambuak haong Ban An toàn giao thông tỉnh Bà Rịa – Vũng Tàu bahrau peih ngak danak dak taom gaok ndom biai nao mai di 500 anek saih saong 45 tài xế radaih tải. Ini lac bruk ngak peih mbaok ka bruk ngak iek an toàn giao thông pak labik Pabah lamnge Dunya Cái Mép piah paglaong akaok saneng ka an toàn giao thông jeng yau ý thức ngak njauk tui adat hukum ka urang peih radaih tải. Pak ini, jaik 1.000 mũ bảo hiểm chuẩn saong harak ba-ar pato pakai ka bruk an toàn giao thông hu pok brei ka anek saih 2 sang bac Tiểu học Trần Quốc Toản saong Tóc Tiên.

Khaw tin dunya

** Akaok mintri Anh iek gah ginum biai tabiak truh Liên minh Châu Âu Đa-vít Đa-vi (David Davis) barau brei thau, rajaei taneh ia ini brei hu tukvak takik abih lac tal bilan dua thun hadei piah tabiak bruk tabiak truh Liên minh Châu Âu. Taphia nan, rajaei oh phản đối panuac caong di dom doanh nghiệp ka sa tukvak bổ sung” piah trun takik tác động di Brexit saong kham merat abih pren drei piah dom urang nan hu tame rilo darak pasal di Liên minh Châu Âu.

 ** Thống thống Phi-líp-pin Rô-ri-gô Đu-téc-tê (Rodrigo Duterte) peih bruk nao rivang Xinh-ga-po (Singapore) dua harei. Ini lac mbang rivang akaok meti di  ong Đu-téc-tê tal Quốc đảo sư tử ngan haong cương vị lac tổng thống. Urak ini, Xinh-ga-po (Singapore) nan lac negar dang ka pak buh jien tame Phi-líp-pin ngak mbang hadei di Nhật Bản, Trung Quốc saong Mỹ ngan haong dom kapul nyaom prong gah công nghệ, năng lượng, truyền thông…Taphia di nan, Xinh-ga-po jeng lac negar pandar urang ngak prong mai meng Phi-líp-pin, jaik 180 ribau urang.

** Quốc hội Hàn Quốc barau peih mbang điều trần ka 4 piah pasang iek bruk bê bối chính trị pambuak tal Tổng thống Hàn Quốc Pắc Cưn-hê (Park Geun-hye) saong urang yut livik thun di amuk lac Choi Xun-xin (Choi Soon-sil). Mbang điều trần ini pataom tame duah thau labik dang di ông Chung Y-un-hoi (Chung Yun-hoi), pasang klak di amuk Choi Xun-xin, urang dahlau thiah ngak bruk ka Tổng thống Pắc Cưn-hê tuk amuk daok lac nghị sỹ.