Khaw tin bair harei 19/12/2016

 # Harei 19/12, pak Baoh sang Quốc hội, Ủy ban Thường vụ Quốc hội peih pakak mbang nyaom ka 5 ngan haong ralo asal kadha, dalam nan pataom tame dom kadha yau: mong iek brei tapa pháp lệnh án phí, lệ phí tòa án; Nghị quyết di Ủy ban Thường vụ Quốc tabiak quy chế lập thẩm tra ba tagok Quốc hội quyết định kuhria dahlau kadung jien karja, jalan parabha kadung jien Trung ương, danak dak bruk ngak đối ngoại saong pambuak bruk di jabat di Quốc hội thun 2017… Meda hu 3 dự án hukum, pháp lệnh, dự thảo nghị quyết oh ka ginum biai, brei tapa pak mbang nyaom ka 5.

# Jeng dalam harei 19/12, di Hội trường Thống Nhất, ban raya Hồ Chí Minh, Thủ tướng Nguyễn Xuân Phúc pan akaok nyaom biai saong  55 urang dang akaok pakat glaong dom libik agama dalam taneh ia. Urak ini, taneh ia drei hu labaih 24 triệu tín đồ, meblah 27% menuac sia. Tín đồ dom agama lac kapul lao động sản xuất bika ralo, rik daong jhul khang patagok kinh tế - ilimo – xã hội, rik daong tame bruk dak padang saong khik caga negar.

# Lambaok Ủy ban bhap bani tỉnh Thừa Thiên-Huế bahrau mai rivang saong pok brei 3 triệu đồng ka ong  ong Nguyễn Thanh Phước (73 thun, daok pak thôn Thanh Tuyền, xã Thủy Thanh, thị xã Hương Thủy) kayua ong daong veih urang njauk aia ba tatheik. Kreih pandiak harei 15/12, sa-ai Nguyễn Thị Thúy Hằng (umo 19 thun daok pak xã Thủy Thanh, sinh viên sang bac Cao đẳng Y Dược Huế) nao radaih patuh nao bac mai jaik tal sang, canah klau jalan thôn Thanh Tuyền (jaik sang ong Nguyễn Thanh Phước) njauk aia ba tatheik gam manuac haong radaih. Mboh yau nan ong Phước saong hadiuk di ong tabiak daong veihm ba urang njauk bala tagok gilai tame sang sơ cứu.

# Harei 19/12, Bộ Chỉ huy Quân sự tỉnh Bình Định taduan mek jaik 3 tấn pandap mbang menyum kayua mintri Quốc phòng daong hu pajeng ba meng jalan ahaok par mai daong bhapbini bhum ia xua. Tal urak ini, mintri Quốc phòng saong mintri Công thương hu pajeng ba tame tỉnh Bình Định 10 tấn lương khô, 80 rabau  thùng mỳ tôm daong mikva bhum ia dauk .

# Kayua hajan gam gam nan ye bruk daong veih, pasiam veik dom khut khat di tỉnh Phú Yên gaok biak ralo kan kandah. Xã Phú Mỡ, huyện bhum ceik Đồng Xuân, tal tukvak ini jeng daok njauk aia dauk. Ong Đặng Ngọc Anh, Akaok Uỷ ban bhap bani huyện Đồng Xuân, tỉnh Phú Yên brei thau, 5000 urang di xã Phú Mỡ mboh ralo nlac urang bangsa takik daok pandap mbaok haong eik lipa:Ngan haong bhap bani bangsa takik di xã Phú Mỡ, oh ka bhian randap khik piah pandap panda ralo harei, nan ye dom baoh sang meda kurang pandap mbang. Urak ini, huyện daok kuhria caga pandap mbang piah ba tagok daong brei ka mikva min kayua jalan mbak nao mai oh ka hu. Hu tacei pato ka Uỷ ban bhap bani xã pandar kadung jien di xã blei pandap panda di dom cửa hàng hu ralo bhap bani piah blei ka mikva.)

# Sa bruk metai menuac barau rah tabiak dalam sa ndam likhah di ban sit Lương Sơn, huyện Bắc Bình, tỉnh Bình Thuận. Tuai mai mbang likhah di nhà hàng Thuận Yến caga tabiak nao sang ye mboh sa bruk srau kadau di dua kapul likei dam. Hadei tuk ndom nao mai praong sap, dua kapul likei dam plong tame taong gauk meng hung khí ngak ka saai Nguyễn Hoàng Lan, 29 thun palei daok di Đồng Tháp, daok tạm di xã Sông Bình metai. 3 urang karei bị thương trak hu ba nao cấp cứu. Urak ini gah chức năng daok duah thau bruk srau kadau ini. 

# Harei 18/12, mbang par akaok meti pajeng 240 tuai damuai mai meng tỉnh Vũ Hán (Trung Quốc) hu hạ cánh an toàn trun Mblang kapal haok Liên Khương, Lâm Đồng. Ini lac mbang par dịch vụ hu dom công ty lữ hành di Trung Quốc saong Việt Nam pambuak gauk haong Hãng hàng không VietJet Air peih ngak. Việc peih jalan par dịch vụ tal Đà Lạt piah patrun tải ka mblang kapal haok Nha Trang urak ini daok hu biak ralo dom mbang par meng Trung Quốc đến yaok adit  Taphia di nan ini jeng lac sa trải nghiệm bahrau brei ka tuai damuai tuk gam hu rivang iek phố ceik Đà Lạt gam haong nao ma-in tasik Nha Trang.

Khaw tin dunya

# Mintri Ngoại giao Nhật Bản barau  brei thau meda pacadu dom quy dinh brei thị thực ka urang  Nga piah jhul patagok bruk nao mai di bhapbini  dua taneh ia. Quy dinh barau ka thị thực meda ba tame ngak di akaok bilan 1 thun hadei. Ngan saong dom urang Nga nao Nhật Bản kayua bruk pablei salih, tukvak thị thực nhập cảnh rilo mbang meda dui atah meng 3 thun yau urak ini tagok tal 5 thun. Lingiu di nan, mintri ini jeng brei thị thực nhập cảnh rilo mbang, hu yaom dalam 3 thun kayua tuai nao tal Nhật Bản piah ravang mein .

# Tổng thống Thổ Nhĩ Kỳ Tay-íp Éc-đô-gan saong Tổng thống Nga Vla-đi-mia Putin bahrau hu mbang taong phol ginum ka tình hình di bal A-lép-pô, gah barak Xyri. Dom nguồn tin meng văn phòng Tổng thống Thổ Nhĩ Kỳ brei thau, pak mbang iew phon, dua urang dang kaok hu ginum biai ka bruk patagok bruk daong brei pandap pahla ka bhap bani A-lép-pô, brei mboh ka bruk njauk samar tah klaak bruk pacang cakak tal bruk panduan ba manuac urang saong duah sa jalan ngak chính trị ka mbang khủng hoảng pak Xyri.

# Hãng kapal hoak taneh ia Iran, Iran Air brei thau barau mbaoh angan tame hợp đồng blei 100 sruh kapal ahaok saong tập đoàn ngakt kapal haok praong Airbus di châu Âu. Tui nan, hãng kapal haok Iran hu taduan 7 atau 8 sruh kapal ahaok Airbus dalam thun 2017. Hu thau, sa kapul di Airbus hu nao tal  Tehran di adit dahlau piah mboah tangin tame thỏa thuận praong blei 100 sruh kapal haok hadei di tuk pasang iek catang taong abih gah di hợp đồng./.