Khaw tin bair harei 20/12/2016

     # Lễ brei thau saong taduan mek Harak chứng nhận tut angan “Kruac bung Đại Minh” hu rah tabiak pak xã Đại Minh, huyện Yên Bình, tỉnh Yên Bái. Pajaih kruac bung Đại Minh hu peih prong 350ha di 26 xã, bal sit dalam huyện Yên Bình, dalam nan hu pala ralo pak xã Đại Minh. Sản lượng yaok thun hu labaih 7.000 tấn, samu jaik 80 tỷ đồng, daong ka bhap bani paglaong jien mek tame saong yam tagok ngak meda.

    # Di tỉnh Quảng Ngãi, hajan xua meng blaoh ngak khut trak jalan nao mai. Hajan xua jeng ngak khut jaik 1 triệu mét vuông mbaok jalan, rilo tatua cống praong. Urak ini, gah Giao thông Vận tải tỉnh Quảng Ngãi tacei pato dom libik pataom radaih ủi taneh, patau jaleih, drak samal peih jalan, khik caga siam ka jalan nao mai. Ông Hà Hoàng Việt Phương, akaok Sở Giao thông- Vận tải tỉnh Quảng Ngãi brei thau : Urak ini di dom canah jalan, kol dahlak hu tacei pato brei peih jalan mbang sa. Dom labik glut jaleih atau tatua khut tayah lac kol dahlak daok pataom tame ngak, oh caik rah tbaiak gar jalan.

    # Harei 20/12, talei ceik di palei Phước Lộc, xã Phước Đồng, bal sit Nha Trang, tỉnh Khánh Hòa glut jaleih, ngak ka haluk patau laik trun sang bhap bani. Bruk glut jaleih lam abih 5 baoh sang, 6 urang njauk rambuis hu ba nao cấp cứu. Gah chức năng hu ba dua urang metai tabiak truh mbuk haluk patau, dalam nan hu sa urang kamei saong sa uranaih. Urak ini gah chức năng daok ba abih pren yava piah daong dom urang daok gar dalam bruk glut jaleih nan.

      # Tui Sở ngak nong saong patagok palei pala tỉnh An Giang, anak bruk jhak di lingik, biến đổi khí hậu yau nan ye sản lượng taong cap kaya ikan dalam ia taba trun daok takik (tui kuhria trun labaih 8.000 tấn yaok thun, tỉnh An Giang brei jhul khang bruk raong pala kaya ikan dalam ia taba piah pabak veik ka sản lượng taong cap trun takik. Tui nan, sangka lai tạo, pilih ruah dom janih ikan pajaih quý, hiếm ye : ikan chép, mè hôi, trê vàng, thát lát cườm, sặc rằn… piah pachreih urang raong peih praong taneh raong.

      # Ủy ban bhap bani tỉnh Bình Phước bahrau peih ngak jalan tagok ceik Bà Rá piah pacang khik glai, pacang caga apui khuah saong patagok bruk rivang ma-in.  Công trình kayua tỉnh Bình Phước pambuak haong Lữ đoàn Công binh 25 dalam Quân khu 7 peih ngak. Công trình daok dalam bal sit Phước Long atah di pasak tỉnh Bình Phước labaih 50km. Ini lac công trình prong piah pamong tal salam uan 20 thun  padang veik tỉnh; saong piah jhul patagok bruk dui pachreih tuai damuai mai du lịch bhum taneh ilamo tâm linh Bà Rá– Thác Mơ.

      # mBan bangsa tỉnh Trà Vinh pambuak bruk saong Kapul jum pataom sư sãi ranam taneh ia tỉnh barau peih 6 tan khan brei thau sarak, adat hukum ka bangsa, agama ka labaih 850 urang jakar lac dom urang sư cả nhất, cả nhì, Achar, po baha, phaok po baha saong thư ký di 142 baha Phật giáo Nam tông Khmer dalam tỉnh. Dom asal kadha hu brei thau lac : bruk ngak tui sarak bangsa tukvak 2011-2015; bruk ngak tui sarak bangsa dalam tỉnh Trà Vinh thun 2016; jalan patagok bhum bhapbini bangsa tukvak tapa; labik dang, bruk ngak saong quyền hạn di trụ trì; quy chế Ban quản trị baha …

     # Hu bruk daong di Sở Ngak nong saong patagok palei pala tỉnh Bình Thuận saong Ủy ban bhap bani huyện Tánh Linh, Đức Linh, Công ty Kinh doanh-xuất nhập khẩu Vạn Thắng saong Kapul Invivo Pháp Quốc bahrau mboh tangin pambuak bruk ngak tabiak saong blei abih tangeiy tamo tỉnh Bình Thuận tui jalan daong brei pajaih, khak drak, jru khik caga phun pala (oh mek jien jhung) saong blei veik taong abih tangeiy di mikva ngak tabiak tui yaom di darak pasar. Công ty Vạn Thắng daok peih ngak dự án di huyện Tánh Linh ngan haong vaktu 1 (meng vụ Đông Xuân 2016 - 2017) angaok mblang taneh  praong 500 – 700 ha, saong patagok vaktu 2 tal thun 2020 angaok mblang taneh labaih 2.000 ha.

      Khaw tin dunya

   # Melam 19/12, sa sruh radaih tải nduac tame menuac urang di libik darak Giáng sinh rilo menuac di ban ine Béc-lin di Đức ngak ka 9 urang metai saong 50 urang bị thương. Tui cảnh sát puk palei ini lac sa bruk tấn công piah ngak tayah phế tích nhà thờ Cai-sơ Uyn-hem (Kaiser Wilhelm) daok lac sa đống jaleih hadei tuk njauk mboh di mbang kalin kan dunya mbang ka dua. Urak ini, cảnh sát Đức daok pacang cakak libik nan saong duah thau bruk nan.

    # Dom đại cử tri di Mỹ bahrau ngak blaoh bruk buh phiếu mang tính thủ tục piah pok ứng cử viên di đảng Cộng hòa Đô-nan Trăm ngak tổng thống ka 45 di negar ini, dalam tuk ong Mai Pen-xơ jeng hu pok ngak phaok Tổng thống dalam raja-ei bahrau. Tui Hukum negar Mỹ, Quốc hội Mỹ meda hu nyaom dalam harei 6/1/2017 piah yaok số phiếu đại cử tri mbvang puac abih ala bruk pasang iek di Phaok Tổng thống Giô Bai-đơn. Tổng thống  saong Phaok Tổng thống bahrau đắc cử meda tuyên thệ nhậm chức dalam harei  20/1/2017.

   # Rilo sang daok di trại tị nạn Kha-dơ (Khazer) di lingiu ban E-bin (Erbil), gah timul di Mô-xun (Mosul), I-rắc, daok dang anak bruk kurang khan metham, nhiên liệu sưởi ấm saong ia menyum tuk lingik tame bilan la ar saong hajan rilo. Tui Liên hợp quốc, jaik 91 rabau urang hu tut angan daok dalam dom trại tỵ nạn hadei di tuk nduac tabiak truh kol IS di Mô-xun. Liên hợp quốc kuhria mboh dahlau lac, dom urang nduac klaak bruk srau kadau di I-rắc daok hu rilo jang saong Liên hiệp quốc daok kham merat ba brei pandap mbang tuk bilan la ar dak harei dak khang.