Khaw tin bair harei 21/12/2016

 # Salam uan lễ Giáng sinh thun 2016, Ủy viên Bộ Chính trị, Phó Thủ tướng Thường trực Raja-ei Trương Hòa Bình ba akaok kapul urang ngak bruk di Trung ương bahrau mai rivang tadhau ayuh lễ giánh sinh pak dom kapul nyaom Công giáo dalam bal Mỹ Tho, tỉnh Tiền Giang. Ini lac kadha bui sambai chreih chrai brei mboh bruk sangka di Đảng – Karja - Mặt trận Negar Việt Nam ngan haong dom kapul nyaom công giáo.

# Lambaok ka Thủ tướng rajaei, akaok mintri Lao động - Thương binh saong Xã hội barau pok tagok akaok taneh ia pasang iek alin pandap ka dom urang tuh pren ka cách mang dalam tuk tet nguyen dan thun anek sak menuk 2017. Pandap alin tui jalan ba tagok akaok taneh ia hu parabha jeng dua tanut : 400.000 đồng saong 200.000 đồng.  Tui kuhria, abih tih jien blei pandap alin ka dom urang ini lac labaih 431 tỷ đồng.

# Labaih 2,7 triệu mbang tuai damuai hu mai tal Lào Cai dalam thun ini. Tui nan jien mek tame meng bruk rivang ma-in labaih 6.400 tỷ đồng, tagok 32,5% dut haong thun 2015. Tui taong yaom, tuai damuai mai rivang ma-in tagok khang nan kayua dom puk palei dalam TỈNH  jhul khang bruk meyaih khan, khai thác siam dom  tuyến du lịch, iek prong tal bruk paralo pandap panda du lịch hấp dẫn. Thun du lịch Negar 2017 –Lào Cai – Tây Bắc, tỉnh pataom tame padang dom pandap panda du lịch bahrau, jhul samar vaktuk peih ngak dom dự án padang ngak hạ tầng du lịch; taphia di nan pasang iek veik dom khu, labik du lịch njauk padang ngak  pak Sa Pa, bal Lào Cai, Bắc Hà.

# mBan tacei pato pacang caga khuh glai tỉnh Gia Lai barau peih bruk pasram padam khuah glai thun 2016, hu mbaok di dom kapul kiểm lâm, mban khik ramik glai, dân quân, bộ đội saong công an. Ini lac bruk njauk ngak tuk lingik jaik tapa bilan thu. Libik pasram lac Tiểu khu 309, daok di xã Ia Der, huyện Ia Grai, ngan saong kịch bản lac khuah di tukvak tabung glaong bilan thu, gah po glai, dân quân xã hu ieu pataom padam khuah di libik. Min mbang khuah daok khuah tagok khang saong pambak samal. Menuac urang, pamdap padam khuah di tỉnh gam saong dom pandap chuyên dụng padam khuah hu ba tame padam hu mbang khuah, oh caik pambak tapa dom libik karei.

# Akaok Mentri Y tế Nguyễn Thị Kim Tiến gam haong kapul urang ngak bruk di Mentri Y tế bahrau hu van ngak bruk haong urang pal akaok tỉnh Bình Định ka bruk pasiam veik dom khut khat kayua hajan ribuk. Mentri Y tế brei ka tỉnh Bình Định 10 tỷ  meteh piah daong padang ngak saong pasiam veik dom balai y tế njauk khut khat kayua aia sua. Tapa nan, akaok Mentri Y tế Nguyễn Thị Kim Tiến hu daong ka tỉnh Bình Định dom trang thiết bị y tế hu yaom 1 tỷ meteh; 200 triệu đồng jien gam  haong sa sruh radaih ô tô cứu thương pajeng ba urang ruak.

# Phòng Cảnh sát điều tra tội phạm gah ma túy (PC47), Công an ban raya Hồ Chí Minh brei thau, barau taong tayah hu sa jalan pablei salih suan hukum ma túy meng Lào mai Việt Nam, khởi tố 3 urang saong mek khik jaik 2kg heroin. Bruk njauk ndom nan lac jalan ini barau  hu padang tagok hadei di tuk jalan pablei salih ma túy meng Campuchia mai Việt Nam kayua Nguyễn Duy Thạch Thảo (ndih tapui thun 1973, daok di quận 10) gaok PC47, Công an ban raya  chap mek bahrau ini.

 # Gah ngak nong tỉnh Bình Phước bahrau peih nyaom biai chuỗi liên kết sản phẩm raong glang thun 2016. Njauk caik hatai nan lac, pak nyaom biai ini hu 9 kapul nyaom, doanh nghiệp, dom labik thik raih saong công ty pabak brei pandap mbang raong glang, blei veik pandap panda hu mboh tangin sanya pambuak bruk  hu mbaok tame chuỗi giá trị sản xuất raong glang – blei veik pandap panda kaya raong hacih sa-at. Ini lac chuỗi liên kết praong dalam tỉnh Bình Phước piah yam tal bruk ngak tabiak prong, an toàn vệ sinh pandap panda dalam raong glang di anak tal.

Khaw tin dunya

# Cảnh sát Malaysia brei thau barau mek khik 7 urang, dalam nan hu 4 urang taneh ia langiu, mboh lac hu pambuak bruk saong kol IS saong daok kuhria peih ngak dom mbang tấn công di Malaysia jeng ye di taneh ia lingiu. Tui panuac khan di cảnh sát, dom mbang mek khik hu peih ngak meng 3/11 tal 16/12.

# Mentri Jien padai Mỹ bahrau brei thau dom jalan taong phạt jien padai ngan haong 7 po gilang pariak saong doanh nhân Nga jang yau 8 doanh nghiệp daok ngak bruk pak Ucraina. Langiu di nan, Mentri Jien padai Mỹ jeng pabak tame dom angan taong phạt 26 công ty anek di Gilang pariak Ngak nong Nga saong hãng ngak khí cuh Nô-va-tếc. Gilang pariak ngak nong Nga gam haong hãng ngak  khí cuh Nô-va-tếch jeng daok dalam dom angan njauk taong phạt meng thun 2014.

# Tòa án Tối cao Nhật Bản barau tabiak phán quyết pachreih tui bruk ngak di rajaei ba căn cứ quân sự di Mỹ dalam tỉnh Ô-ki-na-oa (Okinawa) tal pulao kaoh He-nô-cô (Henoko) takik menuac urang jang yaom lac hu bruk phản đối di bhapbinidaok di pulao ini. Rajaei di Thủ tướng Sin-dô A-bê (Shinzo Abe) saong karja  tỉnh Ô-ki-na-oa hu ginum biai rilo di thun ini ka bruk padang căn cứ không quân Phư-ten-ma (Futenma) di Mỹ pak ini. Jalan ngak di rajaei lac ba căn cứ nao tal pulao kaoh He-nô-cô (Henoko) takik menuac sia jang. Dalam tuk nan Tỉnh trưởng Ô-ki-na-oa, ông Ta-ke-si Ô-na-ga (Takeshi Onaga) lac urang nao dahlau bruk jak ba panduan ba căn cứ quân sự ini tabiak truh tỉnh./.