Khaw tin bair harei 22/12

# Pahadar 72 thun Harei dak padang bol lin bhap bani Việt Nam (22-12-1944 - 22-12-2016), 70 thun harei Toàn quốc kháng chiến (19-12-1946 - 19-12-2016), page harei 21-12, pak Phủ Chủ tịch, akaok negar Trần Đại Quang, akaok  Hội đồng Quốc phòng - An ninh, Thống lĩnh tapon nyom bol pan phao kraong hu van taom gaok Kapul urang lambaok dom rai urang jakar Cục Tác chiến (Bộ Tổng Tham mưu, Bộ Quốc phòng). Akaok negar Trần Đại Quang caong khin dom urang jakar Cục Tác chiến padeih hưu patui veik patagok ilamu “Bộ đội Cụ Hồ”, ilamu hadah hadai di jabat, diukrai bui sambai, khang kadang, lac bhol bhap siam saong abih hatai rik daong pren yava, trí tuệ pato pakai uranaih dam dara, hu mbaok tame bruk dak padang saong pacang khik palei negar tui pren , tui bruk di yaok urang.

# Thành ủy, Ủy ban bhapbini ban sit Đà Nẵng barau peih bruk taom gaok dom urang jakar bol bala cấp tá padheih hưu dalam tuk pahadar 72 thun harei  padang bol bala bhapbini VN (22-12-1944 - 22-12-2016). Lambaok ka akaok taneh ia, ông Nguyễn Xuân Anh, Ủy viên Trung ương Đảng, Bí thư Thành ủy Đà Nẵng hu alin Huân chương khik caga negar ka 36 urang jakar bol bala padheih hưu.

# Piah samal daong bhapbini bangsa takik di puk palei tani tanat raidiuk, barau blaoh dom tapon nyom bol pan phao kraong tỉnh Đắc Lắc hu nao libik ia xua piah gam saong bhapbini dom bangsa rami ramik, ngak hacih saat, pasiam 90 baok sang saong 7 libik sang bac pakat sa, mam non. Dom gah chức năng jeng jak ba urang ngak, pandap panda, vật tư di libik ramik pasiam yaok pluh km jalan di palei pala piah nao mai .

 # Pahadar 72 thun Harei padang Bol bala bhap bani Việt Nam (22-12-1944 - 22-12-2016), Pasak Ilamo tỉnh Ninh Thuận pambuak haong dom tapon nyom bol pan p[hao kraong dalam tỉnh peih parang iek hu angan "Hadah miat hatung hatian Bộ đội Cụ Hồ". Parang iek hu parang jaik 200 thaot binguk brei mboh veik dom vaktu siam gheih di bol bala bhap bani Việt Nam di grauk labik dalam negar dalam mesruh metak, dak padang saong pacang khik Palei negar; brei mboh talei rohim anit ranam gauk doi bol bala saong bhap bini, kham merat yam tapa kan kandah; hatung hatian siam gheih di Bộ đội Cụ Hồ.

# Piah khik caga siam, pabak ginup pandap tani tanat darak pasal Tết Dương lịch saong Tết Nguyên đán Đinh Dậu 2017, ban sit Cần Thơ peih ngak rilo bruk, oh caik rah tabiak bruk kurang pandap dahlau saong hadei tết. Bruk khik piah pandap pablei têt di ban tagok meng 15 – 20% duk saong dom bilan dahlau nan. Urak ini ban sit hu 17 doanh nghiệp tame bruk khik piah pandap panda yaom abih tih labaih 3,600 tỷ, tagok labaih 30 % duk saong dom bilan ini thun dahlau, ngan saong dom janih pandap pandar yaok harei piah pabak bruk blei pandar di bhapbini. Ông Trương Quang Hoài Nam, Phó akaok Uỷ ban bhapbini ban sit Cần Thơ daok brei thau lac: Meng bruk tui iek dom pandap khik piah njauk duah pasang hamiet dom pandap thiet yeu, dom pandap daok khik tani tanat yaom kaom saong dom janih bo mikva bhian pandar. Blaoh peih bruk ba pandap Viet mai palei pala ngak habal piah mikva hu 2,3 harei blei pandap panda.

# Ong Võ Thanh Tùng, akaok ủy ban bhap bani bal Sa Đéc, tỉnh Đồng Tháp brei thau, vụ bingu Tết 2017, bal kuhria caga labaih 780 ha pala bingu kiểng pablei ka taong abih bhum taneran kraong Cửu Long. Bingu kiểng Sa Đéc pablei tết hu labaih 2.000 janih, ralo abih nan lac dom janih bingu Vạn thọ, cúc Mâm xôi, cúc Tiger, cúc Đồng tiền, Thược dược, hoa hồng…langiu di nan daok hu ralo pajaih bingu bahrau pablei ka harei tết yau: hoa ly ly, trạng nguyên, trúc mai, cát tường, xác pháo, yến thảo, hoa chuông cấy mô, …

# Yaom lac daok labaih 1 bilan tra meng tal Tết Đinh Dậu min mai vàng di dom tỉnh, bal bhum taneran kraong Cửu Long hu tabiak bingu blaoh. Amuk Đặng Ngọc Dân, urang daok dalam Hợp tác xã mai vàng Phú Hưng di xã Đông Phú, huyện Châu Thành, tỉnh Hậu Giang brei thau: Amuk daok mong iek labaih 1.000 phun mai vàng piah pablei ka darak pasar Tết min labaih sa bilan tapa hu jaik 300 phun rak bingu aval. Meyah dom harei anak tal daok hu hajan ye dom phun mai vàng daok veik meda tabiak bingu abih.

Khaw tin dunya

# Melam 20/12, di ban ine Viêng Chăn, Cơ quan Tùy viên Quốc phòng Việt Nam di Lào hu peih bruk pahadar 72 thun harei padang bol bala bhapbini Việt Nam (22/12/1944 - 22/12/2016) saong 27 thun harei Quốc phòng toàn dân (22/12/1989 - 22/12/2016).  Tapa nan, lambaok ka mintri Quốc phòng Việt Nam, Cơ quan Tùy viên Quốc phòng Việt Nam di Lào, Đại tá Tào Văn Thái hu panuac dhar phuan tal Đảng, karja bhapbini saong bol bala Lào tuk halei jeng sangka pasiam talei pambuak bruk quốc phòng – quân sự dua taneh ia; ndua thar phuan bhapbini, bol bala dom taneh ia adei saai, bhapbini VN daok di Lào.

    # Gah khik caga takai tasik Italia brei thau, daong hu 300 urang di cư angaok dom sruh gilai cao su saong gilai kayau sit sot angaok Địa Trung Hải dalam harei 21/12. Dom sruh gilai di gah khik caga takai tasik saong Hải quân Italia dalam mbang nao tuần tra ngaok Địa Trung Hải harei kabroi hu duah mboh saong daong hu 4 sru gilai pajeng urang di cư , min oh ka brei thau quốc tịch di dom urang bahrau hu daong nan.

# Harei 21/12, Mỹ hu jao veik labaih 4 rabau hécta taneh di pulao  Ô-ki-na-oa (Okinawa) ka rajaei Nhật Bản. Ini lac mbang jao brei praong abih di Mỹ saong Nhật Bản kuhria meng thun 1972.