Khaw tin bair harei 24/4/2017

       # Lac sa dalam dom labik ‘ pandiak” ka bruk pajeng ba, pablei salih pandap nhập lậu, abih di nyu lac pandap mbang oh thau asal di nyu, Lào Cai peih bilan  ngak kayua hacih sa-at pandap mbang thun 2017( meng ni tal harei 15/5) dalam nan khik catang bruk  sx, pablei salih pandap mbang that, song alat piah pacang cakak  ngộ độc. Tỉnh Lào Cai padang 3 kapul pasang iek liên ngành nao pasang iek ka hacih saat pandap mbang di taong abih 9 huyện ban sit.

     # Hội đồng bhapbini tỉnh Quảng Nam khóa IX peih mbang nyaom ka 4, ginum biai saong ba tabiak rilo bruk praong pambuak tal patagok kinh tế- xã hội di tỉnh. Tui nan, dom sang bhapbini bangsa takik kathaot, sang kathaot di xã bhum III, palei biak kan kandah hu brei taneh daok takik abih jaik 200m2/sa sang. Tỉnh jeng daong labaih 446 tỷ đồng piah yaok thun hu meng 3.500 tal 4.000 sang kathaot halan hatian tut angan patruh kathaot khang kajap. 

     # Di ban Buôn Ma Thuột (tinh Đắk Lắk), Hội Liên hiệp dam dara Việt Nam dok peih Trại pasram megru Nguyễn Chí Thanh mbang ka XV thun ni, brei ka urang ranaih umo bhum Duyên hải Nam trung bộ gah kreih negar song Tây Nguyên. Hu 162 urang ranaih umo lac dom urang jakar đoàn, urang đoàn di 10 tỉnh Đà Nẵng, Quảng Nam, Bình Định, Phú Yên, Khánh Hòa, Gia Lai, Kon Tum, Lâm Đồng, Đắk Nông và  Đắk Lắk.

      # Dom thun jaik di ini, bhapbini xã bhum glaong Phước Bình, huyện Bác Ái, tỉnh Ninh Thuận kham merat salih phun pala, kaya raong saong pandar alamu barau tame pala drak, ngak jeng bruk ba mai kein laba glaong. Ông Phạm Hùng Bảo Châu, Phó akaok xã Phước Bình brei thau, bruk salih phun pala tui jalan pala piah pablei hu ngak salih bruk bhian randap pala drak sit sot di mikva. Tapa nan, rik daong siam ka bruk salih bahrau kinh te ngak nong di puk palei saong dak harei dak paglaong jien mek tame ka bhapbini.

       # “ Nyaom darak pandap Việt mai palei pala gam song bruk padeih hajao thun 2017” kayua pasak Xúc tiến pablei salih, du lịch  song đầu tư Đồng Tháp pambuak bruk song kapul dam dara Cộng sản Hồ Chí Minh tỉnh Đồng Tháp song Ủy ban bhap bini huyện Thanh Bình peih ngak taduan hu jiak 7.000 menuac mai rivang iek, blei pandap, yaom jien mek tame tui kuhira hu labaih 650 triệu đồng.

      # Pambuak tal bruk daong dom sang bhapbini hu sang jaleih, njauk nao plaih kayua glut jaleih di huyện Chợ Mới, tỉnh An Giang. Tỉnh hu daong 16 sang hu sang saong nền sang jaleih, 42 sang hu sang daok di bhum gluh jaleih ( hu nao plaih chip libik mbuan si jaleih) yaok sang 40 triệu đồng. Kapul Chữ thập đỏ huyện Chợ Mới (An Giang) daong 58 sang  30 kg brah saong sa bình padang ia hacih. Tui kuhria, abih tih yaom jien daong dom sang glut jaleih lac jaik 3 tỷ đồng. 

      # Tuk vak jiak di ni, yaok rituh boh sang dok di xã Biển Bạch, huyện Thới Bình, tỉnh Cà Mau biak dut hatai anak bruk ia piah rong pala kaya  ikan di dom krong ribaong daok njom nerak. Makna mai meng dom kapan gaiy hu jamriak praong, pajeng tabau meng dom labik karei nao tapa. Kayua yau nan ye, bhap bini dok di labik ni daok ngak dom boh tatua meng kayau, piah pacang oh brei kapan gaiy hu jamriak prong pajeng ba tapa labik ni.

       Khaw tin dunya

      # Urang nong meng rilo tỉnh ban di gah kreh negar Thái Lan hu pataom tame sa mbang pakacah biak chreih bui – pakacah peih mac liua. Mbang pakacah hu peih ngak di tỉnh Xuphan-bu-ri, gah kreih negar taneh ia ini. Jalan pakacah lac mblang hamu daok dauk ia. Bruk ini dak ngak ka dom urang pakacah mboh chreih chrai jang, par samal di mblang hamu dauk ia ye daok nduac riyak.

    # Cảnh sát Malaysia daong pakalah hu ka 65 urang kamei negar langiu dalam sa mbang đột kích bahrau ni tame 2 pasak main giải trí di Taman Pelangi, bang Johor. Urang dang akaok jabat cảnh sát điều tra hình sự bang Johor brei thau dom urang kamei negar langiu hu giải cứu nan, umo meng 20  tal 28, lac nạn nhân di nyaom tội phạm pablei salih menuac./. 

     # Ngoại trưởng Ô-xtrây-li-a Giu-li-a Bi-sóp ieu Triều Tiên pataom tame an sinh xã hội di bhapbini taneh ia ini salih ka bruk patagok vũ khí pametai rilo. Ini hu maong lac phản ứng di Ô-xtrây-li-a ka Triều Tiên hadei di tuk Triều Tiên đe dọa peih sa mbang trả đũa hạt nhân , hadei di tuk Ngoại trưởng Bi-sóp ndom lac Triều Tiên meda gaok rilo jang dom bruk taong phạt di Ô-xtrây-li-a.