# Piah khik caga bruk nao mai ka bhap bini dalam tuk padeih lễ 30/4 song 1/5, tỉnh Yên Bái  hu panuac ieu dom labik ngak mbang gah pajeng tuai oh tagok yaom song khik caga siam di abih dalam bruk pajeng ba tuai.  Saong daok hu panuac ieu dom  đơn vị caga ginup radeih piah pabak ka bruk nao mai di bhap bini dahlau dalam song hadei di mbang padeih lễ.

      # Hadei di 3 harei peih ngak (meng harei 21 - 23/4), roya “Chợ  tình Khâu Vai" tỉnh Hà Giang thun 2017 tamat blaoh saong jak jeng siam mekre. Yaom lac harei roya rah tabiak dalam tuk lingik oh siam, di var melam peih pakak hajan praong, la ar min tuai damuai mai maong jeng rilo, kuhria mboh jaik 16.000 mbang tuai, dalam nan tuai dalam taneh ia hu 15.500 urang, tuai dunya hu 300 urang.

       #Dalam quý 2 thun ni, dom doanh nghiệp di tỉnh Khánh Hòa caong hu labaih 4.800 urang ngak, tagok labaih 20% dut song quý 1. Ni jeng lac dom urang ngak bo dom DN caong hu dalam sa quý rilo di abih dalam dom thun  mai ni.

       # Harei 25/4 di pasak dịch vụ bruk ngak Đồng Nai di phường Tân Hiệp, ban sit Biên Hòa) rah tabiak sàn giao dịch bruk ngak mbang yaka 126. Hu jaik 20 doanh nghiệp di Đồng Nai, Bình Dương, ban raya Hồ Chí Minh mai tut angan tuyển dụng di sàn 670 urang ngak, dalam nan urang ngak phổ thông lac 505 urang; trình độ cao đẳng - đại học lac 63 urang saong urang ngak tốt nghiệp hệ trung cấp, công nhân kỹ thuật lac 102 urang. 

      #Harei 25/4 di sang bac Đại học Thể dục Thể thao Đà Nẵng hu rah tabiak danak dak Sứ giả thể thao (Sports Envoy) kayua Tổng Lãnh sự quán Hoa Kỳ di ban raya Hồ Chí Minh peih ngak. Danak dak hu ndom tal bruk jao quyền ka urang kamei tapa bruk thể thao, abih di nyu nan lac chaoh blong. Meng bruk pabak ka dom urang kamei cầu thủ song huấn luyện viên ranaih umo dom ilamu, kỹ năng, danak dak hu dong urang kamei jeng nòng cốt piah ba thông điệp ka quyền song bruk naih gheih di urang kamei tal rai hadei. 

      # Long An Daok peih ngak rilo nyaom bruk pasaim alam moi truong dau tu, paglaong pren meraik gauk di puk palei siam jang; bruk dau tu dak harei dak siam saong pachreih jang. Kham merat tal thun 2020, Long An jeng tỉnh công nghiệp patagok tui jalan barau saong kajap. Dalam tukvak tapa, bruk dau tu di tỉnh Long An oh padheih pasiam, chỉ số meriak gauk pakat tỉnh tuk halei jeng dang tốp angaok di taneh ia. Thun 2016 chỉ số PCI di tỉnh Long An dang ka 15 dalam taneh ia. 

         # Tỉnh Cà Mau urak ni hu labaih 100 labik ngak hadang thu di sang saong di hợp tác xã, ba bruk ngak ka jiak 1000 urang song jien duah hu tani tanat meng 2 - 4 triệu đồng sa bilan, tuk tabung glong jien meda tagok jang 2 mbang. Karja puk palei dok pachreih peih prong bruk ngak, kayua pataogk bruk ngak hadang thu gam dong langyah nguyên liệu pak di labik, gam ba bruk ngak ka rilo urang ngak palei pala.

        Khaw tin dunya

     # Harei 25/4, urang jakar ngak praong pakat glaong Mỹ-Nhật-Hàn hu nyaom di Tôkyô, piah ginum biai dom bruk daong catang tagok pambuak tal Triều Tiên.

    # Sa mbang megei boh taneh khang 6,9 độ rích-te bahrau rah tabiak di langiu tasik gah pai di negar Chi-lê, song dom mbang dư chấn meda mboh di ban ine Xan-ti-a-gô. Urak ni oh ka thau khat lihik di mbang megei boh taneh ni.

     # Liên minh châu Âu ieu khik caga chip 23 rabau uranaih oh hu gauk gar, daok gaok gar di dom trại tị nạn di Hi Lạp saong Italia. Rilo uranaih meng Xyri, Áp-ga-ni-xtan, I-rắc bhian sa drei nao tal dom trại tị nạn. Rilo uranaih jeng mục tiêu di dom urang pablei salih menuac./.