Khaw tin bair harei 26/4/2017

       # Mesup  Harei 26/4, di ban raya Hồ Chí Minh, Ủy ban ka dom bruk  xã hội di Quốc hội hu peih ginum biai "Urang lambaok bhap bini haong sarak patagok gah y tế". Tapa nan , dom urang lambaok pataom tame ginum biai dom bruk jien ndua dalam gah y tế. Amuk Nguyễn Kim Phương, Lambaok  Gah  Y tế dunya hu ndom ka bruk Bảo hiểm y tế xã hội, ni lac sa jalan ngak piah karja ba tangin tame darak pasa dịch vụ iek glang pren yava piah pasiam bruk bất hợp lý;  tagok bruk pabak dịch vụ, khik caga song klah rabha dom kan kandah ka dom urang hu bảo hiểm.

       # Tui kuhria mboh, yaok thun tỉnh Lào Cai pandar tal 200 tấn jru dalam ngak nong, dalam nan rilo meng lac jru hareih, jru khik caga phun pala saong jru pachreih phun praong. Kadha njauk ndom nan lac urak ini, bruk pablei salih, pajeng ba dom janih jru ini oh cambaih asal di nyu jeng daok hu rilo, abih di nyu nan lac di bhum taphia negar, bhum glaong.

     # Tui Cục Thú y (Mintri ngak nong song patagok palei pala), dalam negar bahrau hu sa sruh jit ruak menuk da bahrau H5N1 di Cao Bằng. Sruh jit ruak H5N1 rah tabiak di 2 boh sang  dok  dalam phường Ngọc Xuân, ban Cao Bằng. Abih tih dom menuk ada njauk ruak song metai lac 700 drei, am cuh klak 2.004 drei. Hadei di tuk thau hu sruh jit ruak, chi cục rong glang Thú y tỉnh pambuak bruk song karja puk palei peih dom jalan pacang caga jit.

      # Tui pathau khan di mban khik ramik glai phòng hộ huyện Xuân Lộc, tỉnh Đồng Nai meng ngak siam dom bruk pacang caga khuah glai yau nan ye dalam tukvak tabung glaong bilan thu 2017, labaih 10,3 rabau hécta glai kayua mban khik ramik hu khik caga siam.

      # Sở  Y tế Cần Thơ  brei thau, bilan  6/2017 hu peih bruk padang ngak sang iek ruak Ung Bướu Cần Thơ, hu 500 papan ndik. Bruk padang ngak ni kayua   Sở y tế Cần Thơ ngak po đầu tư, saong yaom jien buh tame ngak abih tih labaih 1 ribau 700 tỷ đồng; dalam nan phun jien ODA di rajaei Hungary jiak 60 triệu Euro (samu 1 ribau300 tỷ đồng) song phun jien di ban Cần Thơ labaih 300 tỷ đồng.

       # Sở Y tế tỉnh Bến Tre brei thau, meng akoak thun tal ini, dalam tỉnh hu 486 urang ruak pandiak tabiak darah, pataom rilo di dom huyện Thạnh Phú, Ba Tri... Kuhria dalam dua adit akaok di bilan 4/2017, dalam tỉnh hu 51 mbang urang ruak pandiak tabiak darah di 8 huyện, ban, dalam nan hu sa urang metai (daok di xã Tân Thanh, huyện Giồng Trôm), 3 urang pandiak tabiak darah trak.

         # Tui Sở ngak nong song pataogk palei pala tỉnh Cà Mau, tỉnh ni quy hoạch khik caga song patagok glai tal thun 2020 tani tanat mblang taneh prong labaih 114.305 ha. Langiu di nan, tỉnh Cà Mau sangka buh jien padang ngak cơ sở hạ tầng ngak pajaih lâm nghiệp di dom bhum pala phun nguyên liệu, ba mbuan lagaih meng bruk pabam pajaih, pala, iek glang, khik caga song pandar siam glai pala.

        Khaw tin dunya

     # Thủ tướng Nhật Bản Sin-dô A-bê (Shinzo Abe) barau tacei brei ong Ma-sa-y-ô-si Y-ô-si-nô (Masayoshi Yoshino)- urang dahlau thiah ngak akoak mintri alam Môi trường, tame ngak akaok mintri ngak bruk gah ramik pasiam dom libik khut tayah kayua megaiy taneh thun 2011. Yau nan, ông ini meda salih libik ngak di ông Ma-sa-hi-rô I-ma-mư-ra (Masahiro Imamura)- urang daok caga ngak harak likau padeih pok tagok Thủ tướng A-bê di harei  26/4.

       #/ Dom negar tài trợ bahrau sinya rik tame jiak 1,1 tỷ đôla Mỹ dong ka Y-ê-men. Bruk ni hu Tổng thư ký Liên hợp quốc An-tô-ni-ô Gu-tê-rết (Antonio Guterres) brei thau tuk tamat nyaom biai dom gah tài trợ dunya rah tabiak dalam harei 25/4 di Giơ-ne-vơ (Geneva, Thụy Sĩ).

       # Sa var iek saong tư vấn saoh dom ruak bhian gaok di bhapbini urang Việt Nam di Cộng hòa Séc hu peih ngak di pasak pablei salih Sa Pa di ban ine Praha. Danakdak ini kayua dom sinh viên ngành y saong bác sĩ urang Việt, pambuak bruk saong dom y bác sĩ, sinh viên gah y urang  Séc di Đại học tổng hợp Charles (UK) di ban ine Praha, peih ngak yaok thun piah paglaong bruk duah thau ka pren yava di bhapbini urang Việt Nam daok di Cộng hòa Séc./.