Khaw tin bair harei 27/4/2017

     # Tui Nghị định 47/2017/NĐ-CP tacei tabiak yaom jien bilan cơ sở ngan song urang jakar, công chức, urang ngak song tapon nyaom bol pan phao krong bahrau hu rajaei patabiak, meng 1/7/2017 yaom jien bilan cơ sở lac 1.300.000 đồng/bilan (salih ka yaom klak lac 1.210.000 đồng/bilan).

       # Ngak tui đề án salih phun pala tukvak 2016- 2020, anak tal, huyện Si Ma Cai, tỉnh Lào Cai meda peih praong taneh pala phun  tam thất tagok 50 héc ta. Bruk hu huyện sangka lac patagok phun jru ini tui jalan khang kajap, siam ka alam môi trường, pala tui công nghệ glaong piah trun takik bruk pandar jru khik caga phun pala di tuk pasang iek. Ông Viên Đình Hiệp, akaok Jabat ngak nong saong patagok palei pala huyện Si ma Cai, tỉnh Lào Cai brei thau : Kol dahlak daok duah pataom dom alamu pala, pasang iek di Trung Quốc, hadei di nan, ramik veik, pabak saong pasiam quy trình pala drak piah tacei pato ka mikva. Ka dua lac kol dahlak padang mo hinh jao brei ky thuat pala, pasang iek ka bhapbini.

      # Harei pataom pháo bingu pakat dunya Đà Nẵng 2017 dok chreih chrai tagok tapa yaok harei, tuk Đà Nẵng brei thau lac hu dom mbang parang iek  khinh khí cầu biak gheih di angaok langik Đà Nẵng meng harei 27/4 tal harei peih DIFF 2017 lac harei 30/4/2017. Tui panuac khan bahrau ini di Mban peih ngak Harei pataom pháo bingu, công ty PAX IND di Hàn Quốc hu ba mai DIFF 2017 khinh khí cầu gheih meta ginup sambo màu  brei ka tuai damuai maong iek dom mbang parang me-in khinh khí cầu biak gheih. 

      # Tỉnh Nghệ An ba tabiak bruk lac meng ini tal thun 2020 pachreih phun jien meng đối tác công tư (PPP) hu meng 5% tal 10% abih tih jien ieu pataom đầu tư xã hội (sumu 20.000 tal 40.000 tỷ đồng). Tỉnh pandar dom pakat, dom gah duah thau cambaih dom quy định di karja ka đầu tư tui jalan PPP, ngak brei salih barau jalan sahanneg saong bruk ieu pataom nguồn lực mai đầu tư tui jalan pambuak bruk công tư… 

      #/ Yaom lac oh cuh pháo bingu  dalam harei  lễ 30/4 song  1/5, min ban raya Hồ Chí Minh hu peih rilo bruk ilamu, main sambai dalam luac dom harei nan. Dalam nan njauk ndom tal danka dak daoh tamia pahadar  42 thun harei peih paha gah merong negar yasa taneh ia   song pahadar 131 thun harei dunya urang ngak di tukvak 19h30  harei 30/4 di mblang beinTượng đài Chủ tịch Hồ Chí Minh; Parang iek ban raya Hồ Chí Minh 42 thun hòa bình, patagok song ba drei tame dunya di jalan nao takai Nguyễn Huệ.

        # mBan bangsa tỉnh Bạc Liêu pambuak bruk saong Bộ Chỉ huy quân sự tỉnh peih nyaom biai pasram megru ka lambaih 100 urang jakar lac urang hu angan je dalam bhapbini bangsa takik dalam tỉnh. Tapa tal pasram nan, urang hu  thau dom sarak di Đảng, hukum di karja ka bruk bangsa, agama, pambuak saong quốc phòng, an ninh; jalan pacnag caga bruk “diễn biến hòa bình” dalam tukvak barau…

      / Harei  27/4, di  xã Trường Xuân A, huyện Thới Lai, Ủy ban bhpa bini ban Cần Thơ peih bruk pachreih tui Adit dunya ia hacih saat  song  vệ sinh môi trường thun  2017.  Akaok bilan 4/2017, jalan ia di xã Thới Hưng, huyện Cờ Đỏ hu ngak salah bloh song ba tame pandar, pabak ia saat ka labaih 2.800 boh sang dalam labik nông trường sông Hậu song meda  peih prong tagok labaih 4.000 boh sang dalam tuk vak anak tal  .

      Khaw tin dunya

     # Gilang pariak Trung ương Hàn Quốc pagaiy harei 27/4 brei thau, taneh ia hu kinh tế praong ka 4 châu Á ini hu patagok samal di abih dalam jaik sa thun tapa meng hu pasiam veik gah pablei tabiak taneh ia langiu, yaom lac hu bruk tẩy chay pandap Hàn Quốc meng gah urang blei TQ kayua patabiak hệ thống phòng thủ tên lửa di Mỹ.

      #/ Kapul ngka pahla Oxfam brei thau, bhum Đông Phi dok rah tapa thun ka 3 hu hajan biak takik, gam song nhiệt độ glong jang trung bình yaok thun. Dalam 10 thun tapa,  hu tal 7 thun pandiak bhang gam gam di Đông Phi kayua oh hu hajan atau biak takik hajan./.

     # Hiệp hội Thanh toán saong Thanh toán bù trừ Trung Quốc (PCAC) brei thau, bruk suak jien meng thẻ ATM di taneh ia ini dalam thun 2016 mbang akoak meti hu jalan trun. Makna kayua Trung Quốc daok pamaong tal sa xã hội oh pandar jien mbaok tapa bruk bayan meng di động (m-payment) dak harei dak rilo. Tui kuhria di  PCAC brei mboh, abih tih yaom jien hu soak meng ATM di Trung Quốc thun 2016 lac labaih 65 rabau tỷ nhân dân tệ (jaik 9,51 rabau tỷ USD), trun labaih 10% duk saong thun 2015.