Khaw tin bair harei 29/4/2017

# Piah klah bruk gar jalan dalam tuk padeih ỉ 30/4 – 1/5, tỉnh Vĩnh Phúc brei peih prong dom jalan tal khu du lịch Tam Đảo; Ủy ban bhap bini  ban sit Tam Đảo hu 3 chốt radeih  cứu hộ piah daong dom radeih  gaok bala; oh brei radeih tải tame ban sit dalam dom harei puac adit song tuk lễ, Tết.

# Mintri pato megru brei thau : meda tabiak đề thử nghiệm mbang pakacah Trung học phổ thông pakat negar di kreih bilan 5/2017, hadei di tuk anek saih tan bac 12 tamat blaoh danakdak thun bac 2016 – 2017. Tui bruk ba tabiak, mintri meda ngak bộ đề pakacah thử nghiệm tui 5 kadha pakacah piah ba tabiak, piah daong dom labik pato megru saong thí sinh ngak randap saong định dạng đề pakacah, jalan pakacah tui kadha.

 # Tui Sở Văn hóa Thể thao song  Du lịch tỉnh Bình Thuận, dalam tuk lễ 30/4 song 1/5 thun ni, Bình Thuận meda taduan labaih  84.000 tuai damuai mai  rivang main, padeih padei, tagok labaih 11% dut song tuk vak ni thun 2016. Dalam nan tuai dunya, hu labaih 10.000 urang, rilo meng lac urang Nga, Trung Quốc, Thái Lan, Đức… Dalam ban, tong abih dom khách sạn, labik du lịch meng 2 patuh tagok hu labaih 80% tuai đặt phòng, tabung glong lac  2  harei  30/4 song  1/5. 

# Di var họp báo định kỳ quý I barau blaoh, ông Phạm Lương Sơn - Phó Tổng giám đốc Bảo hiểm xã hội Việt Nam brei thau : bruk ngak veik harak Bảo hiểm y tế, meng 5 harei ngak bruk trun daok 3 harei kuhria meng harei taduan mek hồ sơ. Daok urang oh salih asal kadha meda hu taduan mek dalam harei.

# Bilan padai Hè Thu 2017, tỉnh Bến Tre tui kuhria trun pajaih di angaok mblang taneh 16.489 ha song bilan  Mùa 2017 ngan song taneh  9.500 ha. Iek tui panuac khan di Đài khí tượng thủy văn tỉnh, Chi cục ba tabiak lịch trun pajaih  bilan padai  Hè Thu song bilan Mùa 2017. Tui nan, lịch trun pajaih  bilan Hè Thu parabha tabiak 2 mbang. Mbang meng harei 20 – 30/5 pataom ngak di dom  huyện tapen tasik: Ba Tri, Bình Đại, Thạnh Phú songhuyện Giồng Trôm. 

# Ban Thường trực Ủy ban mặt trận negar Việt Nam tỉnh Khánh Hòa pambuak bruk saong Gilang pariak ngak nong saong patagok palei pala (Agribank ) dhar Khánh Hòa barau jao brei 50 baoh sang jum pataom ka 50 sang kathaot di huyện Khánh Sơn. Abih tih jien padang ngak 50 baoh sang lac 2 tỷ meteh.

Khaw tin dunya

# Thủ tướng Malaysia Najib Razak (Na-gíp Ra-dắc) hu panuac lac talei pambuak bruk khang kajap di 10 taneh ia dalam Hiệp hội dom taneh ia Đông Nam Á (ASEAN) oh lac njuak khik bo daok njuak jhul khang saong dak harei dak patagok. Meyah ngak hu bruk ini, ASEAN meda daok patagok saong mek hu jak jeng .

# Hãng thông tấn Yonhap brei thau Chủ tịch Hội đồng tham mưu trưởng liên quân (JCS) Hàn Quốc, Tướng Lee Sun-jin (Li Sun Din) song urang đồng cấp Mỹ, Tướng Joseph F. Dunford (Giô-xép Đun-pho) hu njauk gauk brei khik bruk caga mesuh di tanut glong di abih tui talei pambuak bruk khang piah pacang dom đe dọa di gah Triều Tiên. Dalam mbang ginum biai harei 28/4 2 gah hu ndom lac bruk Triều Tiên patagok hạt nhân song tên lửa lac  "oh  chấp nhận hu". 

# Dom bruk ngak iek kayua Đại học James Cook pambuak bruk saong mban khik ramik rạn san hô Great Barrier (GBRMPA) peih ngak brei mboh sao biển gai meda metai dalam 48 tuk hadei tuk klauk dấm mbang. Dom bruk pasang iek sinh thái pambuak tal brei mboh, bruk ngak ini gam an toan, kein laba gam abih takik jien.