Khaw tin bair harei  6/1/2017

# Kapul urang Quốc hội bal Cần Thơ bahrau peih bruk pahadar 71 thun harei tổng tuyển cử akaok meti (6/1/1946 – 6/1/2017). Tapa nan, dom urang lambaok hu ba gauk hadar veik 71 thun harei Tổng tuyển cử akaok meti pilih ruah urang ka Quốc hội Việt Nam. Gam haong bruk prong khang di Quốc hội Việt Nam, Kapul urang quốc hội bal  Cần Thơ dak harei dak patagok, brei mboh cambaih bruk ngak, labik dang di urang lambaok bhap bani; kham merat hu mbaok tame dom danak dak di Quốc hội.

#  Akaok Đảng ủy Khối Doanh nghiệp Trung ương barau nao ravang saong brei paok jien jaik 5 tỷ đồng daong bhapbini bhum ia xua tỉnh Quảng Ngãi. Urak ini kadung jien daong di Uỷ ban Mặt trận negar Việt Nam tỉnh Quảng Ngãi taduan mek hu 20 tỷ đồng jien daong ka bhapbini bhum aia xua meng 45 doanh nghiệp, libik. Ông Lê Viết Chữ, Bí thư Tỉnh ủy Quảng Ngãi brei thau, dom paok jien daong ini hu tỉnh ba daong ka  bhapbini bhum ia xua di tukvak drak samal abih : Yaok xã brei sa urang Thường vụ trun pasang iek ngak habal piah pandap hu ba njauk libik, drak samal, njuak menuac urang. Caik dahau libik daok, caik dahlau ka urang eik ngan haong caong khin abih urang bhapbini hu mbang tet drei sir saong bui sambai.

# Tui Sở Công thương tỉnh Gia Lai, bilan jaik Tết, hatai caong khin blei tame dalam tỉnh tagok jaik 30% dut haong dom bilan dalam thun. Piah pabak hatai caong khin di bhap bani, gah chức năng saong dom doanh nghiệp, đơn vị cung ứng dalam tỉnh hu buh tabiak jien ndo khik caga pandap panda tagok tal labaih 10.000 tỷ đồng. Taphia di nan, piah ka bhap bani bhum atah bayah hu blei pandap Việt siam, yaom lap, gah chức năng gam haong dom doanh nghiệp daok peih ngak dom danak dak “Mbang darak pandap Việt”, “ba pandap Việt mai palei pala”, “Pandap panda lap duh ka bhap bani bhum atah bayah”.

# Di phường Thắng Lợi, ban sit Buôn Ma Thuột, tỉnh Đắk Lắk, sa sruh radaih ba phát samal barau nduac dauk hadei di tuk paoh gauk saong radaih patuh, klak 4 urang bị thương trak daok nguy kịch. Hadei tuk ginuh tame radaih patuh, tài xé radaih ba phát samal nduac samal tal canah 4 jalan Trần Phú - Y Jút ye ginuh tame geng điện tapen jalan ngak saai ini jaoh takai, sruh radaih  pait akoak. Hadei di nan, gahl cảnh sát giao thông, Công an tỉnh Đắk Lắk hu mbaok pak labik nan prabha jalan nao mai, duah thau makna di bala ini.

# Thun ini, tỉnh Tiền Giang kham merat mek hu yaom jien pablei pandap panda tabiak negar langiu hu labaih 2,3 triệu USD, tagok jaik 12% dut haong thun dahlau. Ta-eng thun dahlau, yaom jien pablei tabiak negar langiu di tỉnh mek hu labaih 2,1 triệu USD; dalam nan dom gah yau pandap jik pet, túi teik, kaya ikan dalam aia… mek hu yaom jien glaong abih. Piah ka yaom jien pablei pandap tabiak negar langiu patagok glaong dalam thun tal, Tiền Giang pataom tame salih bahrau dom thủ tục hành chính, samar peih talaih dom kan kandah ka dom doanh nghiệp; patagok bruk xúc tiến thương mại, meyaih khan pandap panda. 

# Tết ini rilo doanh nghiệp di Đồng Nai thưởng tết ka công nhân meng sa tal dua bilan jien bilan. Rilo doanh nghiep thưởng tết tui tanut lương cơ sở barau pandar meng thun 2017. Liên đoàn Lao động tỉnh Đồng Nai daok kuhria alin 1 rabau 640 vé radaih ka dom công nhân sang kan kandah nao palei mbang tết ngan saong yaom jien labaih 4 tỷ 300 triệu đồng. Langiu di nan,  Liên đoàn Lao động tỉnh hu alin jaik 5 rabau 700 paok pandap ka công nhân, yaok paok yaom jaik 500 rabau đồng.

# Sang iek ruak Trưng Vương, bal raya Hồ Chí Minh bahrau điều trị ka dua urang kamei njauk hoại tử di tangi, lahik gam kalik akaok kayua nao hấp menyek ka mbuk piah caga raok Tết Đinh Dậu 2017. Dom bác sĩ kakei lac: tuk gaok dom bruk yau gadung di tangi, akaok… dalam tukvak ngak siam, jalan sơ cứu siam abih nan lac rao meng aia la-ar dalam 20 tal 30 minit piah ngak patrun jru hóa chất mbang tame. Hadei di nan, ba tame sang iek ruak, plaih bruk eng drei nao blei jru meda ngak ka vết thương trak,  nguy hiểm jang.

Khaw tin dunya

# Dom urang dang akaok gah y tế Khu đặc chính Hồng Công, Trung Quốc barau brei thau urang ka dua metai di ban ini kayua virut kum menuk ada H7N9. Urang ruak lac sa urang likei 62 thun nao tal ban Quảng Châu di blan 12 saong tame sang iek ruak di akaok adit ini. Mbang njaom virus H7N9 akaok mereip di menuac di Trung Quốc hu duah mboh di bilan 3/2013. Urang jakar ngak praong Trung Quốc urak ini daok duh hatai  ka bruk mbuan pambak virus dalam tuk không khí nerak, abih di nyu nan lac di tukvak dom trang trại di taneh ia ini daok kuhria pabak caong khin glaong ka rilo menuk ada tuk Tết âm lịch jaik tal.

# Pak Pasak nghệ thuật negar Indira Gandhi di bal ine Ấn Độ bahrau peih pakak mbang parang iek, rup thaot đương đại di dom họa sĩ, nghệ sĩ thaot binguk Việt Nam. Ini lac bruk ngak akaok meti dalam dom bruk ngak kayua dua negar Việt Nam saong Ấn Độ peih ngak dalam thun 2017 tukvak pahadar 45 thun harei padang talei rohim pambuak bruk (07/01/1972 – 07/01/2017) saong 10 thun  padang talei pambuak bruk đối tác chiến lược. 

# Triều Tiên barau peih sa mbang mít-tinh praong piah brei thau kham merat peih ngak dom bruk kayua urang dang akaok Kim Jong Un (Kim Châng Un) ba tabiak dalam thông điệp thun barau. Mbang mít-tinh rah tabiak, di quảng trường Kim Nhật Thành, hu mbaok di dom urang dang akaok pakat glaong saong yaok rabau bhapbini ban ine  Bình Nhưỡng. Min, ông Kim Jong Un oh hu mbaok pak nan .