Khaw tin bair harei 7/1/2017

# Văn phòng Raja-ei bahrau tabiak văn bản brei thau veik panuac tacei pato di Phaok Thủ tướng Thường trực Trương Hòa Bình ka bruk samar ngak salah blaoh dom bruk  pambuak pagam tal daong ba, bayar jien bồi thường khat lahik kayua sự cố môi trường tasik. Phaok Thủ tướng Trương Hòa Bình pandar Mentri ngak nong saong patagok palei pala dang tabiak, pambuak haong dom jabat tacei pato, pasang iek, pasang mong Ủy ban bhap bani 4 tỉnh jhul pakhang tukvak bayar mbang ka I jien daong, jien bồi thường ka bhap bani dahlau di Tết âm lịch, khan brei ka Thủ tướng Raja-ei thau kết quả peih ngak dahlau di harei 25/01/2017.

# Thủ tướng rajaei  brei pabak 2 libik mỏ patau bingu patih di xã Phan Thanh, huyện Lục Yên, tỉnh Yên Bái tame Quy hoạch glang iek, duah mek  chế biến saong pandar khoáng sản ngak pandap apdang ngak di Việt Nam tal thun 2020; pabak tame angan libik oh đấu giá quyền duah mek khoáng sản. Thủ tướng rajaei jao mintri Tài nguyên saong Môi trường dang akaok pambuak bruk saong dom jabat pambuak tal pasang iek, peih bruk brei ba ar phép duah mek khoáng sản tui njauk adat di hukum Khoáng sản.

# Daok oh bak sa bilan tra meng tal Tết Nguyên đán min thời tiết angaok tasik di tỉnh Quảng Ngãi jeng daok rah tabiak dalam kan kandah. Urak ini, huyện pulao  Lý Sơn tacei pato, patui veik pajeng ba pandap panda Tết tabiak pulao, oh caik rah tabiak bruk kurang pandap duh ka bhap bani. Mauk Phạm Thị Hương, Phaok akaok Ủy ban bhap bani huyện Lý Sơn brei thau, langiu di bruk grap tanat  pandap panda ka harei Tết, puk palei jeng patagok bruk pasang iek chất lượng pandap ba tabiak pulao: Khaol dahlak hu kapul pasang iek liên ngành ka bruk niêm yết yaom kaom, pasang iek dom labik ngak mbang pablei salih, dom janih pandap bhian pandar. Meda hu jalan ngak piah ramik pasiam veik tư thương, baoh sang pablei salih saong jeng hu niêm yết yaom njauk tui hukum./.)

# "Bilan xuân ka adei lac danakdak nghệ thuật kayua kapul urang njauk jru mek kalik truav ban sit Đà Nẵng, Sở pato megru, kapul Doanh nhân trẻ ban sit pambuak bruk peih ngak piah pataom jien pasang iek urang njauk jru mek kalik truac. Tapa nan, dom kapul menuac urang ngak pahla rik daong jaik 3 tỷ đồng, daong urang njauk jru mek kalik truac. Di ban sit Đà Nẵng, hu labaih 5000 urang njauk jru mek kalik truac, dalam nan hu 1.400 uranaih. Tapa jak ba, tal urak ini, dom kapul dalam taneh ia saong taneh ia langiu rik daong labaih 80 tỷ đồng pasang iek urang njauk jru mek kalik truac di ban sit Đà Nẵng.

# Duk Cảnh sát Giao thông Jalan kabak – Jalan pasei, Công an tỉnh Thừa Thiên-Huế daok peih mbang tabung glaong grap tanat trật tự an toàn giao thông, trật tự xã hội tukvak Tết Nguyên đán Đinh Dậu saong dom lễ hội akaok thun 2017. Dalam mbang tabung glaong meng ini tal abih harei 15/2/2017, gah cảnh sát giao thông Công an tỉnh Thừa Thiên-Huế pataom tame langyah catang dom urang ngak suan adat hukum ka nồng độ cồn; nduac tapa tốc độ, nao oh njauk binah jalan; pajeng menuac rilo jang quy định; lạng lách, đánh võng, pakacah radaih suan adat. Gam haong nan, cảnh sát giao thông pambuak haong gah chức năng xử lý dom radaih pajeng pandap trak jang tải trọng brei adat, radaih pajeng dom janih pandap vi phạm an toàn vệ sinh thực phẩm, vi phạm adat gah môi trường... 

#  Thành ủy ban raya Hồ Chí Minh barau peih var taom gaok kapul văn nghệ sĩ ban raya. Menglabaih 5.000 văn nghệ sĩ, abih di nyu nan lac dom nghệ sĩ ranaih umo, tukvak tapa bruk sáng tạo ilimo nghệ thuật di ban raya Hồ Chí Minh oh padheih patagok saong pabak caong khin dak harei dak glaong di bhapbini. Tapa var taom gaok, lambaok  văn nghệ sĩ thau dhar phuan bruk sangka pasang iek raidiuk di urang dang akaok ban raya piah dom urang ini khang hatai saong abih hatai sáng tạo. 

# Harei 10/1 tal, Muyim Dakrai sajarah Negar (Hà Nội) meda peih bruk parang iek biak karei: “Bảo vật negar  Việt Nam". Ini lac mbang akaok meti, 16 bảo vật Negar daok khik piah pak muyim hu meyaih khan tal bhap bani. Ong Nguyễn Văn Cường, Akaok Muyim Dakrai sajarah negar brei thau:Khaol dahlak mong ini lac sa parang iek biak karei bo mbang akaok meti 16 bảo vật negar daok khik piah pak Muyim Dak rai sajarah negar tabiak mbaok bhap bani, tapa nan meyaoh khan ka dom giá trị, makna, tukvak sajarah di dom bảo vật ini. Dalam 16 bảo vật, dom bảo vật negar jaman ilamo  Đông Sơn hu mboh ralo di abih, ini lac dom bảo vật hu makna di ralo góc độ karei di gauk, gam hu yaom gah nghệ thuật, dakrai sajarah , ilamo, hu niên đại biak avar, lac sa bein ilamo biak hadah hadai saong patagok dalam saman văn minh akaok meti di urang Việt.)

Khaw tin dunya

# Di tỉnh Kampong Thom, Campuchia barau rah tabiak bruk peih pakak Tượng đài Hữu nghị Việt Nam-Campuchia saong beir bingu Domrey Chonkla di tỉnh. Tượng đài Hữu nghị Việt Nam-Campuchia di tỉnh Kampong Thom hu  apdang ngak di thun 1980 piah pahadar ka talei pambuak bruk hữu nghị, jum pataom, pambuak bruk di kapul halan hatian Việt Nam saong bol bala, bhapbini Campuchia taong tayah kol Khmer Đỏ'. Dahlau nanm di  tỉnh Kampong Chhnang jeng hu peih pakak công trình ramik pasiam Tượng đài Hữu nghị Việt Nam – Campuchia saong Đài độc lập di tỉnh, abih tih jien apdang ngak lac 350 rabau USD.

# Akaok Mentri Quốc phòng Hàn Quốc Han Min-ku bahrau brei thau, bol lin negar ini daok brei ngak dahlau bruk pacang cakak anak dom janih vũ khí hủy diệt praong, dalam nan hu vũ khí hạt nhân saong tên lửa. Hàn Quốc jeng kuhria dadang sa jabat piah pacang caga dom mối đe dọa meng Cộng hòa Dân chủ bhap bani Triều Tiên. Dalam tuk nan, Mentri Ngoại giao Hàn Quốc brei thau meda kham merat piah ngak ka Triều Tiên tah klaak dom danak dak patagok hạt nhân saong tên lửa.

# Nhật Bản barau hu panuac ieu Hàn Quốc yah klak baok tượng urang kumei biểu trưng ka bruk "urang kumei ngak bruk bui sambai” gah lingiu lãnh sự quán Nhật Bản di Busan. Tui thứ trưởng Ngoại giao Nhật Bản Xư-gi-ya-ma, bruk padang sa baok tượng biểu trưng ka dom urang ngak nô lệ tình dục” di tukvak mesruh metak saong Nhật Bản langiu lãnh sự quán di Nhật Bản di ban Busan lac  ngak suan jalan  thỏa thuận di dua taneh ia.