Khaw tin bair harei 7/2 /2017

      # Akaok Ủy ban bhap bani tỉnh Bình Định hu mboh tangin tame quyết định daong padang ngak 668 baoh sang daok ka bhap bani dalam tỉnh hu sang njauk glut jaleih abih saong khut khat trak dalam dom mbang hajan ribuk di puac thun 2016. Tui nan, daong 574 baoh sang hu sang daok chính, tok hu sa baoh njauk glut jaleih abih, njauk aia ba tatheik taong abih dalam nan hu baoh sang kathaot, jaik kathaot, baoh sang sarak: 232,  baoh sang karei nan lac 343 baoh; daong 94 baoh sang hu sang daok chính, tok hu sa baoh min njauk khut khat trak, dalam nan hu sang kathaot, sang jaik kathaot, baoh sang sarak karja nan lac 28 baoh, baoh sang karei: 66 baoh. 

     # Ủy ban bhapbini tỉnh Khánh Hòa barau tabiak mbang pakacah sáng tác biểu trưng (logo) Festival tasik Nha Trang – Khánh Hòa piah pandar tame dom bruk pathau khan, yaih khan bruk ngak di yaok mbang Festival tasik di puk palei. Bruk ba tabiak di mbang pakacah lac tapa hình tượng nghệ thuật, logo meda brei thau bruk gheih mekre, hatai di anek menuac saong bhum taneh Khánh Hòa; brei thau dom yaom, tinh hoa dalam raiduik, ilimo di tasik pulao Khánh Hòa, mbuan hu rilo urang bhapbini thau tal. Tác phẩm mek hu giải Nhất mbang pakacah hu pilih ruah ngak logo ka Festival tasik Nha Trang, taphia nan hu taduan mek giải thưởng 50 triệu đồng; langiu nan daok hu 4 giải khuyến khích, ngan saong paok jien thưởng 10 triệu đồng yaok giải. 

    # Harei nyaom bingu mai anh đào mbang akaok meti pak bal Đà Lạt, tỉnh Lâm Đồng tui kuhria hu peih ngak meng harei 11 tal harei 13/2 hu Ủy ban bhap bani tỉnh Lâm Đồng brei thau lac padeih dalam mbang họp báo biar harei 6/2. Akaok ban tổ chức Harei Nyaom bingu mai anh đào jeng lac akaok ban ban khik iek Khu du lịch dunya hồ Tuyền Lâm, ong Nguyễn Xuân Thành brei thau: Hadei di ralo mbang salih harei peih ngak, tal ini dom urang khoa học hu khẳng định bingu mai anh đào Đà Lạt oh hu khả năng nerak bingu jang, Kayua nan, Ban tổ chức harei nyaom hu tabiak harak likau Ủy ban bhap bani tỉnh brei padeih harei nyaom.

    # Ông Nguyễn Tuấn Hà - Phó akaok Ủy ban bhapbini tỉnh Đắk Lắk brei thau : taphia bruk đầu tư cơ sở hạ tầng dom khu, libik du lịch, tỉnh Đắk Lắk daok pataom tame patagok dom pandap du lịch gheih mekre karei di puk palei piah pachreih hu rilo tuai damuai, kham merat meng ini tal thun 2020 raok labaih 4,327 triệu mbang tuai du lịch. Tỉnh hu ramik psiam dom rija roya mengkan di bhapbini bangsa takik ye : adat likau pren yawa, adat likau hajan, pauan padai barau, adat likau bến ia, likau pren yava ka limen…

    # Pambuak pagam tal mbang khuah darak pak pasak huyện Kông Chro, tỉnh Gia Lai, karja puk palei hu buh tabiak jaik 150 triệu đồng daong brei ka dom urang pablei salih njauk khat lahik trak. Tui nan, yaok baoh sang hu ki ốt njauk apui khuah hu daong 5 triệu đồng saong yaok baoh sang hu sạp hàng njauk khuah hu daong 2 triệu đồng. Huyện Kông Chro hu tacei pato ka dom gah ngành chức năng yau thuế, gilang pariak mong iek ngân miễn, giảm thuế, phí, lệ phí saong jien jhung ka dom baoh sang njauk khat lahik. Taphia di nan, huyện jeng daok mong iek bố trí sa khu taneh tạm thời piah ka dom urang pablei salih hu labik pablei salih dalam tukvak daok cang padang ngak gilac darak bahrau.

    #  Pambak tal bruk tỉnh Tiền Giang brei harak chứng nhận đầu tư ka Công ty trách nhiệm hữu hạn sang mac ba ar Đại Dương (100% jien Đài Loan) di huyện Tân Phước hu pambuak tal bruk alam môi trường di bhum Đồng Tháp Mười, Ủy ban bhapbini tỉnh Tiền Giang brei thau, meda daa dom urang alamu, dom chuyen gia alam moi truong di ban raya brei panuac ka dự án ini. Tuk dự án khik caga gonup dom bruk ka khik caga alam moi truong tui adat di hukum meng hu peih ngak. Amuk Nguyễn Hồng Thủy, Phó Giám đốc Sở Tài Nguyên- Môi trường tỉnh Tiền Giang lac : Saong tuk khik caga dom adat dalam hukum ka khik alam moi truong meng hu brei tabiak. Bruk peih ngak dự án tuk tỉnh langyah dự án brei thau ka tác động di môi trường ini saong urang đầu tư ramik pasiam dom thủ tục pháp lý pambuak tal.

    # Tui Ủy ban Bhap bani tỉnh Thừa Thiên - Huế, harei 6/2, gilai du lịch tasik mbang akaok meti cập cảng Chân Mây dalam thun bahrau Đinh Dậu 2017. Ini lac gilai du lịch tasik dunya CELEBRITY MILLENNIUM dalam hãng gilai Royal Caribbean Cruises Lines (Mỹ) hu ba 2.150 tuai damuai dunya saong labaih 950 thủy thủ đoàn tame cảng Chân Mây. Hadei di tuk nao tame cảng, tuai damuai hu dom jabat lữ ba nao rivang iek dom danh lam, thắng cảnh saong inem mek dak rai sajarah pak Huế, Hội An saong Đà Nẵng... 

     Khaw tin dunya

  # Dom urang dang akaok di liên minh cầm quyền Đức barau njauk hatai patagok dom bruk an ninh hadei mbang radaih tải ginuh tame libik drak giáng sinh meng bilan 12 thun dahlau, dalam nan hu dom bruk catang ye trục xuất dom urang di cư hu maong lac bruk đe dọa ka an ninh.

    # Dom urang khoa học Trung Quốc hu peih bruk thám hiểm đại dương mbang ka 38 meng suh gilai njuk tasik dalam hu urang lái akaok meti kayua negar ini ngak tabiak, hu angan "Giao Long" (Jiaolong). Gilai amaik "Hướng Dương Hồng 09' (Xiangyanghong 09), hu tabiak truh bal Thanh Đảo ba tui gilai Giao Long gam haong thủy thủ đoàn 150 urang piah peih ngak mbang nao atah 124 harei.

    # Sa urang dang akoak di Kapul roh duah không gian Ấn Độ (ISRO) barau brei thau, taneh ia meda ngak jeng lịch sử tuk plaik kỷ lục 104 vệ tinh, dalam nan hu 101 vệ tinh di taneh ia langiu tame quỹ đạo tầm bair di Trái Đất di harei 15/2 meng libik Andhra Pradesh (An-đra Pra-đét).