Khaw tin bair harei  8/2

      # Tui kuhria mboh dahlau di Hiệp hội Chế biến saong pablei tabiak negar langiu kaya ikan Việt Nam VASEP, bruk pablei kaya ikan tabiak negar langiu thun 2017 meda hu jaik 7 tỉ 400 triệu đô la, tagok 6% dut haong thun 2016. Thun 2017, taphia bruk ngak tabiak saong pablei tabiak dom janih pandap yau ikan pra saong hadang aia lợ ye meda pataom tame patagok dom janih pandap hu ralo pren khang dalam negar piah patagok samu gauk di dom bhum palei. 

     # Tui mintri jien padai , dalam tuk tết Đinh Dậu 2017, dom pandap panda pablei tabiak darak pasal oh gaok klaoh meteh dhi; oh hu bruk kurang pandap, yaom glaong, trun khang bruk pataom piah pandap dalam tuk tết. Piah tani tanat darak pasal, yaom kaom di bilan 2 saong quý 1 thun 2017, mintri jien padai pandar dom mintri, ngành, puk palei glang iek bruk blei, pablei di darak pasal, yaom kaom. Taphia nan hu dom bruk khik caga, cân đối blei, pablei piah tani tanat darak pasal, plaih caik rah tabiak bruk kurang pandap, tagok yaom, ndom puac oh njauk, oh biak ngak srau kadau darak pasal.

      # Dom harei akaok thun bahrau, gah du lịch Quảng Trị hu dom kadha bui sambai tuk tuai damuai mai rivang ma-in dalam tukvak Tết Nguyên đán Đinh Dậu 2017 hu labaih 3.000 mbang tuai  dalam saong langiu negar. Dom labik mai bhian randap haong tuai damuai mboh ralo nan lac dom inem mek darai sajarah cách mạng yau: Cụm inem mek dua gah Hiền Lương - Bến Hải; Thành cổ Quảng Trị; Địa đạo Vịnh Mốc; mblang kapal haok Tà Cơn; Nghĩa trang negar Jalan 9 saong rường Sơn… 

       # Pagaiy harei 8/2, ban raya Hồ Chí Minh peih bruk padang ngak 2 công trình tatua  vượt di canah jalan Trường Sơn – jalan Tân Sơn Nhất – Bình Lợi – Vành đai langiu saong di canah jalan pambuak pagam Nguyễn Thái Sơn – Nguyễn Kiệm. Ini lac dua công trình hu  padang ngak samal chip meng kadung jien karja ban raya ngan saong yaom jien buh tame ngak abih tih jaik  522 tỷ đồng, piah dui trun bruk gar jalan nao mai di libik tame tabiak mbang par Tân Sơn Nhất. Ông Lê Văn Khoa, Phó akaok Ủy ban bhapbini ban raya Hồ Chí Minh lac : Kol drei harei ini peih bruk padang ngak dua nút pambuak pagam ini , taphia nan,  dahlak jeng caong khin dom gah chức năng dalam tukvak ini drak samal kuhria caga dom dự án veik piah kol drei samal peih ngak dom dự án pambuak tal cảng hàng không pakat dunya Tân Sơn Nhất piah sumu saong dua dự án ini piah langyah bruk gar jalan nao mai di mblang par Tân Sơn Nhất).

   # Tui Sở Ilamo, Padhih saong Rivang ma-in tỉnh Vĩnh Long, thun 2017 Vĩnh Long patagok khai thác pren khang Du lịch sinh thái saong du lịch ilamo - danh nhân, kham merat mek hu 1,1 triệu mbang tuai damuai mai tal Vĩnh Long, dalam nan hu 225 ribau mbang ruai damuai dunya saong 875 ribau mbang tuai damuai dalam negar. 

    # Ông Nguyễn Văn Dương, akaok  Ủy ban bhapbini tỉnh Đồng Tháp brei thau, dalam Đề án patagok du lịch tukvak 2016 - 2020, pamaong tal 2030, Đồng Tháp pilih ruah janih du lịch cộng đồng piah patagok du lịch. Nan lac, abih tih bhapbini jeng pataom tame ngak du lịch, parabha kein laba, maong tui kadung jien di yaok sang. Taphia di nan, sangka patagok bruk  di yaok palei ngak mengkan ye : ciu di Định Yên, bingu kiểng Sa Đéc, quýt Lai Vung, soaik me om Long Khánh...

       #  Tui ong Võ Thành Thống – Akaok Ủy ban bhap bani bal Cần Thơ : jaik 6,8 tỷ đồng meda hu buh tame padang ngak di yaok pakat bac sa sang bac điển hình salih bahrau taong abih gah saong jaik 80 tỷ đồng padang sang bac chuyên bal ngan haong mblang taneh praong 6 ha, tal thun 2018 meda peih tabiak ngak. Hadei tukvak ngak iek meda peih bruk taong yaom, pambak prong bruk ini tabiak taong abih hệ thống pato megru di bal. 

     Khaw tin dunya

   # Tui jabat Di cư di dunya (IOM), labaih 11 rabau urang di cư saong tị nạn hu mai tal châu Âu meng jalan tasik kuhria meng akaok thun tal ini ngan saong dom urang metai di jalan tapa tasik nao tal châu Âu lac 255 urang.

    # Tapa pasang iek bahrau hu brei thau di harei kabroi (7/2), jaik  1/4 manuac urang ngak dalam gah công nghệ pak Mỹ brei thau lac mboh drei gaok phân biệt đối xử di labik ngak bruk. Dalam nan, 32% manuac urang asal châu Á saong kalik sambo màu brei thau daok gaok phân biệt đối xử, bruk ini ngan haong urang kalik mbong nan lac 22%. Urang kamei jeng mboh gaok kỳ thị glaong jang urang likei ngan haong tỷ lệ 29% dut haong 21%.

    # Mintri ngak nong saong Tài nguyên ia Australia barau brei thau bruk pacadu lệnh pakauk blei tame hadang saong pandap meng hadang oh ka ngak tasak. Dom pandap hu yah klak lệnh pakauk blei tame hu : hadang thu saong pandap mbang menyum khik suai livik – nan lac pandap hu khik dalam kadung, ngăn, tủ la ar piah pandar suai livik; mồi mbang pandar di gah thủy sản hu chiếu xạ, pandap mbang ka kaya raong hu ngak meng ikan dalam ia saong pandap mbang pandar ka raong ikan dalam ia.