# Harei 9/2, tỉnh Nam Định peih bruk pahdar 110 thun harei menek di Tổng Bí thư Trường Chinh. Tổng Bí thư Nguyễn Phú Trọng saong ralo urang pal akaok Đảng, Karja mai hu mbaok. Ong Trường Chinh angan biak lac Đặng Xuân Khu, ndih tapui harei 9/ 2 / 1907 dalam sa baoh sang trí thức ranam taneh aia pak palei Hành Thiện, xã Xuân Hồng, huyện Xuân Trường, tỉnh Nam Định.  Meng tuk daok sit, ong hu taom gaok dom sa-ai hu mbaok tame phong trào Đông Du, pang harak khan brei thau ka bruk ranam taneh aia di dom sỹ phu pachreih tui phong trào Đông Kinh Nghĩa Thục. Ong nan lac sa asal pajaih bhong hu pala angaok bhum taneh cách mạng saong samar hu jeng sa urang cách mạng chân chính… 

     # Jaik 1000 urang đoàn, damdara di ban Đà  Nẵng pagaiy harei 9/2, hu mbaok tame bruk “Tết pala phun Xuân Đinh Dậu”. Dom urang ranaih umo hu pala labaih 500 phun Lát bingu saong ramik pasiam hacih rilo jalan palei di huyện Hòa Vang, ban Đà Nẵng. Thun ini, dom urang ranaih umo Đà Nẵng peih bruk pala labaih 1000 phun Lát bingu dalam ban. Bí Thư Thành Đoàn Đà Nẵng Nguyễn Bá Cảnh brei thau : Yaok thun tuk thun bahrau , Thành Đoàn Đà Nẵng peih bruk "Tết pala phun “ biak hu makna ngak tui panuac pato di Wa Ho. Phun hijao dak rilo ye alam moi truong dak siam la ar bingi. Meng jalan ngak lac yaok urang  đoàn dam dara khem merat patagok libik dang di drei dalam bruk khik caga alam môi trường)

    # Tui Pasak khí tượng thủy văn Lai Châu, nhiệt độ page harei 9/2 di dom xã bhum biar dom huyện saong bal Lai Châu nan lac 13 độ C. Tỉnh Lai Châu hu công điện payua tal dom sở, ban, ngành, kapul nyaom pambuak pagam tal saong karja di dom puk palei patagok dom jalan ngak piah pacang caga la-ar ka manuac urang, phun pala saong anek athur raong. Ngan haong phun pala saong anek athur raong, karja dom puk palei pathau khan, tacei pato bhap bani pabak pandap mbang tapung, pacang caga mblang taneh phun pala, anek athur raong piah khik ấm; caga lịch bac saong brei ka anek saih padeih tuk nhiệt độ trun biak biar, abih di nyu nan lac anek saih tiểu học saong mầm non.

     # Dom harei ini, mikva urang nong tỉnh Thừa Thiên Huế daok kham merat pala drak veik piah sumu thời vụ. Di huyện Quảng Điền, tal urak ini dom taneh padai saong njam patam daok dauk ia. Kayua gaok angin mùa Đông Bắc saong đới gió Đông, di puac bilan 1 saong akaok bilan 2 meng blaoh, hajan praong pambuak saong ia tagok ngak ka 1.300 ha padai di dom xã Quảng Phước, Quảng Vinh, huyện Quảng Điền dauk ia trak. Ông Hoàng Xuân Linh, daok di ban sit  Sịa, huyện Quảng Điền brei thau : Ia dauk dalam rilo, ngak khat lihik mblang hamu ini lac 90%. Mbang akaok mereip dahlak drak hu 7 sào blaoh lihik abih, abih hajan xua dahlak drak veik mbang 2.   

   # Ủy ban bhap bani tỉnh Trà Vinh bahrau brei daong 2 tỷ đồng ka Công ty Trách nhiệm hữu hạn Lương thực Hiệp Tài (Jabat daok di labik ka 7, ấp Tân Thiện, xã Tân Thành, huyện Mỏ Cày Bắc, tỉnh Bến Tre) peih ngak dự án Sang mac sấy saong chai padai – tukvak ka 2 pak khóm 7, bal sit Càng Long, huyện Càng Long, tỉnh Trà Vinh. Ini lac sa dalam dom dự án hu tỉnh Trà Vinh daong piah pachreih doanh nghiệp buh jien tame ngak gah ngak nong, palei pala tui Nghị định ka 210/2013/NĐ-CP harei 19/12/2013 di raja-ei. 

     # Dom harei ini, urang nong Bình Phước mboh biak chreih bui tuk bilan kuah katak cao su di Bình Phước dui atah jang jaik sa bilan tra. Makna kayua hajan suan bilan rah tabiak hamiet ngak ka beir phun cao su oh ka truac hala, tabiak katak biak rilo, gam saong nan katak jeng hu yaom yau nan ye mikva jhul khang bruk kuah mek.

Khaw tin dunya

     # Nhật báo "JoongAng Ilbo" di Hàn Quốc tabiak harei 9/2 brei thau Triều Tiên daok hu nguyên liệu hạt nhân ralo jang dut haong kuhria mboh dahlau nan di dom chuyên gia, ngan haong lượng urani hu ngak meda di pakat độ glaong saong plutoni ginup piah ngak hu tal 60 akaok đạn hạt nhân. 

       # Liên hợp quốc (LHQ) hu panuac ieu rik daong 2,1 tỷ USD piah daong yaok  triệu urang daok caong daong chip di Yemen dalam thun 2017; saong daok hu panuac khan brei thau dahlau lac, taneh ia Trung Đông ini meda samal dang anak bruk eik lipa trak.

      #  Sa urang jakar ngak praong di Nhật Bản brei thau, Thủ tướng Nhật Bản Sindô Abê meda ba tabiak đề xuất padang Ủy ban pakat glaong ginum biai Mỹ- Nhật ka  bruk pablei salih, an ninh saong dom kadha kinh tế praong, dalam nan hu jien padai dalam mbang nyaom tadung glaong di Thủ tướng Sin-dô Abê saong tổng thống Mỹ Đô-nan Trăm harei 10/2.