# Kapul urang ngak bruk di Ủy ban Khoa học, Công nghệ saong Môi trường, Quốc hội khóa XIV bahrau hu van ngak bruk haong urang pal akaok tỉnh Sóc Trăng ka bruk peih ngak sarak, hukum pacang khik saong patagok glai. Brei panuac di van ngak bruk, ong Trương Minh Hoàng, Phaok akaok Ủy ban Khoa học, Công nghệ saong Môi trường di Quốc hội taong yaom glaong bruk sangka di urang pal kaok tỉnh jeng yau kein laba di bruk pala glai saong dom mô hình khik iek glai di tỉnh; taphia di nan hupanuac ba tabiak jalan ka tỉnh roh duah thu dịch vụ môi trường glai, patagok pren khang di tỉnh gah glai saong tasik piah ngak điện angin saong điện aia harei.

# Viện Dinh dưỡng negar (mintri Y tế) brei thau : bruk labaih dinh dưỡng atau dinh dưỡng oh njauk  (yau labaih kg – limek rilo, rối loạn chuyển hóa, tagok darah , tagok saradang dalam darah) saong dom ruak mạn tính oh njom mbak pambuak tal dinh dưỡng (yau ruak tim mạch, me ik saradang, ung thư…) daok dak harei dak tagok samal saong meblah tal 73% naong trak ruak kik saong metai lihik. Taphia nan, kurang dinh dưỡng ba tal lavang lavaih jeng daok mboh rilo .

# 3 urang ngộ độc alak Methanol bahrau tame sang iek ruak Bạch Mai. Yau nan meng harei 22/2 tal harei 8/3 di pasak Chống độc, Sang iek ruak Bạch Mai hu 14 urang tame cấp cứu saong điều trị kayua ngộ độc alak lai meng cồn công nghiệp Methanol, dalam nan hu sa urang metai. Dom urang ini daok pak dom quận, huyện di Hà Nội nan lac: Hà Đông, Phúc Thọ, Đống Đa, Thanh Xuân saong Hoàng Mai.  

# Rilo harei ini mai di dom puk palei di tỉnh Yên Bái hu hajan gam tui angin la ar, nhiệt độ trun tagok meng 15 tal 19 độ C, bhum ceik glaong ala 14 độ. Dom puk palei di tỉnh Yên Bái daok caga la ar ka tapol athur. Ông Giàng A Chư, akaok Ủy ban bhapbini xã Trạm Tấu, huyện Trạm Tấu brei thau :Taong abih 5 palei dalam xã saong dom sang hu athur kol dahlak hu brei urang jakar trun tacei pato mikva ngak var raong saong pacang sir, dalam tukvak hajan la ar ini oh brei athur tabiak mblang hamu saong njauk cakak hareik mai sang brei mbang di var.

# Sa bala sà lan trak bahrau rah tabiak di jaik cảng km 6 dalam phường Quang Hanh, ban sit Cẩm Phả, Quảng Ninh ngak ka 2 urang metai. Tui dom urang daok diuk dalam mbang bala khang nan brei thau, ngin ribuk di kreh melam ngak karam sà lan.  Gah chức năng hu sraong veih gilai karam, ba dua urang metai tame sang iek ruak đa khoa khu vực Cẩm Phả. Hadei di nan gauk gar di urang metai mai ba tau nao sang ngak ndam.

# Di Nhà Thiếu nhi tỉnh Bình Dương barau rah tabiak var ndom biai hu angan  “ dam dara Bình Dương saong bruk padang mbang gui dalam buk kinh tế - xã hội yau urak ini ” di urang dang akaok tỉnh Bình Dương saong  200 urang lac dom  Bí thư, Phó Bí thư dom cơ sở Đoàn di Tỉnh đoàn Bình Dương. Var ndom biai piah pabak dom ilamu ka dom urang jakar Đoàn dang akaok dom pakat, dom urang pathau khan dalam tỉnh…

# Dom bruk ngak di Harei pataom cà phê Buôn Ma Thuột mbang ka 6 saong Harei pataom Ilamo Cồng chiêng Tây Nguyên hu peih tabiak. Ngan hoang kadha “Cà phê chất lượng brei ka pren yava di bhap bani”, taong abih labik praong dom hec-ta, ala phun kayau taha, praong, labaih 730 gian hàng di labaih 230 doanh nghiệp dalam saong langiu negar hu srap gap biak mekre meta. Dalam nan hu labaih 400 gian hàng cà phê saong dom janih pandap pambuak tal cà phê; daok veik lac dom gian hàng pandap panda pablei salih hu thua cambaih asal di nyu.

Khaw tin dunya

# Trung Quốc barau ba tabiak sa jalan  ngak piah phi hạt nhân hóa bán đảo Triều Tiên jeng ye padang jalan hòa bình piah langyah bruk khủng hoảng an ninh di libik ini. Akaok mintri Ngoại giao Trung Quốc Vương Nghị (Wang Yi) ndom lac, piah lang talaih bruk khủng hoảng urak ini di bán đảo Triều Tiên, Bắc Kinh ieu Bình Nhưỡng padheih dom bruk ngak hạt nhân saong tên lửa piah salih veik bruk padheih dom mbang pasram praong di Mỹ saong Hàn Quốc.

# Tòa án Hiến pháp Hàn Quốc brei thau meda tabiak phán quyết puac abih ngan haong Tổng thống njauk luận tội Park Geun-hye (Pắc Cưn Hê) dalam harei 10/3 tal. Phán quyết di tòa daok hu bhap bani Hàn Quốc caik hatai sangka, kayua phán quyết puac abih ini nyu pambuak tal jalan ngak chính trị di Tổng thống Park. Meyah Tòa njauk hatai haong panuac luận tội di Quốc hội, amuk Park brei padeih ngak tổng thống saong Hàn Quốc njauk peih bruk bầu cử tổng thống dalam 60 harei meng harei tabiak phán quyết. Meyah cagar veik, amuk Park daok hu ngak tổng thống mbiah tal tuk abih nhiệm kỳ.

# Dự luật barau Hukum pasang iek pren yava Mỹ (ACA) hu ieu lac Trăm-ke (Trumpcare) daok hu pasang iek di Quốc hội saong meyah hu brei tapa, nyu hu salih ka hukum  y tế di rajaei dahlau hu angan Ôbama-ke (Obamacare). Chủ tịch Hạ viện Mỹ Pau Rai-ần (Paul Ryan) jia lac dự luậtHukum pasang iek pren yava Mỹ meda taduan hu ginup bruk pachreih tui saong hu brei tapa di Quốc hội. Ini lac dự luật hu cang suai livik di đảng Cộng hòa piah salih ka danakdak pasang iek pren yava Ôbamacare. Min, dự luật daok dang anak bruk phản đối meng dom urang dalam đảng. Dom nghị sĩ bảo thủ di đảng Cộng hòa mboh lac hukum pasang iek pren yava Mỹ biak dreih yau Ôbamacare./.