# Tal tukvak ini, dom sang bac đại học (ĐH) hu brei thau ka tanut điểm sàn xét tuyển ka thun 2018. Tanut điểm sàn ini hu dom sang bac kuhri kuhria iek tui số lượng caong khin bo thí sinh (TS) hu mboh tangintut angan dahlau di nan. Kayua yau nan ye, tuk ramik veik hatai caong khin, TS njauk mong iek ka nyu tani tanat piah plaih bruk điểm glaong bo oh njauk palih ruak tame ngành bo drei tut angan. Tui ralo chuyên gia, meng phổ điểm di yaok tổ hợp môn jeng mboh biar jang thun 2017 ye kadha mbuan mong iek abih nan lac điểm di ngành “hot”, sang bac tốp angaok meda trun samar.

# Ngan song dom sang bac di  khối sư phạm, harei 18-7 mintri pato megru brei thau tanut điểm sàn. Kayua chỉ tiêu cakak trun rilo, tanut  chuẩn di gah sư phạm thun 2018 biak glong. Yau nan ye, dom thí sinh takre gah sư phạm hu pasang iek cambaih tanut  chuẩn di thun  2017 song thun  2016. Meyah điểm thi samu atau glong jang điểm sàn di mintri pato megru meng 1 - 2 điểm, thí sinh brei  kuhira salih caong khin piah tagok khả năng trúng tuyển. Thí sinh jeng kanan, bruk salih  NV tok hu sa mbang. Yau nan ye, meyah oh sangka, TS biak takik hu cơ hội piah  trúng tuyển tame dom sang bac  ĐH hu angan song biak takik sang bac xét tuyển NV bổ sung.

# Sa urang kamei ruak di Khánh Hòa mai Sang iek ruak Hùng Vương (Bal raya HCM) dalam tuk hatian prong jang hatian di dom urang kamei karei tal harei mene. Urang ruak brei thau atah di ini jaik 3 bilan mboh hatian prong samar jang min tok saneng lac lamek hatian kayua bhian mbang melam, nan ye oh nao khám. Bác sĩ Sang iek ruak Hùng Vương TPHCM blac raih mek tabiak siam mekre. Meyah khối u ác tính, bo caong khik khik vek chức năng caih menek, urang ruak njauk patui veik điều trị hóa chất…Bác sĩ Nguyễn Thị Kim Anh, akaok khoa Phụ Ngoại Ung bướu kakei lac dom adei sa-ai kamei, dalam nan hu urang oh ka khin lakei atau khin blaoh njauk nao khám phụ khoa định kỳ.

# Mesup 15-7, di mblang bein ilamu Văn Lang (quận 5, ban raya Hồ Chí Minh), Hội Liên hiệp dam dara ban raya Hồ Chí Minh pambuak bruk song  Nyaom Sinh viên ban raya, peih  lễ ra quân Chiến dịch halan hatain bilan  hè hajao mbang ka 25 hu angan "Chiến sĩ halan hatian bilan hè hajao ban raya Hồ Chí Minh hadah krah, halan hatain kayua bhap bini. Pok panuac dalam harei  lễ, ong  Nguyễn Thiện Nhân biak bui sambai tuk thau Chiến dịch thun ni tadua hu labaih  60 rabau sinh viên hu mbaok tame song dom bruk padang ngak bahrau, pasiam veik takik di abih  50 sang anit ranam, tình nghĩa; pasiam veik điện ka 500 sang dalam sarak karja, sang kan kathaot; pato ngoại ngữ, tin học ka 20 ribau thanh, thiếu nhi; padang ngak  50 "tuyến hẻm văn minh hacih saat siam mekre", 5 "chung cư văn minh, hacih saat, siam mekre "; patagok , bê-tông hóa 40 km jalan mbak palei pala…

# Tapa pasang iek tỉnh Vĩnh Long hu duah mboh 13 xã njauk laik tiêu chí xã palei pala bahrau. Ini lac dom xã hu công nhận xã palei pala bahrau, min kayua karja xã oh sangka tal bruk pasiam veik paglaong chất lượng nan ye dom tiêu chí njauk lahik điểm. Ralo xã laik tal 10 tiêu chí, pagap yau xã Tân Bình, huyện Bình Tân. Dom xã laik tiêu chí njauk mek veik Quyết định công nhận. Kuhria tal urak ini Vĩnh Long hu công nhận 39 xã palei pala bahrau, tui bruk ba tabiak tal puac thun ini tỉnh meda công nhận gilac 6 xã tra. 

Patui di ni dom khau tin dunya

# Yam tapa Croatia saong  tỉ số 4-2, Kapul chaoh blong negar  Pháp padang ngak veik dak rai di 20 thun dahlau , mbang ka 2 mek hu chức vô địch cúp chaoh blong dunya (World Cup). Menuac sia di Prang meng dom canah jalan tuh mai từ Khải Hoàn Môn song jalan roya Xăm Ê-li-dê (Champs-Élysées) tadhau yuh jak jeng di đội tuyển.  Jeng di labik ni, njauk 20 thun dahlau, menuac urang ngak jeng sa mblang takik menuac sia tuk kapal chaoh blong negar Prang mbang camereip vô địch World Cup. Dak rai hu gilac veik , urang Prang  hu makna  piah bui sambai chreih chrai dalam jayah.

#  Chủ tịch FIFA, Gianni Infatino brei thau: "Russia 2018 nan lac mbang World Cup siam gheih di abih meng dahlau mai". Hu 98% sân vận động bak abih manuac sia, labaih 1 triệu tuai damuai duanya, labaih 3 tỷ urang mong iek TV, labaih 11 tỷ mbang urang tui iek asal kadha nan angaok dom kênh FIFA, labaih 7 triệu mbang urang hu mbaok tame dom fan fest, baoh jeng siam mekre di công nghệ VAR, bruk pasang iek  doping brei mboh kết quả oh ka hu mboh ngan haong tỉ lệ 0% dương tính. 

# Mintri Môi trường I-xra-en harei kabroi brei thau, bruk pandar kadung ni-lông di negar ni dalam thun 2017 hu trun tal 80% dut song sa thun dahlau nan. Tui mintri ni, dom kadung ni-lông pandar trun khang lac kayua  thun 2016, I-xra-en hu ba tabiak “adat kadung  ni-lông” piah patrun bruk pandar kadung ni-lông di dom siêu thị. Tui adat ni hu ba tabiak, dom siêu thị njauk bayar 0,1 sê-ken (shekels), samu 2,7 xen (0,027 USD) ka dom kadung ni-lông. Mintri Môi trường I-xra-en brei thau hu jalan ngak bahrau piah patrun bruk pandar kadung oh lac di  siêu thị bo di tong abih dom  cửa hàng di negar ni./.