# Tui Mentri Lao động thương binh saong Xã hội, thun 2017, dalam negar hu ba bruk ngak ka jaik 1,6 triệu urang. Chất lượng bruk ngak, jien mek tame di urang ngak hu patagok. Taphia di dom siam mekre nan, tui ralo chuyên gia, darak pasar urang ngak, bruk ngak di Việt Nam jeng daok mboh dom tavak tave njauk pasiam veik. Nan lac cơ cấu urang ngak di Việt Nam daok biak lạc hậu; jeng daok hu biak ralo urang ngak daok ngak dom bruk biak mbuan, oh caong hu ilamu kỹ thuật glaong…Thứ trưởng Bộ Lao động thương binh saong xã hội Doãn Mậu Diệp brei thau, piah kuhria caga siam menuac ngak, pabak saman công nghiệp 4.0, bruk akaok meti nan lac salih bahrau bruk pato bruk ngak piah patagok urang ngak chất lượng glaong.

        # di  tỉnh Kon Tum, hajan dui atah labaih sa bilan tapa ngak ka taneh liman ba tal glut jaleih rah tabiak di dom jalan. Di  huyện Sa Thầy, sa dalam  2 jalan ba tal xã tapen negar  Mô Rai lac  tỉnh lộ 674 njauk gar jalan abih kayua yaok ribau m3 haluh patau jaleih trun meng ta luy dương. Anak bruk glut jaleih rah tabiak di angaok jalan tỉnh lộ 674, karja song phòng chuyên môn huyện Sa Thầy, tỉnh Kon Tum pachreih hu ba 3 jamriak kuac, song rilo radeih tải pasiam veik dom labik glut jaleih. Min kayua  haluh patau biak prong, langik dok hajan yau nan ye bruk pasiam veik biak suai damuai song kan kandah. 

       # Mentri Ilamo, padhih saong rivang ma-in, Ban Tuyên giáo Trung ương, Ủy ban Dân tộc bahrau brei thau mbang pakacah paneh kadha daoh ndom ka bangsa takik saong bhum ceik thun 2018 ka dom tác giả urang bangsa takik. Asal kadha mbang pakacah pataom tame dom Kadah ndom ka Đảng, Bác Hồ,  bhum ceik, ilamu cách mạng di dom bangsa, dom salih bahrau dalam rai diuk dom bangsa takik, dom kareih camin hadah dalam bruk ngak mbang,  padang ngak palei pala bahrau di bhum urang bangsa takik. Dom kadha daoh payua tame pakacah njauk hu panuac saon  nhạc vaak meng sap Việt. Ban tổ chức taduan mek dom kadha payua tame pakacah tal abih harei 28/9/2018. Pataom iek veik, peih bruk jao brei giải thưởng tui kuhria dalam bilan 11/2018 pak Hà Nội.

      # Urak ni, ia di angaok krong  Cửu Long dok tagok. Taeng di huyện Vĩnh Hưng, tỉnh Long An ia dut hu lac  1,4 mét, glong jang 21cm dut haong tuk vak ini thun dahlau. Kayua ia sua mai avar nan ye rilo mblang padai di dom xã taneh beir di  huyện yau Tuyên Bình Tây, Vĩnh Thuận, Tuyên Bình, Vĩnh Trị,... mbuan si dauh meyah oh samar pasiam veik ar pacang. Vụ Hè thu 2018, Vĩnh Hưng drak hu labaih 28.600ha padai . Tal tuk vak urak ni bahrau hu labaih 1.200ha, dok veik nan dalam tuk tamuh, SRAOH tasak. Piah khik caga mblang taneh do veik, abih di nyu di dom xã taneh beir, Ubbhap bini  huyện tacei dom gah  chuyên môn pambuak  haong Ubbhap bini  dom  xã kakei bhap bini bhian pasang  iek duah thau  dom labik mbuan si dauh ia piah samar hu jalan pacang caga padai.

       # Urak ini, ralo balai radaih buýt dalam bal Biên Hòa, tỉnh Đồng Nai daok khut, hu trạm njauk dom urang kurang ý thức vak, cih, pagam tờ rơi, klaak harei hareim  bal glai bal klo … mboh biak jhak, abih di ny lac di dom labik nội ô. Jabat chức năng njauk bhian pasiam veik dom trạm radaih buýt, patagok bruk pasang iek, langyah dom bruk meblah mek, cih vak , pagam tờ rơi di dom balai radaih buýt. Taphia di nan, ngan haong dom balai hu khu vực kik cang njauk ba caik thùng hareik piah patrun bruk xả hareik. Bruk pathau khan, paglaong akaok saneng di bhap bani njauk hu caik hatai jang piah ngak jeng dom trạm radaih buýt siam, paglaong kadha siam gheih ka đô thị.

Khaw tin dunya

# Dalam sa bruk biak takik mboh, Jabat pasang iek không lưu nội địa Bỉ brei kreih pambah mbang không phận dalam 2 tuk  kayua sự cố tin học. 6 mblang kapan haoh di negar ni gaok kan kandah. Tui urang brei panuac Jabat pasang iek không lưu nội địa Bỉ A-lanh Kni-ép (Alain Kniebs), không phận negar ni kreih pambah mbang kayua dom bruk an ninh. Dom kapan haoh oh meda par tagok atau njauk par tyrun. Min, Jabat pasang iek không lưu nội địa Bỉ oh khan cambaih laih hu hadom mbang par song hadom tuai njauk  ảnh hưởng.

         # Kadung jien dunya (IMF) bahrau hu harak khan brei thau ka bruk pok meyaom dom salih bahrau kinh tế di Ai Cập, taphia di nan brei thau dom cuang kandah saong dom mbuan lagaih dalam dom thun anak tal. Harak pathau khan brei mboh lac  Ai Cập njauk pamaong tal bruk pandar bhap bani daok cakrok patagok samar, hiện đại hóa nền kinh tế saong ba brei sa mạng lưới an toàn xã hội hiện đại piah pacang khik dom urang mbuan tổn thương abih dalam xã hội. Dalam 5 thun anak tal, jaik 3,5 triệu dam dara Ai Cập meda hu mbaok tame dom urang ngak.

         # Thủ tướng Ma-lai-xia Ma-hát-thia Mô-ha-mát brei thau, Rajaei negar ni peih bruk ginum biai cambaih laih jang song Xing-ga-po ka bruk padeih dự án jalan pasei cao tốc bo oh bayar dom pok jien đền bù prong. Ong Ma-hát-thia ndom lac, meyah Ma-lai-xia eng drei tah klaak thỏa thuận, negar ni brei bayar sa pok prong dok ieu lac ngak tayah hợp đồng. Cambaih di nyu, oh lac Ma-lai-xia hu padeih abih dự án, min dalam tuk vak urak ni, kadung jien oh brei ngak, yau nan ye, chưa dự án ni njauk padeih sa tuk vak./.