# Dalam mbang ngak bruk haong dom tỉnh Tây Nguyên, biar harei 22/7, apul urang ngak bruk di Ban Bí thư Trung ương Đảng kayua ong Trần Quốc Vượng, Ủy Viên Bộ Chính trị, Thường trực Ban Bí thư hu van ngak bruk haong Tỉnh ủy Gia Lai ka bruk ngak hu dalam 2 thun meteh peih ngak Sarak Nyaom roya mbang ka XII di Đảng saong Sarak Nyaom roya mbang ka XV Đảng bộ tỉnh Gia Lai. Hadei di tuk pang harak khan brei thau, ong Trần Quốc Vượng pok meyaom dom bruk ngak hu dalam cakrok patagok kinh tế, xã hội di tỉnh Gia Lai. Ong Trần Quốc Vượng ndom lac tỉnh njauk sangka jang tal dom kadha prong: iek prong ta bruk dak padang talei gul pataom, yasa dalam Đảng; abih di nyu lac bruk pacnag khik, patagok glai piah paglaong jang halui pacang di glai; sangka jang tal bruk ba brei taneh pala drak, patruh kathaot, paglaong rai diuk di bhap bani. 

# Jeng dalam harei 22/7, Kapul ngak bruk di Ủy ban ATGT pakat negar song mintri pajeng ba hu mai sang iek ruak  Đa khoa tỉnh Cao Bằng tangi sua, pachreih ba song dong ka dom urang gaok bala biak trak di  huyện Nguyên Bình tỉnh Cao Bằng. Ong Khuất Việt Hùng, Phó chủ tịch chuyên trách Ủy ban ATGT pakat negar hu klah rabha song dong ka dom boh sang hu urang metai 5 triệu đồng/sa urang; tangi sua song jao brei dom urang njauk rambuac 2 triệu đồng/sa urang. Kapul ngak bruk hu mong iek tapak, njauk hatai tacei ba caik biển cảnh báo nguy hiểm; lambaok Tổng cục jalan mbak Việt Nam pambuak bruk song kapul dam dara di labik ni pala phun kayau piah khik  hành lang siam mekre song patrun patakik dom mbang gaok bala angaok jalan ni.

      #  Pambuak pagam tal bruk anai kamei dara Y Nhiêu, umo 23 thun, bangsa Giẻ, daok di huyện Đăk Glei, tỉnh Kon Tum nao ngak pah di Gia Lai njauk taong paoh yau jaman trung cổ ngak ka manuac sia pandik hatai, Akaok Mentri LĐ-TB-XH Đào Ngọc Dung bahrau pandar dua tỉnh Gia Lai saong Kon Tum pambuak bruk pasang iek, khởi tố saong langyah catang bruk nan tui njauk adat hukum.

# Bahrau ni, Tổ công tác 334 (mintri Công Thương) pambuak bruk song  Chi cục khik ramik darka pasa  ban raya HCM peih bruk pasang iek  3 cửa hàng dalam hệ thống di Công ty Cổ phần Con Cưng (Concung.com) di ban raya Hồ Chí Minh. Pagam tal bruk ni, dahlau di nan, sa urang tuai di quận Tân Bình phản ndom lac khan aow uranaih blei cuh mboh hu dấu hiệu cakak song plaik angan je. Doanh nghiệp ni brei thau pandap nan njauk  lỗi dalam tuk jhik. Lambaok kapul ngak bruk brei thau anak tal hu pasang iek di 105 cửa hàng Con Cưng di ban raya HCM. Hu thau, Công ty Cổ phần Con Cưng padang tabiak meng thun 2011, pablei salih pandap panda ka dom amaik metain song uranaih.

    # Jeng pak bal raya HCM, harei kabroi (22/7), 140 kamuan nan lac anek di urang jakar- urang ngak hu rai diuk kan kandah taduan mek hu pok jien bac jaik 260 triệu đồng. Ini lac dom kamuan metui ame, patui amaik atau patui abih ame amaik; hu ame atau amaik njauk ruak kan kandah, njauk bala tuk ngak bruk, atau rup di dom adei njauk ruak kan kandah, rambius trak min kham merat yam tapa kan kandah, mek hu ralo siam mekre dalam bac da-a.

Khaw tin dunya 

# Takik di abih 25 urang njauk rambuac dalam mbang megei boh taneh khang  5,8 độ rích-te rah tabiak mesup harei (23/7) di tỉnh Cơ-man (Kerman), khu vực Đông Nam Iran, atah di ni dom tuk vak, hadei di tuk 3 mbang megei boh taneh karei rah tabiak di labik gah pai song gah merong negar ni. Dom harei tapa hu tal 4 mbang megei boh taneh gamgam rah tabiak di Iran. Tui panuac khan bahrau di abih, urang njauk rambuac dalam mbang megei boh taneh khang  5,9 độ rích-te dalam beir harei  22/7 di  tỉnh Cơ-man-sa (Kermanshah), gah tây Iran tagok jiak 290 urang.

# Harei 22/7, mbang đình công di dom phi công dalam Hãng kapal haok Hoàng gia Ma-rốc (RAM), daok yam tapa harei ka 3 gam gam, ngak brei 4 mbang par tra di hãng ini oh par hu. Tui panuac khan angaok blah Tuýt-tơ di Hãng kapal haok hoàng gia Ma-rốc, kuhria tal harei  22/7, taong abih mbang par di hãng njauk klaak nao tagok tal  18 mbang, dalam nan hu 10 mbang par dalam harei 20/7.

# Dom khau tin di Anh harei kabroi 22/7 brei thau , Jabat cảnh sát song tình báo Anh dok pandar uranaih  ngak gián điệp dalam dom bruk ngak kandauh pacang khol  khủng bố, băng nhóm song tội phạm ma túy, dalam nan hu uranaih umo ala 16 thun. Khau tin ni, hu rilo panuac chỉ trích bruk pandar uranaih dalam dom bruk ngak gián điệp kandauh di dom Nghị sĩ. Anak panuac oh njauk hatai nan, Văn phòng nội chính di rajaei Anh ndom lac bruk pandar khau tin tình báo dalam umo thành niên biak takik tuk hu patui ngak song hu pandar tuk khin biak biai./.