# Mesup harei ini 27/8, di pasak nyaom biai Sunspa Resort, ban Đồng Hới, Thủ tướng Nguyễn Xuân Phúc hu mbaok di Nyaom biai xúc tiến đầu tư tỉnh Quảng Bình thun 2018 ngan saong kadha: “Pambuak bruk saong patagok khang kajap”. Di nyaom biai ni, Ubbhap bini tỉnh jao harak chứng nhận tut angan tame ngak mbang song Biên bản thỏa thuận pambuak bruk ngak mbang ka 66 dự án saong yaom phun jien abih tih lac 162.250 tỷ đồng (lac labaih 7 tỷ USD). Di var ngak bruk di Thủ tướng Nguyễn Xuân Phúc song urang pal akaok tỉnh Quảng Bình dalam bier harei kabroi (26/8), urang pal akaok tỉnh Quảng Bình brei thau tỉnh mong du lịch lac gah kinh tế prong  song dok patom tame ngak dom bruk  du lịch hang động, du lịch tasik.

# Mentri Pato megru birau hu harak payua  urang dang akaok dom sở Pato megru dalam taneh ia ka bruk peih ngak dom kadha di akok thun bac birau 2018- 2019. Mentri ini tacei pato dom tỉnh ban brei samar ngak ka nyu salah bruk pabak trang thiết bị pato bac, pasiam labik bac, bilik bac; pasang eik, rami ramik veik dom gru pato njauk tui bruk ba tabiak…Bruk peih thun bac birau dalam negar drei lac harei 5/9. Danakdak  harei nan brei ngak katut panak hu ginup bruk yau: tadaun anek saih akok pakat bac, chào cờ, daoh quoc ca, bac thư Akok negar payua saong meda hu dom bruk daoh tamia bui smbai.

# Dom đơn vị pajeng ba daok caga  rilo kapal, radaih, kapan haoh piah pabak bruk nao mai rilo di bhap bini dalam harei padeih lễ 2/9 anak tal. Tui lambaok Công ty cổ phần pajeng ba jalan pasei  Hà Nội, dalam dom harei  meng harei  30/8 tal  3/9, Công ty hu jaik  140 radeih peih pajeng tuai ngan song 90.000 labik dok  ka tuai nao mai meng  Hà Nội nao Thanh Hóa, Vinh, Quảng Bình, Lào Cai, Đà Nẵng...Dok hãng Vietnam Airlines brei thau, meng harei  29/8-4/9, tui jalan par, harei par bay song tuk vak par, Vietnam Airlines peih bruk pablei harak kapal haoh gah tabung glaong tui  8 yaom ka dom janih vé phổ thông, daok gah oh lac tabung glaong di harak phổ thông, peih pablei ginup  12 dải vé (oh kuhria  thuế phí).

# Tui kuhria mboh, Viet Nam nan lac negra hu rilo mac tính hệ thống cong nghiep njauk urang tame ngak khut  rilo abih di dunya ngan saong 69,6%. Anak bruk nan, dom urang ilamu lac, bruk an ninh mang daok gaok rilo kan kandah njauk brei pasang eik veik, yau nan ye, brei pakhang bruk quản trị gah an ninh mạng mai meng urang dang akok piah brei tui iek hệ thống, hu thau chip bruk khut saong pacang cakak bruk khut khat nan.

# “Harei patom ilamu dom bangsa gah kreik negar” hu tamat bloh di  beir harei 26/8, di ban Tam Kỳ, tỉnh Quảng Nam. Dalam dom harei patom ilamu, bhap bini, tuai damuai song mik va dom bangsa hu ba drei tame dom adat cambat di dom bangsa tapa 13 trích đoạn lễ hội, padang veik, parang iek dom adat cambat di mik va yau: Adat paling yang taneh padang palei di urang Cơ Tu; Rija mbang kabau di bangsa Cor tỉnh Quảng Ngãi; adat uan padai bahrau di bangsa Pa Kô tỉnh Quảng Bình…

# Radaih pajeng tuai damuai dulich  daok peih nduac angok jalan Bà Nà - Suối Mơ (Đà Nẵng) saoh saoh apui khuah. Yaoh pluh urang ndik radaih, dalam nan hu rilo urang negar langiu, huac nduac tabiak truh radaih. Bruk khuah nan rah tabiak biar harei 26/8, angok jalan  Bà Nà - Suối Mơ (xã Hòa Sơn, huyện Hoà Vang, TP Đà Nẵng). Mboh apui khuah, urang peih radaih chap binh brei padam pui min oh jeng. Jabat chuc nang brei thau, apui khuah kayua chập điện.

# Beir harei 26-8, trận chung kết ABU Robocon 2018 rah tabiak song bruk pakacah di 2 kapul Việt Nam 2 song Trung Quốc. Di tuk vak quyết định, Kapul Trung Quốc glum còn blait tabiak gah lingiu, dalam tuk nan Việt Nam 2 glum hadei min glum njauk nan ye mek hu jayah Rồng bay di  minite ka 16, ba chreih chrai ka Nhà thi đấu Thể dục, thể thao tỉnh Ninh Bình. Việt Nam hu jeng nhà vô địch ABU Robocon 2018, khik hu ngôi vô địch thun 2017. Ni lac mbang ka 7, Việt Nam mek hu vô địch, jeng sa negar rilo mbang vô địch di abih dalam dom kapul hu mbaok tame pakacah ABU Robocon.

Khaw tin dunya

# Urang Hu pok ngak veik Tổng thống Zimbabwe, ông Emmerson Mnangagwa harei kabroi 26/8, eiw bhap bini taneh ia ini njauk jum pataom gauk saong pataom tame jhull pakhang bruk ngak kinh te hadei mbang palih ruah meng blaoh. Ong Zimbabwe brei panuac lac, bruk ngak brei njauk tuyi hukum kỷ cương dom bruk ngak kinh tế tantu piah pacheih saong ba mbuan lagiah ka bruk buh jien tame ngak mbang dalam saong langiu negar.

# Takik di abih 6 uranaih song 2 urang prong metai dalam mbang pui khuah trak rah tabiak harei kabroi (26/8) di sqa boh sang di ban Si-ca-gâu (Chicago), Mỹ. Sa dalam dom makna ngak ka bruk rah tabiak tui jalan trak damak lac boh sang oh hu thiết bị báo khói. Hadei di tuk pui khuah khang, sa urang kamei ieu phone khan ka gah padam pui, jang yau ieu talei phone pandiak 911, hadei di nan urang ni tapa gaoh pambah mbang dom sang jaik tapen piah khan brei thau. Bruk ngak di urang kamei ni patuah dong hu rilo urang karei. Makna di mbang khuah ni dok hu pasang iek ka cambaih laih.

# Niêu Xai-mừn (Neil Simon) nan lac sa dalam dom urang vak kịch danei angan je di Mỹ birau plang lahik tuk umo 91. Xai-mừn vak dom kadha yau: Di Ót Cắp-pồ (The Odd Couple), Pla-za Xuýt (Plaza Suite), Lốt in Yon-cờ (Lost in Yonkers)saong dom kadha karei karei tra. Dom kadha di ong ba bui sambai ka yaok trieu urang Mỹ moang iek luac dom thun tapa kayua ong thau paplak tame dom cakhe ngak kadop gam saong noi tam di kadda di drei. Labaih 40 kadha kich di Xai-mừn hu peih ngak di san khau Brót-uây (Broadway)./.